屎都訓得落去

6月中, 有日聞到小朋友間房有陣若有還冇既臭味, 周圍睇過晒都冇發現,
第二日聞到家俊身上都有臭味, 但又唔見佢d毛毛有屎屎, 醒起見過家寶
慌慌張張咁係家俊佢地間屋跳落來, 唔睇由自可, 一睇.......果然係！ 唔怪
得果兩晚小天使會分床訓...

買黑白貓怕

由豹豹果段時間開始, 地下就經常有卷撕到爛晒既廁紙, 次次都會鬧仔仔,
後來先發現原來係男妹妹做既, ...

嬌嬌洗牙

7月23日, 今日帶左嬌嬌去洗牙, 好彩趕得切8號風球前接返屋企

嬌嬌牙肉仲係經常發炎, 食左成個星期消炎藥都沒用, 更加唔好話蜂膠喇...
臉都腫埋,見佢痛到流口水

阿雪昨晚番左來

昨晚帶完阿莎阿嬌一入屋就見仔仔係雪雪間屋聞來聞去, 既刻叫雪雪問係咪佢番左來,
覺得有陣寒氣經過....... 一睇時間岩岩踏正12點, 可能雪雪佢真係番左來......
跟住出去餵頭先見到瘦到皮包骨既流浪狗, 一個鐘頭後番屋企, 又見仔仔係雪雪間屋
聞來聞去, 今次再叫雪雪冇咩反應, 見仔仔訓係地下傻下傻下咁咪問下佢雪雪係咪番
左來, 仔仔唔識答淨係識fing下條尾, 但表情有d唔同平時, 再叫佢如果雪雪番左來就
fing多幾下條尾, 仔仔發晒狂係咁fing尾, 配合埋當時個表情我知雪雪佢真係番左來......
今晚再問仔仔雪雪有冇番來佢淨係郁下條尾就算......   尋晚雪雪佢真係番左來......

點解你走得咁急......

阿雪---------- 2001年11月 - 2012年7月8日

放血

早兩日阿雪右耳又腫左, 呢隻耳仔已經做過一次手術........可憐既阿雪

野菊花

阿雪皮膚問題擴散到全身, 連蜂膠都按唔住, 睇資料話金錢癬春-秋發作,
冬天先會好番.......

有日見個女人摘左好多野菊花, 多口問佢要來做咩, 原來用來煲水飲, 清熱
解毒連毒瘡都醫得好,仲唔寒涼....... 再 睇資料話可以煲水浸浴.........  自此
我地日日上山採藥