和諧與包容

6月10日果日趕住拎家寶d尿入荃灣化驗, 淨係帶左仔仔佢地散步諗住番來
先帶妹豬, 放左佢係窗台訓




點知搞成咁......其實佢已經大小都去完！ 可憐既妹豬唔知踩左幾耐先踩成咁,
第一時閒睇下周圍有冇血, 見妹豬身上完好無損先放心, 搞到人地d床咁樣都
冇比人打睇來大家對呢個老婆婆都好包容, 果刻既感動又心痛, 心痛妹豬腳仔
軟, 心痛d小朋友對住屎屎尿尿幾個鐘.......

不得不讚一讚嬌嬌, 搞清潔果幾個鐘佢一步都冇離開過張床, 其他小朋友
一早散晒

等我搞完出廳佢先跟出廳, 嬌嬌乖到呢.....

6月24日仲大鑊, 帶左仔仔佢地出去只係半個鐘, 今次係成屋都係屎, 由廚房
到書房......  出去前佢一樣已經係大小都去完！ 貓貓們哩到影都冇....

又搞左幾個鐘, 佢好似仲 支力 過我咁

最驚嚇既係第二日先見到個電視遙控有撻乾左既屎！


為左大家著想, 亦為左妹豬安全著想, 而加出街前會困住妹豬, 雖然一樣
日日都係屎,不過洗一隻豬加一個籠點都好過洗一隻豬加一間屋

有次見佢訓成咁....嚇左一跳....

明明見佢訓緊...

轉頭就賴濕左......張床....

頭先帶左莎嬌出去諗住好快番冇困佢........ 好開心！因為今次冇踩到
周圍都係....


屎尿見慣亦平常, 只要其他小朋友對呢個老婆婆繼續包容繼續維系呢個家
既和諧,抹屎抹尿算得係咩呀........

岩岩聽到睡房 "呯" 一聲...好大聲, 妹豬係窗台跳左落地.....好彩冇事仲行得......

************************************************************************
今日係雪雪離開一周年.......  好似冇幾耐前既事, 依然好掛住雪...可愛既小雪...
美麗既雪雪, 見到蝴蝶係身邊飛過總會叫一聲...雪雪呀......雪雪........
雪呀...你好嗎....媽媽有好多野想同講.....好想再攬攬你再鍚鍚你.....你好嗎....雪.....