新家庭成員 (三)

'鬼佬' 正式加入呢個大家庭喇! 併改名做家寶.  家寶呢幾日好好胃口, 每日
仲會吃六粒貓維他命丸 (多謝 blog 友貓貓), 看來好快會變肥仔.  見佢悶悶
地拿個玩具俾佢玩下

新家庭成員(二)

琴日搬左鬼佬出睡房, 個廁所雖然話冇用者,始終都唔係幾好.不過佢訓訓下
就叫, 岩岩訓著又俾佢叫醒, 以為開冷氣凍喇, 拎張床仔俾佢訓, 聞到其他小
朋友d味唔要, 要拎走先肯訓番底, 激死! 最慘佢係房叫, 家俊係出便叫, 成晚
冇覺好訓!!

睇佢個樣好似好滿意咁.......

豆蘭

今年維園花展買的豆蘭, 好像是原生種, 真正名字不知道.  花朵好恐怖, 越看越害怕.

不過再恐怖也及不上樹獺的攝影技術......

等下次開花的時候再拍好一點

新家庭成員

星期六晚冒住大雨帶左呢個小朋友返屋企, 過來打個招呼先: hello, 大家好!

呢個小朋友係黃太係零七年底埶既, 當時九個月大到(唔知有冇錯), 有皮膚病
全身無毛, 腸胃又有問題, 聽講第一個星期係另一個義工簡小姐照顧既, 搞左
好耐先好番.  由於黃太家中太多貓, 有 d 又有病, 互相感染, 佢實在照顧唔來,
加上呢個鬼佬(黃太叫法)唔太怕狗, 就帶左返屋企喇.  真係好靚, 係有 d 毛毛
生唔返

日本風蘭-白花

日本風蘭是樹獺非常喜歡的蘭花品種, 五年前買的第一棵蘭花就是 (白花)日本風蘭,

可惜五年來一朵花都沒有, 小苗倒是生了幾棵,

上個月又買了一棵, 都係白花, 這棵有花名, 希望不用再等多五年
才有花看, 人生實在沒多少個五年!

阿嬌的化驗報告出左啦

星期日晚診所打電話來話報告出左, 原本諗住星期一先去睇既, 不過又想快 d 知

結果喎, 所有即時趕左出旺角. 

好彩驗左出來只係細菌感染, 不過就要繼續食抗生素.  呢個女啊,  差 d 俾佢嚇死!! 

七個小朋友個個都係我擦牙既喇, 係得佢有事, 真係唔明! 除左食抗生素, Dr Wu 另

外介紹左一隻去牙石既噴濟, $490 可以用個零月, 好貴呀! 又唔知效果點喎, 要考

慮下先!! 唔知有冇人買過呢?

蘭花-無葉天使

上個月買的無葉天使, 原來係有葉既,

不過轉季的時候會落葉, 唔知會係秋季還是冬季呢?

阿嬌又去睇醫生

見阿嬌食晒十日葯好似都冇咩好到, 琴日又同佢去睇醫生, 今次去番去年打針個間,

Dr.Wu 好細心, 好詳細咁解釋左阿嬌既情況: 一般齒齦炎有三種原因, 第一種牙石,

阿嬌冇牙石.   第二種擦牙太大力, 但係五狗兩貓得阿嬌有事.  第三種免疫系統出事,

不過多數發生係貓身上, 狗比較少見.  由於阿嬌做地盆狗個陣 d 大便有血, 初來時

又試過小便有血, 又試過失禁, 再加埋犬齒牙肉萎縮真係 '好唔尋常' 雖然 Dr.Wu

提議俾阿嬌食多十日抗生素, 我都係快定即日拎 d 組織去化驗, 順便驗埋血,

 驗血結果肝,腎都正常, 另外個報告要過幾日先有, 結果係冇事既咩當買個心安囉,

有事先再算啦!Dr Wu 開左一星期葯俾阿嬌, 八十蚊咋! 診金 $200, 驗血 $290,

組織化驗 $1000, 麻醉 $500, 俾 $ 個陣助手好細聲同我講話 Dr Wu  收平左我,

來切組織個刀都要 $ 架, 佢冇收個刀 $ .同樣都係睇醫生, 今次心情輕鬆左好多,

雖然結局都可能係一樣, 但過程絕對唔一樣.  Dr Wu 醫術點樣我真係唔知, 但佢

診症真係好有耐性, 唔會三兩句就打發你走.



阿嬌:  我想搵份兼職做, 每日四個鐘, 一個星期返五日, 夜班都冇所謂架, 看野係

           我既強項, 地盆 d 叔叔話自從我同阿莎來左之後夜晚黑再冇人來偷野啦! 

           各位如果有好工介紹唔該通知聲我媽媽, 我真係好乖架, 我想搵 d $$ 俾

           媽媽, 唔該晒!! 

7 記大頭狗杯

七記一套十二隻大頭狗怀齊晒囉!

阿雪: 黃家俊, 你好停囉喎!

家俊真係好鐘意邦d哥哥姐姐洗面架, 特別係阿雪:



有時真係好惊會激嬲阿雪, 阿雪唔係善男信女來架! 看來她對呢個貓細佬都冇晒符!!

前晚貓義工黃太來睇d小朋友, 對佢地讚不絕口, 搞到自己都有d飄飄然!

蝴蝶蘭開花啦-開心得太早

早幾日最後一盆蝴蝶蘭終於開花啦! 本來年初應該有五盆開花既, 點知因為
唔識得壓實d水苔, 搞到d根爛晒, 有四盆消左苞, 其中兩盆仲死埋添! 得番呢
盆不淨止唔消苞仲有花睇! 佢今年己經係第三年比花我睇既啦, 雖然得兩三
朵, 總算有花睇呀!

