家庭新成員家美---------入屋兩星期

7月24日放左家美入呢間臨時搭既木屋, 第二朝見佢爬左上屋頂爭d爬氣窗跌落街, 好在個氣窗有風會自己轉下轉下佢先冇事, 呢兩個星期佢好努力地想搵機會逃走, 由朝到晚不停地叫, 叫聲好似細路仔喊錦既聲: "有冇人呀? 我係度呀！ 唔該幫我報驚呀！" 一聽到窗外有人聲就叫, 

除左呢幾句聽得明既廣東話仲有好多佢係公園仔學番來既賓賓話、印印話......

7月24日

25日, 換左妹豬個籠俾佢

為食貓

好好胃口, 俾咩都食, 俾幾多食幾多, 一路食一路叫: "諗諗諗...諗唔倒....." 佢諗唔倒點解屙唔倒屎都會俾人禁錮

每日都會放佢出來行下, 佢會自己番入籠

係錦望住個氣窗, 想搵機會走佬

醫生開左"糖水"不過餵唔倒, 買左西梅汁溝濕糧, 到今日為止溝左一大一細兩枝西梅汁, 聽日會開始停

好鐘意刨塊板

來左5日先開大, 硬到好似石頭咁, 跟住都係3-4日一次, 小便就一日2-3次

第二個星期開始再唔肯自己番入籠, 後來要梗硬趕佢入籠, 佢一見我要扣住個籠門會係錦打我隻手, 一路打一路叫

家美來左兩個星期不分日夜叫足兩個星期, 唔係"喵喵"錦既聲, 而係帶住哭腔既細路仔聲, 曾經有諗過係咪應該放佢走, 困住佢就好似精神虐待緊佢, 直到8月5日, 抱左佢一陣想放佢入籠, 佢   點都唔肯, 落地又唔肯........  自由貓都想有家、有人抱、有人錫.......只係佢地冇機會......

家美身臭口臭又有蚤, 想幫佢沖涼好耐, 但佢實在好得人驚, 每日送我幾條帶血抓痕, 有次抱佢照鏡, 佢一見到鏡中隻貓"哇"大叫一聲左右開弓...兩邊臉同時中招, 好彩剪左甲.   既然決定留低佢就唔可以再困係浴室, 8月6日硬著頭皮幫佢沖涼, 成個過程個腦一片空白.....真係好得人驚！

爭d俾佢走甩, 求求其其沖下就算, 諗番轉頭其實可以洗得徹底d, 幹淨d

困住諗住吹幹毛毛就帶出房

一開風筒就發癲, 放番出籠抹身

抹完又入籠

上架, 嬌又來做保安

八卦家寶

家男俾佢兇到唔敢上去開飯

自從搬左出來就冇再聽佢講人話叫人幫佢報警, 轉番講貓話

諗住困幾日等佢知廁所位置先自由行, 點知佢居高臨下見貓就fee, 搞到貓們連廁所都唔敢去

 

8月7日搬左出廳

查實困浴室呢排都有帶貓貓們入去睇佢, 佢對家俊、家寶友善d, 對家男就好惡死, 家男好驚佢