邊個抽邊個水？

昨日狗友黃太同囡囡來左探八小福, 仲帶左好多禮物
仲有D腸仔一早派晒喇

雀巢甜筒

鐘意食甜筒係因為D花生粒同雪糕一齊食真係好好味, 不過食到最尾個尖筒
好多時都係空心既, 可以話係食之無味棄之可惜......
最近買既雀巢甜筒已經改良左

黑白貓發脾氣

今朝起身搵晒成間屋都見唔到家男, 最後係大門口見到一地鞋襪......

馬鞍山郊遊徑...昂平...飛鵝山...彩雲

11月20日(六)帶左阿莎阿嬌同花友去行山: 馬鞍山郊遊徑...昂平...飛鵝山...彩雲

阿莎阿嬌好期待既眼神

元荃古道

11月13日參加左花友搞既行山團由郎屏站轉K66大棠荔枝園>佰公坳>
吉慶橋>元荃古道>清快塘>深井......全程4-5小時, 今次有成31人參加,
真係好熱鬧, 不過...個人有D心緒心寧冇咩心情影相, 全程只係影左幾張
相......

好大棵洛神花, 食過花友整既洛神花蜜餞...好好食

考試恐懼症----空手道升級試

玩左半年空手道今日第一次考升級試, 本來都冇咩野特別點知一出場考官
就話要做20下掌上壓, 真係好唔高興, 之前上堂問左師傅好多次都話白帶
唔使做既嘛, 無端端又話要做, 一D心理準備都冇, 昨日仲同D花友行左5個
鐘頭山、放左2次狗、再游左1個鐘頭水再加上唔夠訓, 今日已經腳步浮浮
既喇......做完20下掌上壓手手腳腳開始唔受控制係咁震, 呼吸亂晒籠, 不嬲
都有既考試恐懼症又來喇, 自知受唔住考試既壓力所以任何需要考試既野
都唔想參與, 最近果次考試已經係拾幾年前考車牌, 好彩震左一次就搞掂...
今次係手震腳震既情況下總算完成左最易出錯果一部份......  點知最後果部
份個考官又玩野, 本來話係兩個白帶扎定個馬唔郁用平時學果D招式你一拳
我一拳咁玩既嘛...落場既竟然係黑帶, 咁都算反正著左件保護甲, 而且師傅一
向都話同黑帶打最安完, D黑帶識就住來打, 所以都好老定咁扎定個馬......誰
不知個女黑帶一出拳就打落來喉嚨度, 呆一呆之後火都來埋...雙腳開始唔受
控制好幾次想起腳, 個裁判係咁按住話係扎定個馬唔係上馬, 諗返轉頭當時
個場面一定好搞笑......下次再考升級試會係半年後, 如果而加問我仲考唔考
的話答案一定係否定...因為個鐘意玩野既考官即係我師傅......師傅你好野！！

******************************************************************

唔知大家對比人搣下巴或搣人下巴有咩看法呢？

今日有兩個好可愛既小師姐來睇考試, 分別係4歲同6歲, 當我考完試坐係個
姐姐隔離既時侯, 個姐姐突然伸出佢可愛既小手搣我個下巴: 你個下巴好尖
呀！ 我: 下...你搣我個下巴...咪真係好尖咩？  姐姐: 係呀, 真係好尖呀！！
自細就經常比人搣下巴, 比個咁可愛既細路女或同性搣下巴當然冇所謂喇,
不過換著係唔熟既異性其實都幾反感, 通常都會避開......   唔知大家對比人
搣下巴或搣人下巴有咩看法呢？

家寶: 我空虛、我寂寞、我凍（三）

舊年見家寶咁空虛、咁寂寞、咁凍, 比左個公仔陪佢訓, 佢初初好唔鐘意
架: http://hk.myblog.yahoo.com/edentatadog/article?mid=5832, 話咁快就過左10
個月......

最近見家寶好早就自己上床訓, 八卦睇下佢......原來家寶係到幫隻bearbear
搓肚仔呀

上倉

八小福食開呢隻牌子乾糧, 20kg $836, 平時一次要兩包會有額外5%折扣, 今
次個老細話代理加左價, 要收 $836 一包, 又話遲D可能唔出 20kg

狗狗有約

11月3日約左狗友檸檬媽同D狗狗去大草地玩, 今次由屋苑另一邊行上去

貓屋又出動

早幾日見天氣轉涼, 拎返間童裝改既貓屋出來比貓貓訓, 家俊好快就訓左
上去

抵你唔見條底褲

係化粧間聽見個女人係到同人講話唔見左條底褲, 好自然地望下佢,
嘩...唔望由自可, 一望真係忍唔住掩住個嘴偷笑, 呢個女人次次見到
佢都係赤條條咁拎住個水樽企係到同人傾解, 一傾就幾個字, 唔明點
解唔著左衫先又或者圍返條毛巾先傾, 聽見佢話連垃圾桶都搵唔到,
唔出奇呀, 睇佢個樣條底褲一定係梅菜咁所以連阿姐都頂唔順偷偷
地掉左佢, 見佢拎住條長褲 fing下 fing下咁都冇著既意思, 我諗下次如
果佢連長褲都唔見既話佢係唔會介意赤條條咁番屋企囉......
***********************************************************

11月3日

補充資料: 個女人係個60歲左右既女人, 身高唔夠5呎, 100磅樓下, 塊面
同背面都好似浮板咁扁平, 前面唔係好敢睇真D...我驚會嘔