義工黃太屋企的貓

今日去左 cccp 義工黃太屋企睇佢 d 貓, 佢屋企養左 18 隻貓, 全部都係埶既
好多隻都係剪左耳, 因為太乖, 唔捨得放係街上, 有一隻仲係冇 ‘通行証’ (佢老
公唔知) 成日要走鬼, 都唔知點邦佢, 有 d 貓真係好乖, 好乖…任抱唔嬲….

無砂貓廁所

呢個係原來既貓廁所,

加唔到 Blog 友

想加d blog 友加极都加唔到, 照足指引做既啦, 次次都整句咁既野出來: (Invalid data

structure) 無論按確定又好, 按取消又好, 都係加唔到 blog 友! 開左blog咁耐就試咁耐,

都係唔得! 去服務中心問下喇, 又要填份睇都睇唔明既表格,咩玩啦! 樹獺係個電腦

白痴來既嘛, 點識個d野啊! 仲有啊, 連搜查自己 blog 既網址都話搵唔到, 都唔知點解!

激死人喇!! 究竟做錯左d咩呀? 咁樣對我! 到宜家連一個 blog 友都冇, 我唔制啊!



希望d blog 友唔好誤會樹獺唔鐘意佢地喇!

阿嬌睇醫生-好唔尋常

琴日帶左阿嬌去睇醫生, 等左 9 個字, 睇左 3 分鐘都冇, 埋單 $1030.

樹獺:  佢d牙肉又紅又腫, 刷牙既時候d血係咁標出來.......

Dr.xx:  咁樣流牙血係好唔尋常架 (所以咩來睇你囉)

樹獺:  咁...會係咩事呀? (好憺心)

Dr.xx:  牙肉紅得好緊要喎, 發炎...(我知呀)

樹獺:  但係佢一d牙石都冇喎, 有同佢刷牙架, 不過係咁流血......

Dr.xx:  唔好同佢刷牙啦, 咁樣會好痛架, 拿,我開隻xxxxx俾你, 再開隻xxxxx俾你,

           咁樣流牙血係好唔尋常架 (我就係想知點樣唔尋常)

樹獺:  咁會係咩事呀? 都冇牙石! (點會有牙周病)

Dr.xx:  其它有冇咩事呀? 咁樣流牙血係好唔尋常.....

樹獺:  好正常, 凈係流牙血, 會係咩........(好想知點唔尋常)

Dr.xx:  可能細個食左d咩, 呢隻菌 (唔明佢想講咩) 咁樣流牙血係好唔尋常,

           我開d抗生素俾佢 (又話好唔尋常, 抗生素唔使睇你啦)

樹獺:  咁如果唔好會點呀? (你講到咁唔尋常)

Dr.xx:  我先開 10 日冇類固醇既抗生素俾佢, 唔得先再開有類固醇既, 都唔得

            就要全身麻醉, 同佢洗牙 (都冇牙石) 囉d組織去化驗, 咁樣流牙血係好

            唔尋常既, 10 日後番來復診啦!

係出邊等俾錢

樹獺:   幾錢呀?

助手:   $1030.00

樹獺:   幾多話?

助手:   係d抗生素貴咋,  $380

樹獺:   咁其它咩來架?

助手:   拿呢枝搽牙肉既 gel, 去牙石 $130, 呢枝防牙石既, 加落d水到俾佢飲 $270

樹獺:   咁多貓狗點知邊個飲左呀?(會唔會有事架)

助手:   全屋d貓狗都飲得, 我地d客唔俾刷牙既好多都飲緊 (我d全部都俾刷架),

            冇事既, 5ml 開一個綠茶樽 (500ml)

樹獺:   我地一日飲好多.....(呢枝野飲得幾日呀!)

助手:   診金 $250, 同你約埋復診呀, 你約幾時呀?

樹獺:   咁快約, 10 日葯喎? (你一早知 10 日後都唔會好啦)

助手:   呢排好 full, 你都要復診既啦

樹獺:   10 日喎! 我返去睇下先啦! 

            阿嬌, 你睇下張單, 不如你搵份看更做下.......

阿嬌:   .............(呢個女不嬲都好靜, 好乖.......)

$1000 唔緊要呀, 你要話俾我聽咩事先得架!  如果咁樣流牙血係尋常既, 唔使來

睇你啦!



唉......拖住個女竟然就咁由九龍城行左返屋企,  返到屋企先發覺枝 gel 係外用既, 咁仲搽唔搽啊?  天啊!!!

約左狗友比比去大草地玩

由屋企出發行左 10 分鐘來到呢到

睇下阿嬌幾開心, 跟住一路向上前

好掛住你

家男真係好鐘意阿嬌架, 除左經常同佢一齊訓之外, 好多時阿嬌散完步返來係門口

等抹腳既時候, 都會出來陪住佢

家男:  嬌嬌姐姐你返來啦!
嬌嬌:  係呀!

C1...識消花苞, 唔識開花

三月初係笨記買左呢盆C1, 十天後消左第一個花苞, 一個月後消第二個,

幾天前嬲嬲地換盆, 宜家咁樣:

仔仔哥哥張床大D、舒服D

家男好鐘意訓哥哥姐姐張床, 今日岩岩邦仔仔換完張床單佢就訓左上去,

叫極都唔落來!

樹獺:  男妹妹, 做咩訓仔仔哥哥張床呀?
家男:  仔仔哥哥張床夠大囉!

花貓遇上貓殺手

好唔容易先等到唯一一盆花貓 (迷岩) 開花, 相都末影就......