傳說中既鬼屋
佢地叫我上去睇我唔敢上去, 因為一起程就抄車...個人仲震緊......好驚呀......
呢到唔知係邊到, 淨係知道有600年歷史, 係文物古蹟
呢到又唔知係邊到, 後面D大廈係天水圍
呢架係比我跌到散晒既戰車...
係咁既爛路上面踩左半個鐘, 不淨止dun到patpat開花仲dun到成身散晒,最驚
就係一個唔小心會dun落河, 比人笑話dun落河唔緊要, 最起馬唔會受傷......
跟住來到呢到
果D小白點係白露
呢到係尖鼻嘴警崗
D警員養左一隻四腳踏雪既唐狗B, 好得意架...一有警車出入就係咁吠, 跑緊
步既警員又會同人打招呼......
pm1:00來到流浮山午餐(之前以為去白泥), 以前都來過食海鮮, 不過就
冇周圍行......
跟住來到呢到
呢條好似叫深圳灣橋
跟住踩番出天水圍, 經過濕地公園
不知名蘭園
交完車去左B仔食甜品, 返到屋企6:30
呢條就係一起程就抄車磨爛左既褲...仲擦損左下巴......
總括來講呢次行程叫做有驚冇險, 不過擦損左下巴...磨爛左條褲...全身上下
有拾幾廿十撻唔同大細既瘀痕者嘛! 查實我咁大個女都未踩過咁大架既
單車,又未踩過單車徑以外既路...... 今次踩既路除左爛路、2呎寬一邊係水渠
一邊係鐵絲網小路、行人路、.......仲有大貨車行既馬路, 總之就係好驚險!!
可以自己返屋企我會比個 "叻" 自己......為左呢次行程我已經去單車公園練左
3次車喇! 不過個花友話係後面見我踩單車果個樣好得人驚......唔知仲有冇人
敢約我去踩單車呢..............
我比多個你啦..「叻」!!
回覆刪除[版主回覆10/08/2010 17:56:00]多謝!多謝!
妳比我已經好叻喇, 我學極都唔識踩呢>~<.
回覆刪除冇咩大損傷都叫好彩喇
[版主回覆10/09/2010 01:58:00]跌得多就 識踩既喇
我都覺得好好彩, 全部都係瘀傷
好似有十幾年冇踩過單車,而家叫我踩出馬路真係會驚。 睇見沿途風景幾吸引喎,全程踩左幾耐呢?
回覆刪除[版主回覆10/11/2010 00:24:00]全程踩左3-4個鐘到
搵日去踩下...好好玩架
都幾危險啊, 在公路踏單車我都未試過, 都唔會試啦, 安全至上.
回覆刪除[版主回覆10/11/2010 00:37:00]對高手來講好安全架......對我來講就係好危險
我都好多年無踩過單車囉
回覆刪除[版主回覆10/11/2010 00:58:00]係呀, 外國好多地方可以踩單車既波
係唧,但我都無買單車,踩鬼踩馬咩
回覆刪除[版主回覆10/11/2010 02:18:00]原來如此
可惜我唔識踏單車 !
回覆刪除有間咁既屋比我就好啦 !
[版主回覆10/11/2010 22:17:00]跌得多就 識踏既喇
間屋而加係政府架......好猛鬼架
幾十歲先黎學 ...... 太遲啦 !
回覆刪除我個大仔話好想跟妳去啊 !
日間去唔會好猛掛 ?
[版主回覆10/11/2010 22:45:00]哈哈哈......唔遲!一D都唔遲! 我都係岩岩識既咋
我都想去多次呀, 但是唔識去呀...我都係跟人去既咋, 遲D問下D人仲去唔去先...... 日頭去應該冇野既, 我果日因為一起程就抄車, 手震腳震...所以唔敢上屋頂者嘛
你個大仔識唔識踏單車呀?
我大仔識架 , 佢 16 歲啦 ! 大個仔 ^^ 可以"符" 妳架 !
回覆刪除[版主回覆10/12/2010 00:27:00]咁勁!!! 實笑我屎者
佢唔勁架 , 都好少有機會踏
回覆刪除[版主回覆10/13/2010 00:10:00]點都好過我瓜
單車遊郊野真係幾特別, 尤其係果間"鬼屋"
回覆刪除[版主回覆10/13/2010 00:18:00]可惜我冇上去睇...有機會再去過