第一次投訴都仲肯整, 整完冇幾耐又滲過, 樓上家PK點都唔肯再整, 飯廳牆身
發晒霉, 牆紙爆開晒
天花成日有水珠, 牆紙又係爆開晒
石屎成日跌落來
樓上家衰人你地幾時PK呀！成日話唔關你地事, 唔通我屋企D水倒流呀！
****************************************************************
5月11日, 早兩日見牆紙滲左D紫紫紅紅既顏色出來, 約左食環署d人今日
上來睇, 睇完就話都唔知係咪好事, 上次佢地落左6隻色粉, 但就出得1隻色,
仲要等化驗報告出睇下係咪佢地落既色粉, 既係有排搞！ 如果1隻色都冇
出既話, 已經可以出信比屋宇處試地台既喇.......
飯廳牆身越來越濕, 睇見都眼冤
****************************************************************
10月26日, 由5月11日到而加一共驗左3次, 頭兩次都驗唔出, 連肉眼都睇得
出有顏色, 都唔明點解會驗唔到, 到上個月第3次化驗先驗出係食環署職員
落既色粉, 本來已經可以証實係樓上邊個位置漏水,點知原來食環署職員講
大話, 上次佢地根本冇落到6隻色粉, 只係係兩個廁所落左2隻唔同既色粉,
10月21日食環署職員再上去樓上個客廁落到4隻色粉, 今次D色粉好快滲左
出來, 22日已經見到有兩隻唔同既顏色......
飯廳天花
飯廳牆身
客廁牆身
係咁滴水, 要用盆接水......
今日食環署職員再上來取色辦去化驗, 佢見到都話好誇張, 會盡快跟進, 希
望佢今次唔係講大話喇, 唔係都唔知又要搞幾耐, 因為D水周圍走, 連小朋友
間房牆身都有, 不過如果樓上不肯整既話真係唔知點算好......
(Empty)
回覆刪除[版主回覆02/28/2010 00:29:00]已經十五喇, 您唔講我都唔知添
嘩！好慘啫，可以點做呢？會唔會有業主立案法團幫到？？
回覆刪除[版主回覆02/28/2010 00:38:00]管理處跟緊, 報埋食環處都冇用
唉, 啲人咁不負責任 !
回覆刪除[版主回覆02/28/2010 00:40:00]咁唔好彩比我遇到
哎呀!有無搞錯呀,有無得去告佢呀?咁搞法唔掂喎.
回覆刪除[版主回覆02/28/2010 00:43:00]我都想告佢呀！要証明係佢滲水先......好難架
戥妳慘
回覆刪除[版主回覆02/28/2010 00:46:00]冇佢符
回覆刪除祝你中國情人節快樂呀!!!
管理處幫到你手嗎???
[版主回覆02/28/2010 01:58:00]元宵節快樂！
管理處做唔野架, 樓上係都話唔關佢地事
去煩管理公司啦!叫管理公司揾有關承辦商睇!如果證明系關樓上事就從文事追討佢囉!
回覆刪除[版主回覆03/01/2010 00:47:00]揾左幾次管理公司啦, 次次都係轉介去食環處, 上次落左色粉, 跟住就冇左下文喇！食環處前幾天又來睇過, 跟住話要返去睇舊資料！
拍照存檔.. 搵公証行做測試.. 再民事訴訟告佢地
回覆刪除[版主回覆03/01/2010 00:57:00]搵公証行做測試唔知貴唔貴呢？
揾左食環處來睇過, 睇下今次跟成點, 其實唔係要佢賠錢, 係想佢地唔好再滲水落來......
一定要煩到管理處同你跟先得呀, 唔係真係有排煩
回覆刪除[版主回覆03/02/2010 01:28:00]管理處宜加跟緊喇, 不過多係有排煩
水既野係好煩, 我地都屋漏...要整好多$$
回覆刪除只有同佢先單聲再唔理就民事訴訟告佢地 or 寫張信放佢信箱 [自己留copy], 正式通知佢咁~
[版主回覆03/02/2010 01:32:00]我都想告佢呀！要証明係佢滲水先......好難架！
樓上繼續滲水落來既話, 我想整都冇得整呀
咁冇咁公德心...
回覆刪除[版主回覆03/02/2010 01:35:00]唉...冇佢符
替你慘啊！快整好啦！
回覆刪除[版主回覆03/02/2010 01:36:00]樓上繼續滲水落來既話, 我想整都冇得整呀
我樓上都係咁 , 5-6 年前 , 佢話過整左幾錢話佢知 , 但係果陣我地都唔係度住就無整到 , 而家搬返後住 , 佢仲係漏緊水.......
回覆刪除[版主回覆03/04/2010 02:02:00]樓上漏水呢個問題真係好麻煩, 搞到個人無咩心機
yahoo 又痴左喇, 我出唔到網誌又留唔到言又上唔到相
回覆刪除真係好煩 , 要整都整唔到啦 ! 批灰成屋都係灰架 MA !
回覆刪除[版主回覆03/04/2010 02:35:00]最慘樓上繼續滲水落來既話, 整左都冇用喇
就係攞 ! 影比妳睇 , 妳就知妳好過我好多 !
回覆刪除[版主回覆03/04/2010 17:35:00]我黏住你睇唔到炸, 好樣衰架！
超無奈!! =.=" .... 佢唔肯整真係奈佢唔何, 不過都要照樣去投訴, 因為出問題係佢而唔係你.
回覆刪除[版主回覆03/04/2010 17:41:00]投訴左幾年喇！ 佢唔肯整真係奈佢唔何！！
呢個......真係好煩ga 問題.....因為我屋企都有呢個問題....唯一比你好ga 就係屋苑會攪...
回覆刪除唔洗自己攪.....但...長遠其實都係咁.....唉.........(因為我屋企係外牆入水, 所以都唔知怪得邊個 ??)
[版主回覆03/04/2010 17:46:00]外牆屬於阿公既, 業主立案法團會用阿公既錢整
漏水問題我都有呀, 唉! 煩死人啦! 要整都唔喺自己可以整, 要樓上合作先得, d 人因為自私又唔著緊,激死你呀! 等我貼出黎比你睇過!
回覆刪除[版主回覆05/14/2010 01:11:00]唉！睇過喇, 睇來你仲嚴重過我！ 最慘就係想整都冇得整,
我地冇返工一日到黑對住間屋, 精神真係受到好大困擾
對住呢D人真係好頭痛
回覆刪除[版主回覆05/14/2010 01:13:00]簡直頭都大埋呀
知唔知屋宇署點樣試嫁?
回覆刪除[版主回覆05/16/2010 02:33:00]好試話都係落色粉, 放水係地台......維持一段時間, 測試地台有冇滲水......
真係有排煩!!
回覆刪除[版主回覆10/28/2010 15:29:00]係喇, 最驚樓上不肯整
呢d人告佢都冇用,告得入佢都可以唔交錢~
回覆刪除對住呢d人真係煩死~
[版主回覆10/30/2010 01:17:00]我而加最想佢整好佢自己個廁所, 唔好再滲水落來咋,
唉...睇見D水係咁滲落來真係想死