家美叫做適應左

家美已經入屋4個月, 雖然仲係有d驚狗狗們都總算叫做適應左, 不過仲係唔俾抱抱又唔俾剪甲, 又成日打人, 兩隻手俾佢爪到傷晒...

家俊睇住家美去廁所

嬌又流鼻血 + 莎又屙血尿

11月3日, 見嬌、莎張床都有血, 睇過佢地都冇傷, 跟住見嬌不停地舔個鼻都知佢又流鼻血, 好在第日就冇再流, 嬌第一次流鼻血係今年6月http://edentatawong.blogspot.hk/2013/07/blog-post_8538.html, 希望佢唔係變左慣性流鼻血喇

家庭新成員家美------磨合期

最近兩星期一有時間就抱家美出廳等佢快d適應, 不過次次佢都好快番入房, 寧願對左莎嬌都唔留係廳

10月2日, 一抱出廳就想搵出口走佬

秋後大草地

10月14日帶左莎、嬌上山探住係大草地既小朋友, 踏入深秋花花草草開始枯黃, 秋風伴住毛毛細雨......   呢日既大草地顯得份外傷感......

2013年泳季完結篇--------有驚無險

  10月12日仔仔又同老表細b去游水, 可惜撞岩潮漲又大浪, 細b首當其衝俾個浪沖番轉頭

細b係浪頂

家庭新成員家美---------想睇醫生睇唔成

家美自由行頭一日好叻女識得跟大隊上檯開飯, 點知第二日（8月25日）就出事喇, 家寶食完想落地佢見 家寶一郁係錦fee佢, 諗住阻止佢地打交, 一個唔小心往左佢落樓下嬌張床, 嚇到佢"哇‧、哇、哇....."係錦慘叫, 全身彊硬想爬番上檯又爬唔倒........自此之後就再唔肯上檯開飯

8月25日, 家美就係呢個時侯發生意外

家庭新成員家美---------入屋一個月

8月7日家美搬左出廳

驚佢唔識用無沙廁所俾貓沙佢自己用

家庭新成員家美---------入屋兩星期

7月24日放左家美入呢間臨時搭既木屋, 第二朝見佢爬左上屋頂爭d爬氣窗跌落街, 好在個氣窗有風會自己轉下轉下佢先冇事, 呢兩個星期佢好努力地想搵機會逃走, 由朝到晚不停地叫, 叫聲好似細路仔喊錦既聲: "有冇人呀? 我係度呀！ 唔該幫我報驚呀！" 一聽到窗外有人聲就叫, 

除左呢幾句聽得明既廣東話仲有好多佢係公園仔學番來既賓賓話、印印話......

7月24日

Yo Yo放2013年暑假（完結篇）

yoyo話要去大草地睇雪雪、金金、同豹豹, 8月20日帶埋莎、嬌一齊去, 影左d相可惜俾我唔小心洗左, 得番兩張

行完個斜坡話想嘔, 自己扣完喉話舒服好多

仔仔女女到左新家

仔仔女女搬左新家第一時間幫佢地做張住戶証先

永遠美麗的雪雪------永遠 10 歲 8 個月,  出生日期2001年11月, 收養日期: 2006年2月9日

妹豬你想點

最近妹豬由朝到晚坐立不安, 通屋漫無目的咁行, 又唔識轉彎, 行到邊停到邊
可以不停咁行幾個鐘, 困籠都係咁......

仔仔9月1日又同細b去游水

仔仔9月1日又同細b去游水, 知道yahoo blog執笠冇咩心機影相

Yahoo! Blog關閉, 大家搬去邊？

Yahoo! Blog話執就執,  一時之間都唔知搬去邊好,
雖然一早有fb戶口（黃樹獺）, 但冇用過咁滯,
不過有可能會用住先......都係鐘意呢到多d....
仔仔女女d資料好有用, 一定要搬走......


