7月28日 時晴時雨 何B女面色 晴陰晴

7月28日見家寶同家男訓係窗台晒太陽, 初初係家寶訓床既

頭大冇腦

單從身形比例來睇, 家寶個頭大過家俊同家男好多

遠方來的禮物

12月3日, Sinn.Cherry Sprite 亭亭玉立了, 期待開花的日子......

百代 (大喙兰Sarcoglyphis smithianus至真)

4月買的, 店主話係百代

家寶種菌報告出左啦

7月24日, 家寶種菌報告出左啦, 答案如我所料: 唔係癬.  再問多次個獸醫
咁會唔會係疥癬虫, 答案係: 唔係疥癬虫!!! 好大機會係食物敏感.  因為
家寶食左10日敏感藥同埋抗生素都仲係 '勾' 到血淋淋咁, 獸醫開左15日
類固醇俾佢.  下圖是其中一 '撻'

家俊: 仔仔哥哥俾番我啦

家俊同家男玩緊條扎麵包袋個d鐵線, 又是俾仔仔搶左,

喜歡生果的貓貓

有時覺得家俊似隻狗多d.  好多時佢地爸爸吃生果時都會同d狗狗你一啖啊,
我一啖啊咁(呢個做法係錯誤既), 所以d狗狗一見佢吃生果就會坐晒係佢前
面等食, 家俊可能以為自己都係隻狗, 由小到大人等佢又等, 通常佢都分到
最大件個件: 果芯.

蘭花死得七七八八啦 (二)

捧心蘭應該冇得救啦

莫道花是無情物 (K、'HCY's Jardin De Mont'HCY)

仔仔入院既第二日莫小姐開第二輪花啦, 第一朵:

蘭花死得七七八八啦

呢排沒時間打理d花, 死左五盆蝴蝶蘭, 兩盆文心蘭, 送左去堆填區冇眼睇!

呢盆唔知仲有冇得救

貓貓都要沖涼

今日邦仔仔沖涼, 順便邦d貓貓沖埋, 呢兩個水桶係家俊、家男由細沖到
大既, 個盆係用來沖濕個身, 家男沖先, 係咁叫救命, 不過放左落水桶就冇
再叫

家寶出左院

7月13日下午接左家寶出院, 驗血報告話佢一切正常, 至於種菌報告,  10 日後先有, 見佢仲係好痕, '勾' 到血淋淋, 獸醫開左10日抗敏感藥同埋抗生素, 家寶住左兩晚, 加埋其它野一共 $3429, 同阿雪兩年前個兩張單比起上來 ($4xxxx)真係好平, 我已經俾錢俾到痴左線!!! 

黃太打左幾次電話來, 我冇聽到, 放狗既時候撞到佢, 原本諗住同佢講話家寶中左毒死左, 不過講唔出, 講大話仲辛苦過照顧8個小朋友.   講真啊, 真係好嬲佢, 咁毒既藥水都俾家寶用, 原來佢以前邦家寶用過, 家寶都好似今次咁, 佢仲冇帶佢睇獸醫添, 呢隻野寫明使用於犬全身性毛囊虫症 (獸醫話五年都冇隻貓係), 犬疥癬虫(獸醫話好少好少貓會有) 及牛蚤 (家寶邊有者).  獸醫話家寶可能係食物敏感或者癬, 純種貓多數係呢d, 不過真相要10日後先知.

家寶今日識得 mew 啦, 帶佢搭 mtr 一句聲都冇叫到, 再帶佢去大家樂仲伸個頭出來周圍望, d阿婆都話佢得意啊! 返到屋企見佢鐘意訓廁盆咪搵個盆鋪塊墊俾佢訓羅, 點知佢訓醒之後順便痾埋尿落去, 俾佢激死啦!!!

呢排成日都要大家擔心, 真係唔好意思啦! 再次謝謝大家!!!

明天希望會有一個好的開始!!!

