春天的奇蹟

2月21日妹豬第二次針炙, 再一次問醫生行唔行得番...答覆都係唔得！
見妹豬次次都好緊張, 一個鐘頭路程都尿濕個袋就冇再去針炙......

呢個冬天睇住妹豬由自己飲水到餵先肯飲, 雖然醫生話食濕糧就夠水份
都會加多倍濕糧份量水比佢, 有時再加份蔬菜或生果, 每餐時間由45分鐘
加到個半鐘......




妹豬食食下會想坐起身好似想嘔咁, 就要幫佢掃風......


成個冬天淨係湊住隻豬, 想去下街都唔得, 家俊家男呢兩隻天使BB仲要成日
 搞住妹豬...煩住晒.......

長舌仔家俊

兩隻野嘴完又會順便嘴下妹豬...

妹豬幾乎日日都濕身...

妹豬比貓逼埋一角郁都郁唔倒

家俊趕都唔走

條尾發到妹豬眼都打不開


有時為左爭頭位仲會大打出手.......冇佢地符...

3月5日如常咁帶妹豬出街行下, 天氣回暖已經唔使著衫, 估唔到一放落地妹豬
竟然神奇地識向前行..........唔識反應...企係度傻笑左好耐.......

妹豬行行下間中都會撻低, 不過扶番起身又好努力咁再行過, 每日行20分鐘左右.......

冇行一個冬天腳板底開始硬化同龜裂, 幫佢修剪腳底毛同甲等佢抓地抓得好d,
妹豬初時淨係行倒石屎地, 到今日連雲石地板都行倒, 雖然唔係行得好穩, 跌低
又自已起唔番身.......但可以咁樣已經好足夠.......


見到今日既妹豬好慶幸我地冇放棄過, 堅持左一個冬天終於換來妹豬另一個
春天......一切辛勞都係值得既！ 妹豬仲可以陪係身邊幾耐已經唔重要, 最重要
既係我地大家都努力過......