家寶（無菌性）膀胱炎（尿道炎）入院放尿

5月26日, 家寶屙唔倒尿, 連飲水都嘔, 黃太話馬鞍山蔡醫生好好, 打左電話去
講左咩情況既喇, 點知去到未睇就話沒位做手術, 如果睇要收診金, 睇左都冇
位做, 仲話家寶既情況要即時放尿.......咁你唔好叫我來喇, 山長水遠晒左咁多
時間又唔熟路！！！ 唔係都可以逐間診所問呀.........

好徬徨, 打去家寶睇過果間cau又話冇位, 最後黃太搵到荃灣有位, 即刻飛的去, 可憐
既小寶寶...好似就來死咁

照左超聲波、X光、驗血、驗尿都搵唔倒有石同結晶, 連菌都冇淨係發炎,
所有報告出現既异常都係排唔倒尿引起既問題

家寶插左尿喉吊緊盬水, 所謂探病就係推個籠出診所個角落頭比你睇, d人出出入入
行來行去, 個籠又生晒銹, 話用漂白水係咁既喎, 話帶番屋企吊又話唔得,  第一日家寶
麻醉未過唔識驚, 第二日就開始驚, 睇見都心痛！  $250 日 10 點後診所冇人.......

5月29日, 驗血報告一切正常, 可以出院




番到屋企放家寶入佢間屋跟住出廳

 

一坐低就聽到佢叫, 第一時間撲入去睇佢叫咩喇...原來鬧鬼我......好嬲既表情好重
既語氣......係...係我衰係我唔岩...媽媽應該早d帶你睇醫生...咁而家咪帶左你番屋
企囉...你咪執番條命仔囉...上次你都自已好番喇...媽媽日日都有去睇你兼找數
嫁.......諗住解釋下會好d點知佢越鬧越大聲, 呢四年都未見過佢有咁多野講, 驚佢
激壞身子借d意行開佢先收聲........

終於有覺好訓喇

吊水隻手仔腫左兩日先開始消, 間診所又除左家寶個頭罩冇比番佢, 下次
去拎番

小息完一起身就看住個糧倉

成身臭尿味

餵藥見到以為爛牙, 原來食物殘渣

順便影埋另一邊

14日藥, 12日後再驗尿

呢段期間家寶仲係不停咁周圍屙尿...失禁.....仲屙左好多次落我身度

淨係今日散一次步番來兩個貓廁、幾張狗床、地下、梳化............一日重複
幾次...有日一起身就見到地下有幾灘尿.....家寶加埋妹豬....我就來痴線喇.........

醫生話膀胱炎（尿道炎）冇得預防, 家寶一定要成世食呢隻糧, 唔可以食
其它牌子,特別係天然糧

好驚見到d簡體字包裝食物


睇完又睇都唔明家寶既冇石又冇沙點解要食佢, 唯一既解釋就係呢隻糧特別咸,
家寶食左會主動飲多d水

住左三日院加加埋埋過 $8,000

經過呢次慘痛既教訓終於明白 "仔" 同 "女" 膀胱炎有咩分別: 簡單d講仔
屙唔到尿會中尿毒、急性賢炎、會死......仔一屙唔到尿就要即刻睇醫生,
一日都唔拖得............