第二朝又試摳到血淋淋, 睇見都心痛......
其實家寶其它地方都冇事, 耳仔又洗得好乾淨, 又冇耳蚤, 都唔知佢點解會
咁樣, 究竟係皮膚痕還是耳道痕？ 好想佢快d好番可以除左個燈罩......
2009年9月29日 星期二
2009年9月28日 星期一
唔通佢地識既？
12點幾同d仔女出去散步, 去到平時去開既公園, 突然有個穿 白色 Polo 領 T 既男人由斜坡度行落來, 冇為意繼續行, 見迴旋處冇其他小朋友就轉個彎番轉頭. 行行下見到有兩個人攬住係草地度 look來look去, 即刻行快兩步費事d仔女學壞晒啦！ 點知雪雪就係呢個時侯停低痾臭臭, 係正嗰兩個人既前面, 離佢地10呎遠度啦, 唔通唔執屎咩, 嗰兩個人完全當我地冇到, 咋咋淋執完屎走人, 奇怪既係跟住見到嗰個穿 白色 Polo 領 T 既男人坐係張椅度, 而玩緊草地滾球嗰兩個人就係正佢後面只係隔左兩棵蕉樹, 好清楚睇到穿 白色 Polo 領 T 既男人大約30-40歲左右, 心口仲掛左付大陽眼鏡, 個樣成個型男咁, 一d都唔似偷窺. 越諗越唔明......照計玩緊草地滾球嗰兩個人冇理由唔知有個穿 白色 Polo 領 T 既男人既存在, 因為佢地係正斜坡底, 而穿 白色 Polo 領 T 既男人係由斜坡頂行落來, 斜坡得一個人高度, 白色衫又咁搶眼, 仲有就係個公園除左我地仲有其他人行, 唔通佢地識既......唔通個男人係到睇水......早知放莎莎同嬌嬌過去睇下啦......
2009年9月22日 星期二
2009年9月20日 星期日
2009年9月15日 星期二
2009年9月14日 星期一
2009年9月13日 星期日
2009年9月11日 星期五
2009年9月10日 星期四
2009年9月8日 星期二
停食 Barf
小朋友食左生肉都差唔多有一個月, 係時侯跟進下啦.
家俊同家男一向冇食; 家寶淨係晚餐先食; 妹豬因為食緊處方糧, 所以只會晚餐加d肉; 其他小朋友早餐會有少少乾糧, 晚餐就食生肉. 係呢段期間阿莎同阿嬌間中會肚瀉, 仲有就係全部小朋友都消化唔到生骨: 好似牛仔骨咁會嘔番出來, 食完魚個口真係好臭...... 不過d臭臭份量係少左同埋牙肉乾淨左, 原本都諗住俾佢地繼續食...點知前幾日出左事. 首先阿嬌係9月5日出現嚴重肚瀉, 半個鐘頭內瀉左5次, 一路痾 一路慘叫...當晚阿嬌轉食熟鷄飯, 有好轉. 9月6日到阿莎肚瀉...跟住到仔仔、阿雪、妹豬, 既晚全部轉熟食, 9日7日阿莎同阿嬌冇再出現肚瀉, 而仔仔、阿雪、妹豬就嚴重左...不停地進出厠所, 有時開唔切門就周圍痾, 床啊、墊啊、地下啊......家寶衰到痾落仔仔張啱啱先洗完既床到......9月8日清晨2點妹豬痾左落我地張床到, d野要4機先洗得完, 到5點仔仔又痾左尿落自己張床到...又要幫佢洗床, 淨係今日已經洗左3次啦......宜家仔仔、阿雪、妹豬要斷食24小時, 唔得就要斷食48小時......至於第日俾佢地食番生肉既機會應該唔大啦, 雖然唔知點解會咁樣......見到佢地咁痾法真係好心痛...妹豬就來13歲啦, 以前未試過肚瀉; 阿雪呢3年幾以來從來都唔係屋企痾屎架, 唔帶佢出街就唔痾, 最高紀錄係5日, 連獸醫都唔信......但是今次佢竟然忍唔到係廳到痾......可想而知佢有幾辛苦......最高峰時有6個小朋友肚瀉......
嘩...太陽出來了！兩晚冇瞓啦...好攰啊......
2009年9月3日 星期四
訂閱：
文章 (Atom)