家寶中毒入左院 (更新)

7月11日凌晨我邦家寶沖完涼再用 '牛奶水' 噴佢全身.  家寶中左毒, 出現嘔吐, 昏睡, 腳軟情況, 7月11日早上11點送左入太平道診所, 要留院兩日吊盬水, 驗血報告話佢一切正常, 獸醫話佢d皮膚唔似係疥癬蟲, 要拎d毛毛去種菌,  12 日後先有報告睇, 又話 '牛奶水' 係俾狗用, 無論開到幾稀都唔俾得貓用.  我陪家寶到 2 點半先走, 見佢食左d野嘔番晒出來, 獸醫話會邦佢一日打 3 支止嘔針, 又同佢打左支解毒針. 11日晚 9 點同老公再去探佢, 職員話同佢斷食、斷水要到 12 日凌晨 4 點先再俾野佢食, 見佢好叻仔識得去廁盆小便, 但仲係企唔穩.  呢排d小朋友太多事, 我覺得自己已經冇晒分析能力......小寶寶啊小寶寶, 請你原諒媽媽既無知......小寶寶啊小寶寶, 只要留番條命仔就算做左植物貓媽媽都會接你返屋企......

12日中午去探家寶, 見佢肯食野, 冇再嘔, 但是一聲都冇 mew 過, 訓係廁盆到又唔彩我, 夜晚再去探佢, 見佢唔肯食野, 原來佢驚對面病友既家人, 要我遮住先敢食, 又係唔彩我, 一聲都冇 mew 過, 唔知係咩啞左, 昨日係咁 mew mew 叫又唔俾我地走, 職員話佢成日訓係廁盆到, 會唔會已經傻左啦?  如無意外, 13日驗多次血冇事就可以出院.

病貓、病狗跟進篇+自製貓吊床

仔仔:  呢幾日同平時冇咩分別, 係d尿好黃, 有泡泡, 有陣唔知點形容既
味道, 唔知算唔算正常呢? 仲有就係抽過血個位置又紅又種, 同佢洗針
口, 搽藥膏好似冇咩用, 考慮緊用唔用抗生素......

仔仔中左牛蜱熱 (小焦蟲)-完結篇

呢幾日睇左好多篇同牛蜱熱 (小焦蟲) 有關既 Blog, 再睇埋d留言,
發覺所有中 '焦' 的主人都話唔會 100% 好番 (唔想中 '焦' 唯一的
方法就係唔出街),  另外又睇左呢篇:

