黄香岩 Sinn.conspicua

10中來自貓貓既帶花苞枝條, 今日順利開左花

有類似雞蛋花既香味, 連葉都有香味, 不過唔知生左根未......

Carosuel Pony

今年6月買的十字花非洲紫羅蘭 Carosuel Pony, 本來有好靚既斑葉......
9月開左第一朵好靚既花

秋裝

家寶:  媽媽你又買鞋呀？
樹獺:  係啊...媽媽唔買鞋...小寶寶邊有鞋盒瞓呢.....

僭建窗台花槽

男妹妹坐緊呢個窗台原本係比妹豬睇風景同埋種蘭花既, 宜加比左貓貓用,
出面個窗台花槽係之前僭建用來種花既......

又見雪飄過

又到左換毛既季節, 地下經常都係咁樣

買花送既AV

呢棵AV係買花送既贈品, 第一朵花好大朵

永安大减價

前幾日朋友話永安大減價叫我陪佢去, 永安淨係家庭用品啱我買既咋...

妹豬的無奈

家男好鐘意痴住 d 狗哥哥姐姐, 今次佢就揀左妹豬姐姐啦！

石斛蘭（珍珠石斛）

7月31日, 4月買既, 估唔到咁快就開花喇, 仲有香味添, 細細棵, 好鐘意啊!!

踩單車'抄車'

今晚睇蔡灡既節目, 見佢地踩單車好好玩咁, 諗番起18歲嗰年去大埔踩單車'抄車'

小腿骨爆左, 打左8個星期石膏, 仲要係冬天, 石膏凍到好似舊冰咁, 隻腳凍到冇晒

知覺, 夜晚成日都冇覺好瞓, 拆左石膏之後隻腳萎縮左成個碼, 連路都唔識行, 過左

好長時間先識行, 唔使用拐杖.  其實早係10歲前已經跌跛過兩次......

C1唔知仲有冇得救（死左）

9月23日呢幾日成日陰天, 見盆C1好似唔够光咁...有一晚手多拎左出花槽...
點知第二日出大陽

唔知仲有冇得救呢？


前幾日死左, 雖然今年死左好多花......但呢棵真係有心痛既感覺......

三座位貓梳化

呢日三隻貓貓霸左成張梳化, 一隻貓霸一個位

花花交換/分享（三）

10月16日約左 "閉緊關" 既貓貓係大家樂見, 好耐冇見既貓貓帶左好多花花來﹕
呢3隻都係有香味既岩桐﹕

最近好忙...好忙...

呢排真係好忙！忙到連 "開腦" 既時間都冇！！

成家小朋友都係到換毛...要不停地梳毛、吸塵、拖地;  阿雪同仔仔耳仔發炎要日日洗, 收養左仔仔五年, 第一次耳仔發炎, 睇來佢抵抗力真係差左; 阿莎皮膚敏感要用藥性洗毛水沖涼, 好彩唔會傳染; 妹豬冇病冇痛但成日周圍屙尿, 昨日屙落自己張床, 今日就屙落梳化到, d野洗都洗唔切;  最慘係阿嬌無端端又肚瀉, 仲未搵到原因, 好一日瀉一日, 呢頭都未抹完...嗰頭又要抹, 今朝一起身就抹抹洗洗搞左幾個鐘......

仲諗住d小朋友穩定左, 可以有d時間做下自己野, 點知佢地係都唔肯放過我...唉...好想同佢地請幾日假休息下......

眼科覆診

10月14日眼科覆診, 本來係9月15日, 點知撞啱打風......真係好黑仔！

眼科醫生係咁於睇下就話眼角瞙冇事啦, 睇野會有雙影係因為散光,

要去眼鏡鋪搵視光師驗, 至於埋得唔好既傷口就要靠自己平時保養,

特別係朝早起身時要温柔d對隻眼, 唔好摔佢......原來聯合眼科係冇

激光做既, 最重要既係就算搵私家做都唔擔保唔會番發, 聽佢既意思

即係叫我唔使做！ 最後淨係開左同上次一樣既眼藥膏同眼藥水......

睇來要改變下宜家既生活習慣......早睡早起先得啦！！！

樹獺的書架一愛貓健康

樹獺係一個名負其實既購物狂, 嘜都買一餐...包括書......不過d書通常都有九成九新,
因為睇完一次就放上架既啦......有d可能睇都未睇......

下面呢d係家政書,

窩心男

家男見我坐係梳化睇雜誌, 跳左上來坐係我隔離係咁望住我

情緒低落中

前幾日 Yahoo 痴左, 呢幾日自己部電腦壞左, 搞到冇咩心機, 未寫 blog 之前都唔覺得電腦咁重要, 宜家一日唔上網都好似欠咁d嘢咁, 睇來應該係中左 "網毒"......仲系冇解葯嗰隻......

點解你地唔自己磨甲呀？

成日見人地d小朋友指甲自己磨到好短咁, 根本唔使剪, 但是我d小朋友
個個都要剪, 剪 都唔緊要啊, 唔好好似我想謀殺佢地咁叫救命先得架！

呢d係莎莎同嬌嬌既, 嬌嬌都好剪d, 莎莎叫到好似我想謀殺佢咁......

Yahoo Blog 痴左......

呢幾日個 blog 死左......郁唔倒, 搞到嘜都做唔倒, 好唔慣......好失落......到宜加都冇咪心機......情緒有d低落......

唔知其他 blog 友旣 blog 有冇事呢......

花貓 Kohleria Ampallang

呢隻花貓 Kohleria Ampallang 大概六月中插枝條, 前幾日開花

呢兩日好黑仔

9月29日去左和民食晚飯, 食食下野隔離張檯埋單起身既時侯個男人整跌左佢把遮, 個遮柄跌左落我隻腳背度, 好大個遮柄整到隻腳背紅晒......痛死人啦！9月30日去砵蘭街配層架 "的" , 點知唔記得帶粒去配, 買左返來唔啱用！  買完層架 "的" 跟住去左行花墟, 行行下無端端落貓屎落狗屎......又唔記得帶遮！  諗住係街邊買把遮......又使晒d錢！  諗住打電話搵人救命......點知連電話都唔記得帶！！！

Epidendrum porpax

9月30日行花墟見到上生開左新店, 幫襯發仔買左盆樹蘭