如果大家有新家既話請留低聯絡方法...

真係好唔捨得......

家庭新成員藍妹----------家美（入屋）

自由貓藍妹
http://blog.yahoo.com/_7QPANXPHXQX5OGKOIREB7FCWWQ/articles/83742/category/%E8%A1%97%E5%A4%96%E7%9A%84%E5%B0%8F%E6%9C%8B%E5%8F%8B

七月中見藍妹瘦左好多, 右邊肚好大右腳又跛下跛下咁行, 好擔心佢有病, 義工之前
話見佢流鼻水餵左兩次朱古力後消失左兩星期又話佢唔食野, 以為再見唔倒佢.......
餵左佢幾次次次都好快食晒一罐.  7月22日同個義工帶左去睇醫生, 原來係去唔倒
廁所, 醫生幫佢放左一大杯尿話佢有好多大便....便秘, 開左糖水話觀察6日冇事就放
番出街, 本來義工話放貓舍一人輪住睇一日跟住又話撲來撲去好辛苦帶左番佢屋企,
第日就不停咁打電話來話佢要捉隻流左一年眼水既貓番屋企照顧要我帶走藍妹, 叫
佢比多日時間準備都唔肯, 真係好嬲不過見佢咁荒誕既藉口都講得出知佢唔會好好
咁照顧藍妹, 7月24日就接左藍妹番屋企

Yo Yo放2013年暑假

放暑假前yoyo同我講: 媽媽你好耐冇寫我喇！睇番對上一篇已經係一年前
2012年暑假既事...原來真係成年冇寫喇！..........

呢個暑假同舊年暑假一樣要照顧妹豬所以淨係可以去游下水食下野就要番屋企,
想去遠d都唔得, yoyo好乖會幫手放狗狗, 接屎屎又叻成功率高左....

妹豬又轉糧

個幾兩個月前妹豬開始唔願食食開既罐罐, 唔知係咪硬得滯就算餵都
經常吐番出來, 轉左自已煮魚比佢食總算吐少左, 而加每次煮兩種唔同
魚再加南瓜或老黃瓜之類既野, 餐餐都要餵, 佢自己食會飲晒d汁就算

2013下水禮

7月14日, 老狗老地方同老表細B

飲得湯水多真係會白滑D

為左家寶最近多左煲湯/水, 生薏米1-2星期煲一次, 裝起一樽放雪櫃夠家寶
飲3-4日

和諧與包容

6月10日果日趕住拎家寶d尿入荃灣化驗, 淨係帶左仔仔佢地散步諗住番來
先帶妹豬, 放左佢係窗台訓

阿嬌流鼻血

6月9日, 見嬌嬌張床同地下佈滿一滴滴既血珠, 初時以為係家寶既...好驚,
後來見嬌嬌一個 "哈次" D血珠就好似花洒咁噴出來....仲驚！抹都抹唔切...
其實早兩日已經見到呢d血珠（大撻果D應該係嬌嬌佢自己清理左）, 就
當左家寶係樓上滴落來, 雖然都見到嬌嬌塊臉有一兩舊淋巴結腫左但都冇
諗過佢會有事......流鼻血

既然冇菌點解要種菌

6月10日家寶再驗尿, 11日出報告一切正常, 醫生話可以停藥

家寶（無菌性）膀胱炎（尿道炎）入院放尿

5月26日, 家寶屙唔倒尿, 連飲水都嘔, 黃太話馬鞍山蔡醫生好好, 打左電話去
講左咩情況既喇, 點知去到未睇就話沒位做手術, 如果睇要收診金, 睇左都冇
位做, 仲話家寶既情況要即時放尿.......咁你唔好叫我來喇, 山長水遠晒左咁多
時間又唔熟路！！！ 唔係都可以逐間診所問呀.........