http://203.204.6.124/vet/eNews21.asp?num=210

狗的焦蟲症(Babesia infection in dogs)
紀錄編號: 210	發表日期: 2008/3/29 下午 09:07:27
小品分類: 寄生蟲	小品來源: veterinaryPartner.com
@前言 1. 焦蟲是靠壁蝨傳播,人也可能被感染. 2. 有超過100多種的焦蟲,一般來說的大焦蟲是指Babesia canis,小焦蟲是指Babesia gibsoni. 3. 被感染焦蟲的懷孕母狗,可能傳播焦蟲至新生胎兒,有焦蟲的母狗,不建議繁殖.狗狗之間也有可能因為彼此互咬而傳播焦蟲. 4. 寄生在紅血球中的焦蟲,一旦被身體免疫發現,就會被摧毀,但是如此也會造成紅血球被破壞,而產生貧血現象,出現衰弱(Weakness),黃膽(Jaundice),發燒(Fever),橘色尿,大約有50%的病患,可能需要輸血治療. 5. 有時貧血並不嚴重,但是病患表現生病很嚴重的感覺,這有可能是體內產生嚴重的發炎反應(Inflammation)之故. 6. 焦蟲也會損傷正常的凝血功能,(尤其是Babesia gibsoni),有血小板減少症. 7. 焦蟲也可能侵入中樞神經系統,造成局部Inflammation,而出現神經症狀. 8. 嚴重的case,可能造成肺部的傷害(Lung injury),這跟人類瘧疾末期的症狀相似. 9. California這型的焦蟲,會造成肝臟的傷害. 10. 病患也可能同時感染其他也是靠壁蝨傳播的疾病,例如:艾利希體,落磯山熱……使交互影響更嚴重. 11. 較年輕的狗感染會比較嚴重,尤其是Pit bull terriers. @診斷: 1. 血液抹片,但是這方法發現病原的機率並不高.---奇特的是,採血時,由末梢;例如:割破耳朵邊緣採集到的血液,發覺到病原的機會,會比由血管抽血發現的機率來得高. 2. PCR檢查是目前最好的檢查方法.台灣基因公司已經有提供PCR的檢查,故每家獸醫院都可以送檢體診斷. @治療: 焦蟲的治療,並沒有一個治癒的保證,事實上,假如一隻沒有症狀的焦蟲患狗,並不值得去承受副作用的發生,而實施治療工作.目前常用藥物如下: 1. Diminazene Aceturate (Berenil)(焦蟲靈). 3.5 mg/kg SC或IM,單獨一針,如果針對Babesia gibsoni劑量要提高或次數增加,可能副作用有:噁心,低血壓,注射處疼痛,Seizures,某些嚴重反應. 2. Imidocarb Dipropionate(Imizol) 5 mg/kg SC,單獨一針,如果針對Babesia gibsoni,需要連續2週各一針,可能副作用:注射處疼痛,肌肉震顫,流口水,心跳加快,身體發抖,發燒,臉部水腫,流淚,不安.事前注射Atropine可以預防這些症狀. 3. Trypan blue 這個藥可以防止焦蟲進入紅血球中,所以可以減少感染的症狀,副作用很少,需要靜脈注射給藥. 4. Phenamidine Isethionate 15mg/kg SC,連續2天各一針,此藥與Pentamidine isethionate相似,對Bebasia canis較有效. 5. Quinuronium sulfate與瘧疾的治療相似,用藥是連續2天各注射一次. 6. Primaquine phosphate 1 mg/kg IM,單獨一針,用於貓的焦蟲治療. 7. 目前較新的治療方式是綜合Quinine,clindamycin,以及Azithromycin,Atovaquone來治療. 人的劑量: (1)Quinine 650mg q8h and Clindamycin 600mg q8h for 7days (2)Atovaquone 750mg q12h and Azithromycin 500mg(day1),250mg(之後)q24h for 7 days 其中第二組效果比第一組好,而且副作用較少. 使用這類藥物來治療焦蟲,未來應該會愈來愈多. @@@目前獸醫合併azithromycin+atovaquone治療barbesia的用法: *Zithromax (Azithromycin dihydrate). The dosage is 10 mg/kg daily, continued for 10 days. *Mepron (Atovaquone) is manufactured by Glaxo Wellcome and is used for the treatment of A.I.D.S. patients who have pneumonia, but it also inhibits metabolism in protozoal cells. Mepron can cause rash, gastro intestinal effects, fever, and headache in patients, but while these side effects are bothersome they are not life threatening or fatal. These side effects have been reported to occur up to 63% of the time, and an eye disorder - vortex keratopathy - has also been reported. The dosage is 13.3 mg/kg, every 8 hours, continued for 10 days. @預防: 法國有焦蟲的疫苗,但是只針對某些焦蟲型別,在法國,此疫苗的有效率約89%.最好的預防之道,應該還是著重於壁蝨的控制. 再加埋大家既意見同提供的資料, 仲有就係化驗所獸醫(魚護處出來既)既意見,  決定唔俾仔仔食多一個療程, 既然焦蟲的治療,並沒有一個治癒的保證, 仔仔 宜家又一切正常, 咁就等佢有事既時候先再來醫!! 好多謝大家連日來既加油同打氣, 仲有寶貴既意見, 每一個留言對我來講都咁 重要!! 謝謝大家!!! 明天又係一個頭痛的日子: 家寶皮膚病好恐怖!!!

我哭了

2號晚帶仔仔去復診, 抽血驗DNA, 由於驗DNA需要幾日時間, 我要求獸醫
既時驗血紅素, 驗出來血紅素雖然偏低, 但上番正常水平, 好開心, 真係好
開心!!

阿莎同何B女, 細B去白石游水

7月1日細B同何B女約我地去游水, 由於仔仔咁咁食晒10日葯, 要等
2日復診同埋驗血先知好番未, 所以冇得去, 仔仔唔知我淨係帶阿莎
唔帶佢去, 開心到顛左咁

貓梳

用過幾把唔同既貓梳, 覺得蚤梳最好用, 搵d小朋友示范下先, 由於時關係,
已經梳好左啦!  蚤梳顧名思議係梳蚤既, 既係話有蚤梳蚤冇蚤就梳毛, d
毛毛'次'係把梳到唔會周圍飄, 勁好用!