熱死貓

唔知點解貓貓咁鐘意毛毛床

仔仔出左院 (第四天)

25日, 今日仔仔返診所復診, 同埋睇驗血同驗尿報告, 其實血液抹片都睇到
中左牛蜱熱又已經開左葯既喇, 都仲要驗呢樣驗個樣, 報告講既嘛又係個d
咁既野......醫生話只要佢肯食野又冇嘔就得啦, 食埋個五日葯後再番去復診
同埋驗多次血睇下仲有冇虫係到.

仔仔今日精神左好多(冇咩心情同佢影相), 肯食乾糧, 不過會煮多幾日特餐
俾佢食. 餐單都係咁上下野, 唔會有咩變動, 今日上磅重左一公斤, 再重落去
葯既份量就唔夠既喇, 睇來餐單份量要減先得喇.

好唔開心係回程個的士司機行左條好多燈位既路, 搞到仔仔嘔左d葯出來,
d葯好貴嫁, 叫個醫生俾多少少都唔肯, 正衰司機睇少一陣都唔得!

岩岩同佢影左張相, 勁樣衰.

家庭新成員完結篇 (滿月)

原來家寶來左我到一個月咋, 唔知點解好似過左好耐咁.  佢d皮膚同腸胃
問題都係差唔多, 冇咩大改善.  同其他成員既相處就改善左, 家俊同家男
對佢冇咩野, 家男都冇再'fee'佢, 反而係家寶蝦家俊, 正一扮豬食老虎.

仔仔出左院 (第二天)-迴光反照?

23日, 仔仔今日冇周圍痾尿啦, 仲識得係廁所問口等我, 可能手仔冇咁痛啦,
間中仲會起身行下.  見到阿雪佢地出街又會扭要去, 所以佢都出左兩次街,
不過番到屋企氣促得好緊要.  下午佢好似記得番自己尋回犬既身份咁啊,
又開始埶野啦!

仔仔出左院 (第一天)

22日,今朝仔仔一起身就係廳痾左兩次尿, 痾第二次時因為企唔到直頭訓左係尿到, 佢從來都未試過咁樣.  早餐煮左六條雞柳加少許椰菜, 食晒, 唔肯飲水, 喂完葯之後順便灌左d水.午餐買左半斤豬肝加左d杞子、紅朿、紅莧菜煮湯, 飲湯食淨少少豬肝, 喂左一粒維他命B雜 (B1, B6, B12), 冇再灌水.  下午諗住買多d豬肝, 不過買唔到.  當我番屋企時仔仔又痾左兩次尿, 一次係佢張床上, 一次係地下, 又試訓左係尿到, 佢好似控制唔到自己咁, 因為仔仔怕行雷, 所以困佢係房開勁冷氣 (驚佢發燒). 晚餐一塊半西冷扒加少許紅莧菜煮湯, 食晒.  今日見佢d小便仲係黃色, 不過唔係可樂咁深色.

今晚放狗遇到做護士既狗友先知道原來仔仔隻手腫到好似豬蹄咁係唔正常嫁, 仲係會好痛好痛嫁, 原來吊盬水係輸落血管到, 而仔仔咁既情況係因為支針郁左, d職員由得佢變左輸落皮下層先會腫到好似豬蹄咁,  我問個醫生係咩正常既佢仲答我係, 真係好無良. 都唔知去邊到搵個好既獸醫. 今日見仔仔隻手唔肯放落地, 應該真係好痛......夜晚佢又試痾左一大篤尿係廳.......

仔仔食緊既係 Atovaquone,  每日三次, 每次2.3cc, 再加 Azithromycin, 每日一次, 每次6.6cc, 另外額外加維他命B雜 (B1, B6, B12), 每日三次, 每次一粒, 再加自製美食, 希望佢血紅素快d升番, 正常係 37-55, 仔仔入院個日得番 28.3 , 出院個日得番 24, 如果低過 20 就可能要輸血........

每次諗到因為自己疏忽而另到仔仔受咁多苦, 就覺得好內疚......

好多謝大家為仔仔加油同祝福!!

仔仔出左院

21日一早去探仔仔順便帶佢出去散步, 見佢d小便仲係又黃又深色, 吊盬水個隻手

腫到好似豬蹄咁 (醫生話會同佢換另一隻手),  退左d燒, 由41度退到39度, 走個陣醫

生話要同佢照X光同埋超聲波.

21日晚再去睇仔仔, 醫生話照過X光同埋超聲波都冇事, 體溫正常返, 可以出院不過

仲未過危險期, 四日後要番去復診, 食晒呢10日葯, 唔得要再食多10日, 係呢段期間

要有輸血既準備.

仔仔番到屋企係咁飲水, 食左一碗雞飯, 跟住就訓喇.   醫生話要邦仔仔造血, 補充d

維他命B1, B6, 同埋B12, 特別係B1同埋B12, 仲有就係呢幾日d血紅素會越來越低,

太低就要輸血......



唔好意思, 個人好疲倦, 冇復到大家既留言.

 好多謝大家既關心!

仔仔牛蜱熱入左院

仔仔初步血液抹片結果証實中左牛蜱熱, 要住院吊盬水, 有可能要輸血, 但又話我

屋企其它狗狗唔適合, 買血又話唔一定有,,,,,,,



宜家諗番呢兩日發生既事, 都係自己太大意先會咁遲先帶個仔睇醫生.

18日下午何B女話見到仔仔想嘔, 又話佢有好多口水, 不過見佢無嘔吐物, 冇

為意, 下午去行山見佢狀態冇平時咁好, 晚餐食淨少少, 以為天氣熱無胃口, 以

前都試過.

