好沮喪的一天

今日去大草地玩時聽到鐵絲網裡面d狗吠阿莎阿嬌吠得好緊要, 驚佢地打架,
綁住三隻野自己行埋去睇下咩事, 見到 d 狗 b 大隻左好多, 不過得番兩隻...

點泊車架！

今日行經南蓮個停車場, 見到咁既埸面...真係以為睇錯呀！

黃太家的小朋友

狗友黃太家的小朋友: 靚女北京狗, 寶寶真係好靚架, 成日要人同佢按摩, 會
好似貓咁發出咕咕聲...

摸水

有泳客同我講話游自由式係手划水唔係摸水, 意思係話我手划得

太慢, 原來我唔淨止平時做野咪咪魔魔, 連游水都係咪咪魔魔咁,

唔怪得成個游池d人都游得快過我喇, 蛙式唔使講喇連背泳都快

過我, 好可能我連兩隻腳都係係度摸水而唔係打水......

死狗一隻

大家唔使驚, "死狗一隻" 講緊既係我自己而唔係仔仔, 昨日一起身就見到
仔仔訓係自己既嘔吐物上面搞到一身都係, 係清潔期間困左仔仔入廁所,
幾經辛苦清潔完個廳同佢張床又要清潔個廁所, 仔仔係裡面痾左一大堆
爛便, 呢頭岩岩先清潔完果頭又痾多一大堆, 支力 死人喇！牙又未刷早餐
又未食...... 仔仔成身臭到想唔要佢, 唉！又要幫佢沖涼涼,吹毛毛果陣仔仔
腳軟軟連企都企唔到, 要訓係床上吹, 好似仲 支力 過我咁, 搞左足足五個
鐘頭先有得抖抖......

仔仔斷食左36小時, 今朝食左早餐後冇再嘔, 不過就痾深啡色軟便, 似係帶
血, 要再觀察下未知咩事, 仔仔自從中左牛蜱熱後抵控力明顯差左, 今日幫
佢著左兩件衫......

貓繒畫展覽

昨日同網友去左睇貓繒畫展覽, 畫家本身併沒養貓, 只係好鐘意畫貓, d貓貓
都係d網友既...

冇晒D blog友

岩岩諗住探下D blog友, 點知yahoo話我暫時未有blog友, 再睇多次

先俾番幾個blog友我, 去左blog友小儀個blog到見到yahoo話佢暫時

未有網誌, 睇來yahoo又痴左線喇！！！

多此一舉？

今日去左洗牙, 今次總算冇再搞錯時間喇！ 次次去洗牙前都會刷牙先,

再用牙線清潔一番, 其實咁做係咪多此一舉呢？ 反正都要洗牙既喇, 仲

做咁多野做咩呢......  唔知其他人會唔會好似我咁做呢？

妹豬唔見左

散完步返到屋企搵唔到妹豬, 張梳化得番家俊同家男, 妹豬唔見左...

春天唔該快D來喇！

凍左咁耐唔知仲要凍到幾時, 凍到個人咩都唔想做, 行山行少左,

游水又游少左, 日日訓到下午2-3點, 直頭想長眠呀, 外牆又落晒

網遮晒D光, 一起身已經好似係夜晚咁, D花花唔夠光好似就死就

死咁呀, 春天唔該快D來喇！

爭床

張嬰兒籐籃一放落地下家俊就跳左入去唔肯出來...

傻左

昨晚去左新世紀睇宮崎駿套動畫 <借東西的小矮人>, 睇戲前順便
出旺角行左個圈, 見有張嬰兒籐籃好得意一時衝動買左, 好大張帶
唔到入戲院, 諗住遲D出開去先拎......    今日約左牙醫洗牙, 見好天
氣就好快咁放左兩轉狗狗先, 點知傻下傻下咁趕到去牙醫度個姑娘
竟然話冇我個名, 查番記錄原來係約左18號至真, 激氣呀！等我趕
到死下死下咁！   見時間仲早即刻扑出旺角拎張嬰兒籐籃...

真係好大張, 好彩仲未係放工時間, 如果唔係一定入唔到地鐵者, 不過咁大
張都唔知放係邊度好添......

冬日戀曲

貓狗戀

血光之災

仔仔次次行經呢度都要考慮好耐先夠膽跳過去...

何B女放2010年聖誕假（二）

1月3日, 接左何B女食左野先番屋企, 何B女第一時間抱貓貓, 好可憐既家俊
同家男...

EDO 杏仁提拉米蘇朱古力+海苔味天然殼物棒

EDO 杏仁提拉米蘇朱古力

咬開有成粒杏仁係裡面, 粒杏仁好香...

一包得15粒, 好快就食晒喇...

海苔味天然殼物棒, 齋睇包裝唔睇字的話以為係介辣青豆之類既野, 放左
一排都冇興趣食, 真至何B女食完又食係咁話好味先試下, 嘩...原來真係
好好味架！

一包唔知有幾枝, 淨番果D又比我一次過食晒, 入口即溶！好味！！！

兩種好唔同既味道, 如果一定要比較的話, 個人覺得海苔味天然殼物棒好食

過杏仁提拉米蘇朱古力.