何B女佳人有約

2010年6月28日, 上星期個朋友係blog到見到何B女, 話要約何B女今日去飲茶,
呢兩個21世紀後就係今日既主角, 何B女係我姨甥女, 樂樂係朋友個侄仔, 今年
4歲, 爸爸係跆拳道香港隊隊員, 媽媽都係跆拳道黑帶高手, 佢宜加都開始學緊,
將來一定係一個出色既跆拳小子, 不過樂樂宜加最叻仲係扮MJ, 跳舞跳到似模
似樣.  何B女同樂樂舊年已經見過一次面, 樂樂對何B女一見鍾情, 係咁黏住晒,
仲想鍚錫何B女......

一見到面何B女怕怕羞羞咁, 樂樂就古古惑惑咁......

斷背阿叔

今晚散步時見對面馬路有兩個（50-60歲左右）阿叔摟埋一舊, 少D頭髮果
個係咁大哎大叫.   初頭以為係醉酒佬, 後來見多D頭髮果個摟住佢係咁安
撫佢: 呢D交際應酬既野...咁你都唔明.  呢句說話重覆左幾次......跟住就見
佢地手拖手fing下fing下好溫馨咁向住我地相反既方向離開, 而行係我地後面
個（60歲左右）阿伯都一路睇一路笑住咁超越我地.....當然我地都係一路笑
住咁散步返屋企......


返到屋企就係到諗: 連阿叔都斷背, 咁如果家俊同家寶真係斷背的話, 我係咪
應該接受呢, 起馬兩個仔都咁靚仔, 睇落點都順眼D呀......

妹豬焗親 + 細B又出事

2010年6月19日, 本來約左細B去游水, 點知妹豬天未光就起身嘔, 唔知係咪
18號去西貢玩焗親, 嘔左好多橙色帶血腥味既野, 呢頭抹完岩訓著佢又嘔過,
如是者4-5次, 冇覺好訓.   到起身己經係下午, 又驚妹豬有事就冇搵到細B,
後來先知佢地去左紅燈山玩, 細B又咬到人, 仲陪左$500比人......    夜晚見
妹豬冇再嘔又肯食野就同佢飛髮, 今次留返條短裙子比佢.   搞完妹豬順便
幫阿莎阿嬌沖埋涼, 搞左幾個鐘......

c2, Den tanii, 雜交風蘭

新買的發場貨品c2, 冇相像中咁貴, 所以買左

何B女同妹豬去西貢玩

何B女今日唔肯再行山喇, 話要去西貢, 西貢就西貢喇, 反正坐小巴好方便

無牙妹何B女提早放暑假

2010年6月17日, 今日11點半就到左何B女屋企, 何B女第一件事就係問點解
星期一唔去陪佢, 原來唔記得同佢講要覆診, 睇來第日有事要同佢請左假先.
等佢練完琴就出街食飯再返屋企.  一入屋第一時間同家寶影相

有冇人知係咩傷口（好消息）

2009年12月11日, 花花係一隻好乖好乖既cccp貓, 一叫佢就會係腳邊喵喵叫,
領養家俊家男之前有諗過帶佢返屋企, 不過佢流浪左幾年, 驚d狗狗嚇死佢......
10日前見佢身上有個含濃既傷口, 義工話唔得閒捉, 又話見唔到有傷口......

願望會實現嗎？（跟進）

2009年12月29日, 中午放狗時見對面馬路個狗友向我招手, 過去一睇: 有
一小袋貓糧,有個打開左既寵物袋, 裡面有隻好驚既貓！好明顯係有人想
放隻貓上山, 隻貓驚到唔敢出來, 睇個袋應該係早一晚放係到既, 隻貓好肥
唔係好怕人, 可憐既貓貓係到過左一個又濕又凍又驚既夜晚....... 個遺棄貓
既賤人, 詛咒佢落十八層地獄都便宜左佢！！！  幸好貓義工肯收留隻棄
貓係貓社......

2010年6月7日做左眼激光（6月14日覆診）

2010年6月7日, 今日做左左眼激光, 今次好順利, 只係做左一下個醫生就話

得喇, 上次個醫生做左4-5下都唔得, 希望真係得喇！ 又要滴1個星期眼藥水,

滴左隻眼睇野朦查查, 好唔舒服.  下星期一14號再去覆診.



6月14日覆診, 今日個醫生睇完就話個小孔通左, 半年後先再去覆診, 又開番

之前滴開既眼藥水, 只要隻左眼眼角膜唔再出事既話, 可以話係冇事既喇......

穿雨褸散步的日子又來了

一到左雨季, 穿雨褸散步的日子又來喇, 阿莎阿嬌因為唔係屋企去廁所, 所以
日日都要出街, 就算8號風球都要出街, 最怕就係落大雨喇, 沖走晒D氣味, 佢地
唔肯係屋企附近屙, 要行好耐同埋好遠先肯屙, 唔著雨褸的話就會成身濕透.

獨眼家寶

今朝見家寶變左單眼仔, 驚佢隻眼有事, 同佢滴左好多眼藥水

Bl. Richard muller

用迷岩同花友交換既 Bl. Richard muller帶花株, 好靚既橙黃色, 初開會係紅色

天公蝶, 大荷形

2009年9月網友送贈的國蘭: 天公蝶, 第一次種到國蘭開花, 好開心

台灣香蘭Haraella retrocalla

台灣香蘭Haraella retrocalla, 兩盆都開花喇, 個樣有D唔同

三瓣劍葉文心

2009年維園花展買的Oncidium Midas (Peloric)三瓣劍葉文心, 多手搬來搬去整
斷左枝花芽, 幸好又生多左枝花芽, 去年3個花苞, 今年有6個花苞, 好開心啊！

日本風蘭？ 中國風蘭？

2009年5月買的風蘭, 今年又開花喇
去年的樣子

阿雪, 仔仔續牌日

2010年6月5日, 今日帶左仔仔、阿雪去宋皇台狗房續牌, 舊年因為D小朋友
太多事, 搞到阿雪個牌過左期都唔知, 仔仔個牌就6月2日到期, 6月2日又係
仔仔既生日, 續牌就當係仔仔既生日禮物......嘻嘻嘻.......

中西有別

家寶見家男訓係梳化, 跳上去想同家男訓, 點知家男兇佢, 比我制止之後就
用個背脊對住家寶

圖書館

呢兩日比平日早左起身, 搞掂晒D花花同小朋友, 下午就去圖書館陪何B女.

何B女呢個月開始淨係返半日, 下午就會係圖書館溫書, 下星期開始會盡量

早D起身, 可以早D去陪佢, 希望一星期最少可以陪到佢3日.   其實未種咁多

花之前, 一個星期最少都會去一次圖書館睇下雜誌, 借下書呀咁, 宜加種左

成屋花, 有花開係就係好開心, 但同時也改變左某些生活習慣, 失去左另一些

樂趣, 邊樣重要真係好難取捨......

風季, 雨季又來了

2010年6月2日, 一起身就見到咁既情景, 成棵月桂樹壓住個花架

落湯豬

2010年6月1日, 今晚因為要上堂, 所以中午就要帶晒D小朋去散步,

第一轉帶仔仔、阿嬌同阿莎, 第二轉帶阿雪同妹豬, 回程遇上大雨,
1人2狗全身濕透, 阿雪2日前先沖左涼, 抹乾身就算