19日朝早見佢d小便好深色, 以為佢飲小左水, 唔食早餐以為熱無胃口, 下午去散步

見佢小便好似可樂咁既色, 大便末端係黃色, 狀態差過前一日, 何B女阿媽話佢痾

血尿可能腎有事, 叫我快d帶佢睇醫生, 我以為個仔唔知食錯左咩野消化唔到, 睇

佢d牙肉同阿雪佢地差唔多色, 決定睇多一日, 晚餐食左少.

20日早上d小便變左黃色, 早餐完全唔食, 見佢肯食零食, 煮左雞飯俾佢食, 食左d,

個樣冇咩精神, 唔覺有發燒 (佢以前試過發燒成身發熱) 所以前兩日都冇諗到會係

牛蜱熱, 再睇佢d牙肉好似淺色左d, 即刻搵資料, 發覺症狀同牛蜱熱好吻合, 即晚帶

左佢睇醫生, 係等睇醫生呢個半鐘頭內, 睇住佢d牙肉越來越淺色.......



對唔住阿仔, 係媽媽大意, 咁遲先帶你睇醫生, 見你係籠到發晒癲抓爛晒d野, 媽媽真

係好心痛, 對唔住阿仔......

長命AV-非洲紫羅蘭

Irish Flirt-呢個AV女郎真係好長命, 今年三月維園花展買既, 上個月開花

今日行山遇到的一家八口

今日下午何B女話要同仔仔佢地行後山, 不過遲左出問口, 所以行得半個鐘多d.
何B女同佢老友仔仔影張合照先

何家來的何B女

何B女零三年一月十一日出世, 係三個月大既時侯就來左我到日托, 揍到佢
返幼稚園, 佢媽媽(我大妹妹)放工揍佢番屋企, 沙士期間日夜都係到住,  個
段日子真係好難挨. 何B女宜家已經六歲五個月大, 放學校假多數會係到住. 
佢睇住我地由得妹豬一個小朋友到宜家有八個小朋友.

小岩桐 Sinn. sellovii

兩個月前係花墟買左兩盆寫住小岩桐的盆栽, 呢棵係其中一盆

家庭新成員-舊病復發? (第二十一日)

家寶呢排身上出現多處紅點, 有一撻仲冇晒毛添, 又痾帶血爛便, 左眼有

黃色分泌物

張床太細?

呢兩個小明友係都要逼埋一張床訓, 又唔諗下大家都唔係BB啦,

花花分享

好鐘意, 好鐘意既花貓 K、'HCY's Jardin De Mont' HCY' 終於俾我恨到啦!

家庭新成員(第十七天)

呢排經常打開籠門等家寶自由出入, 原來佢好百厭架! 又是爬左上屋頂,
要抱先落來

床頭打架床尾和?

呢兩個小朋真係好奇怪, 呢頭又攬又錫

慳得一蚊得一蚊 (杜蚤)

今日是杜蚤曰, 買左最大個SIZE 40-60 KG,  一包六支, 中午滴左

石仙桃

石仙桃是本地原生種蘭花, 買回來的時候已有花苞

開一串串白色小花, 沒有香味, 花期十天左右

家庭新成員 (第十一天)

呢幾日家寶開始適應新生活, 而且佢晚上都冇再叫喇, 所以經常抱出廳等
佢熟悉下個環境, 呢晚等大部份小朋友入房訓就放佢出廳同貓貓玩

花花交換/分享(二)

星期一同aj~kiss 交換返來既花花.  迷岩 Purple Pinwhal

花花交換/分享(一)

上個月同貓貓 ^,^ 交換返回即花花.  喜蔭拼盆(開唔同顏色既花)

狗床貓佔

呢個位原本係妹豬既, 不過經常都俾貓貓訓左,

佢地直頭當妹豬冇到

見妹豬咁可憐, 扲過張床俾佢

貓同狗既性格係好唔同既, 貓貓成日一齊訓, 狗狗鐘意自己訓

只要妹豬一行開, 貓貓又會訓埋佢張新床, 可憐既妹豬!

加到 blog 友啦

今日終於加到blog友啦, 至于點樣解決呢個問題, 我都唔知, 我只係把blog友俾我

既回應俾老公睇, 然後督促他試完一個方法又一個方法, 到左今日搞掂啦!

好多謝呢段日子以來不斷俾資訊我既blog友菲麗斯 、好v好✪KaTriNa 、仲有係

電話到step by step 咁教我既美麗媽, 俾 note我既 mi ma, 仲有...仲有要多謝加左我

做 blog 友同訂閱左我個 blog 既 blog 友, 多謝晒咁多位!

謝謝!!!

2009年下水禮

昨日仔仔同老表細B去左沙灘游水, 一落車兩隻野鬼死咁緊張, 一支箭錦
標埋去沙灘.  特別係細B佢阿媽差d拖佢唔住

家庭新成員 (第八天)

咋日見家寶開始適應新生活, 再加上佢晚上係咁係到叫, 晚晚無覺好訓,
所以係俊B佢地間屋隔離起多一間俾佢

新家庭成員 (第六天)

呢兩日都開住房門, 等d小朋友互相熟悉對方既氣味, 所以睡房門口經常
有小朋友係到聚集

由于家男會 fee 家寶, 而家俊較為友善, 所以放佢入房同家寶玩, 一放入籠
佢好自然地坐在家寶旁邊開始玩家寶條尾, 仲邦佢梳毛

家寶好嬲起身想走, 家俊唔放手, 激到佢依晒牙 fee fee 聲仲出手想打俊,
當然被制止喇