德藝會

行完街去左德藝會, 本來諗住拎D資料睇下先, 點知好快就比人踢左入會,
參觀完覺得都ok既

有好多野玩, 不過暫時淨係想游水

游水個plan包埋Yoga、Pilates、Spinning........等等

今晚吃完飯去左試個泳池, 都幾好, 室內泳池可以唔使搽防晒, 又冇公共泳池
咁污糟, 可惜太淺水, 兩邊得1.05米.  不過更衣室真係好凍好凍, 其它野暫時都
幾滿意,  講到最唔好最唔滿意既可以話係D會員, 都唔明D女人點解要著住D
又梅又殘又核突既內衣褲係到行來行去......  有個女人好奇怪, 本來就著住套
又梅又殘既肉色背心型內衣褲, 條褲鬆到好似今年興既燈籠褲咁, 係到揚來
揚去揚左成10分鐘, 跟住再拎套緊身既黑色內衣褲出來著係肉色內衣褲上面,
然後先著返套正常既外衣褲係面, 睇佢個樣好正常......有冇人可以話我知點解
要著咁多套內衣褲......   唔好諗住女更衣室一定係春光無限, 查實大部份時間
都係吾不欲觀之..............