阿雪又做多次手術

2月23日, 2月21日果日阿雪又做多次手術......每次諗起個過程都會氣上心頭.....

早係18號接阿雪出院果陣見淨係縫耳尖而耳道口冇縫到就有種不祥既預感,
阿雪個血泡最先出現係耳道口, 因拖左幾日先令到成隻耳仔充晒血, 上次右
耳都係耳道口先出現血泡再向耳尖擴大, 所以耳道口先係重點............
果幾日視線幾乎有離開過阿雪耳仔.......20號果日見阿雪耳仔充晒血有翻脹
既情況出現, 到左夜晚耳道口個血泡腫到同做手術前一樣咁大, 早上開始佢
已經唔畀掂隻耳仔, 連耳尖都唔得, 根本冇可能洗到耳仔......   擔心到成晚訓
唔著, 仲望見阿雪畀人斬開一舊舊先做手術.......

21號早上E左幾張相去診所, 講左阿雪既情況, 醫生助手話見傷口埋得幾好,
如果唔放心下午5點前可以帶去畀佢地睇下......

阿雪又要做手術（做左手術）

2月14日, 昨晚幫阿雪檢查耳仔既時侯見佢左耳腫起左, 好明顯同兩年前右耳一樣
係耳血腫, http://blog.yahoo.com/_7QPANXPHXQX5OGKOIREB7FCWWQ/articles/51527/category/%E6%A8%B9%E7%8D%BA%E7%9A%84%E8%B2%93%E7%8B%97%E5%85%92%E5%A5%B3,
前日幫佢洗耳仔都仲冇事, 唔想好似上次咁搞到一鑊泡, 今朝一起身就打電話去
阿雪睇開間診所, 諗住即日做手術, 點知睇開d醫生都唔係度, 又話要畀醫生睇過
先決定到使唔使做同幾時做.... 最後打左去太子非牟利講左阿雪個情況話想盡快
同佢做手術.....要我地pm2:00睇左醫生先, 一心諗住好快有得做...仆到咁先, 原來
唔係...最快都要星期六, 搵笨！！！

阿莎阿嬌見我打左成朝電話都知有事發生, 唔敢扭要去街, 兩隻野仲愁過我咁既樣...

細b你又...老左d喇

上星期日細b來行山, 見佢d白毛越來越多, 開始出現老態...... 細b媽好快同
佢染番啡佢喇,咁既樣好唔掂呀！

原來細b影得呢張相咋, 下次影多d下...

Yo Yo放2012農歷年假

上星期湊左一個星期Yo Yo, 冇咩特別節目, 都係咁上下野...
家俊: "表姐你又放假呀！"

賤狗主累街坊...影衰狗

早兩日南蓮散步途中遇到識得既狗主兩手fing fing放狗, 轉頭係遂道口見到
呢堆野, 睇d大便有生骨,好明顯狗狗係食生肉, 佢隻名種日本狗正正係食生
肉既,而且呢段時間併唔見其他狗經過, 唔使講一定係佢地留低, 呢個遂道口
平時都好多人行, 晚晚仲會有一班狗狗係度玩, 好多時d狗主會坐呢個位, 呢
個賤狗主都識得佢地, 竟然咁大堆屎屎尿尿都唔清理, 真係賤到冇人有！！！
多得呢停賤狗主, 南蓮條路周圍都係狗屎...

真係唔明牛高馬大個男人帶枝水帶張紙出街有幾難, 唔通佢隻手跛既...係
就唔好學人養狗喇！過萬蚊隻狗養完一隻又一隻又如何, 個人咁冇品...正
式賤狗主, 累街坊...影衰狗, 仲衰過隨地吐
痰d阿伯, 鬼唔望佢日日踩屎呀！！！