今晚好大風, D樹比風吹到沙沙聲, 有時門外D對流風聲好似鬼哭神號咁......
窗外漆黑一片, 風聲雨聲間中夾住幾聲BB哭聲都幾恐怖...... 幾年前有個識
得既伯伯係高幾層既花槽位跳左落去...... 聽講係因病厭世, 講真...唔係好信,
個伯伯都幾後生, 見我放狗經過樓下花園經常都會埋來傾下解, 個樣一D都唔似
有病, 知道佢跳樓死左覺得難以置信...仲要係經過我個花槽...... 有時會望住
花槽對出個位相像下佢經過果樣......有時行過樓下又會相像下佢訓係地下果
樣......有時又會諗下佢會唔會係窗外同我打招呼呢...... 一向都好同情自殺既
人, 行得呢一步一定有佢地既原因, 好多人會覺得自殺既人好自私, 但既然生
冇得選擇, 點解死唔可以由自己來決定...... 伯伯既死係事實, 死因亦已經唔
重要, 只係好想知道...佢跳落去果刻有咩感覺......中途有冇後悔過......著地果刻
痛唔痛......
我唔想聽跳樓o既事,我姨甥女都係跳樓自殺死,仲係喺六月我返香港時o既時候,我到依家都接受唔到,只有十六歲,為咗學校o既事而唔開心尋死,跳o既時候一定無諗過屋企人o既感受,妳話呢啲唔係自私係嘜嘢
回覆刪除[版主回覆10/11/2010 16:12:00]唔好意思呀!勾起你D傷心事......
咁年輕既生命為左咁小既事就尋死, 真係好自私...或者正確D來講應該話係無知同埋幼稚..........
自殺都要好大勇氣, 點解啲人有勇氣自殺, 但無勇氣生存架 !
回覆刪除[版主回覆10/11/2010 16:17:00]正如董生所講: 留低需要更大既勇氣
有時人係唔可以憑表面睇得出是否健康,不過在你眼中好後生的亞伯,其實唔知咩年紀,因為人年紀大左一定多毛病,無可避免。
回覆刪除[版主回覆10/11/2010 16:35:00]亞伯睇落六十幾歲到, 同佢傾解一D異樣都冇
跳樓自殺其實都有好多唔同原因. 不論係咩原因都好, 點解唔爭取生存權利呢? - 身體髮膚, 受諸父母!!
回覆刪除** 睇吓呢個世界有幾多患絕症嘅病人堅強咁同病魔作戰. (我老父都一樣係)
[版主回覆10/11/2010 22:31:00]唉!我都唔知佢 自殺既真正原因...都係聽返來既咋......
我諗好多人對生命都有唔同既睇法, 所以會有人要求安樂死合法化......
近排攪咩, 又鬼屋又諗返阿伯跳樓, 得閒諗下點樣令自已過得開心好過啦!!!
回覆刪除[版主回覆10/12/2010 23:55:00]可能阿伯係經過我花槽跳落下去喇, 又識得既, 所以經常都會諗起佢
有時唔開心未必會放係面上~!
回覆刪除伯伯走左,希望佢真係得到解脫~
[版主回覆10/14/2010 10:38:00]都係既......
..... .......
回覆刪除[版主回覆10/15/2010 01:00:00](Empty)