光禿禿隻豬

妹豬自從半年前癱左之後次次揮髮都要手剪, 而加就可以用電剪......爽晒！
佢而加成日抓到d墊亂晒跟住周圍屙, 梳化三個位都穿左窿, 尿墊都冇用......
明明開緊飯又會無端端係度屙屎, 仲試過走去阿莎張床屙屎屙尿........

仔仔都老喇

仔仔過左六月二號已經足十一歲喇, 三號個早佢一起身就已經屙左成兜尿,
過左一陣見佢又入廁所, 諗住佢要屙屎屎喇咪拎定張紙接囉...點知又係尿......
接唔切！成地成腳都係.......

阿嬌腳板底生巨瘡

大概一個星期前見阿嬌右後腳行路有時跛跛下, 過多兩天好似仲嚴重左, 直頭吊起隻腳行,
比左七海健絡佢食（佢同阿莎都有食開葡萄糖胺）,諗住過多幾天唔得就睇醫生, 好驚佢
好似阿雪咁要做手術

 家男都好關心嬌姐姐嫁

使唔使咁大聲.......

呢兩日行雷閃電轟轟聲, 大聲到好似個天就來裂開咁, 阿莎阿嬌驚到要人陪,
睇下家寶瞪大對眼.....

妹豬轉新糧

妹豬轉左新罐頭, 一罐可以食一日

金金...一路好走.......

4月2日下午五點左右經過金金開飯位置, 見佢訓係對出泊車位口鼻流血.......已經.......
金金經常訓係車底等開飯......睇住郁都唔郁既金金呆左好耐......有個女人問係咪要
打電話叫人收........決定送金金上大草地, 個女人好好人仲幫我擔摭拎野, 金金全身
濕透個身仲係軟既......放左金金入袋再番屋企拎工具.........金金好重.......

春天的奇蹟

2月21日妹豬第二次針炙, 再一次問醫生行唔行得番...答覆都係唔得！
見妹豬次次都好緊張, 一個鐘頭路程都尿濕個袋就冇再去針炙......

呢個冬天睇住妹豬由自己飲水到餵先肯飲, 雖然醫生話食濕糧就夠水份
都會加多倍濕糧份量水比佢, 有時再加份蔬菜或生果, 每餐時間由45分鐘
加到個半鐘......

奇蹟一一一要有奇蹟先會出現

2月7日帶左妹豬去針炙, 同個醫生講話妹豬約兩年前開始行路會向一個方向傾斜,
食左保健產品後好番,一個月前癱左, 想睇下針完會吾會行得番.........   個醫生聽完
係度笑...話兩年前針就會..........    無言........兩年前妹豬行得走得.........  

咁既生活質素還可以嗎

妹豬已經癱左一個月, 頭幾日一時之間大家都接受唔到, 見佢尿床佢都會唔開心,
而餵食又餵到論論盡盡咁........不過而加都適應左, 只要定時帶去廁所妹豬就冇
再尿床.....

妹豬新髮型, 仲係一日三餐西莎

妹豬依然可愛

見妹豬係屋企行唔倒, 但石屎地仲行倒, 所以都日日出街散步, 直至10號果日.....
10號果日抱住妹豬行到樓下仲未出鐵閘就聞到陣臭味...一睇地下有舊臭臭........
出到街放落地一步都行唔倒, 一放手就撻落地, 試左好多次都失敗......   好唔甘心
11號再試過,  今次就賴尿搞到我成身濕晒.....  出到街放落地又係一步都行唔倒.....

 妹豬雖然癱左但精神幾好, 姬松茸加到每日一包, 見佢唔肯吞d肉粒就試下壓爛d,
既時食快左, 可能d姬松茸令佢好開胃, 而加一日三罐壓爛既西莎糊仔加一包姬松茸

仲可以為佢做d咩.........

流年不利阿莎12月底最凍果幾日唔知係咪飲得水少搞到尿道炎, 仲屙血塊,
又吃藥又日日飲幾碗雞柳薏米水先好番...