既時驗血紅素, 驗出來血紅素雖然偏低, 但上番正常水平, 好開心, 真係好
開心!!
下面呢張係入院個晚既
可惜開心只是維持左48小時, 呢兩日我一真都以為仔仔已經好番, 仲諗住
好天就帶佢去游水. 4號晚DNA報告出左, 我心情好輕鬆, 叫老公係屋企陪
d仔女, 自己出去睇報告. 下面呢張係上次既DNA報告, 驗出仔仔中既係
Babesiosis, 獸醫開既係最貴個隻葯, 兩種葯加埋$6140, 加埋其他野一共
$12000, 但都醫唔好我個仔......對唔住, 阿仔......
下面呢張係食左 10 日葯後既DNA報告同埋化驗所獸醫既意見, 仔仔個
獸醫話呢個鬼佬獸醫好熱心, 正常既化驗報告係唔會有 Comment 呢項既,
咁我咩問佢既意見羅, 佢叫仔仔食多一個療程, 但是又話 Negative 既機會
得 6 成左右, 咁我又問佢點解化驗所獸醫話就算食多一個療程都冇用,
佢話鬼佬係咁既啦, 又話通常d主人一見仲未清就會食多一個療程咁話,
唉......個一剎那好迷茫, 我話返屋企諗下先, 一離開診所d眼淚不由自主
地滴下來, 就咁喊住返屋企, 一諗到仔仔既下半生都會係鬼門關徘徊, 個
心真係好痛好痛, 攬住仔仔係咁喊, 佢爸爸見我咁, 話俾佢食多一個療程......
冷靜下來之後打左電話問個護士狗友既意見, 佢咁咁先收工即刻上來我
屋企睇份報告, 傾左大半個鐘先走, 真係好感激佢. 佢既意見係任何醫生
都係跟化驗報告落葯, 化驗所獸醫係要為份報告負責既, 既然化驗所獸醫
既意見係食多一個療程都冇用, 咁點解要食? 仲話好彩有呢個咁熱心既鬼
佬獸醫, 唔使俾人當水魚, 又話仔仔個獸醫真係 '獸' 醫 咁話. 我宜家仲係
十五十六, 唔知大家有冇呢方面既經驗可以俾d意見我呢?
哎呀! 會唔會聽另一位醫生意見呀?
回覆刪除[版主回覆07/06/2009 01:43:00]個狗友邦我問緊......
你去得睇Vet,佢就一定盡量用藥來控制病情,冇可能叫你停藥唔醫! 錢 ~ 完全唔係佢地會考慮的問題,所以真係好難講!
回覆刪除[版主回覆07/06/2009 01:54:00]宜家兩個Vet既意見係相反既......
其實錢亦唔係我地會考慮的問題, 考慮的係食多一個療程係咩有用!
如果錢亦不是問題,我係會繼續E,因上次仔仔有好轉,而每隻狗體質都唔同,.....我之前朋友隻唐狗都救得翻,D貴藥食左令血色素提高,所以係咁貴,如果能力許可,通常都會再試.~願仔仔病情好轉,早日康復!
回覆刪除[版主回覆07/07/2009 01:58:00]睇過d資料都係話狗的焦蟲症(Babesia infection in dogs)係唔會
100%好番既, 一旦中 '焦', 終生伴隨......
食太多藥會否對仔仔不好呢?? 可能拎份 report 去問多一,兩位 vet 意見??
回覆刪除[版主回覆07/07/2009 02:10:00]任何殺虫殺蚤既葯物都係毒葯......睇過d資料都係話狗的焦蟲症(Babesia infection in dogs)係唔會 100%好番既, 一旦中 '焦', 終生伴隨......
都係我唔好 , 講得唔清楚 , 唔使食多一個療程架啦 ! 我都講過 KEEP 住佢健康就可以啦 ! 唔好太擔心 , 圓圓都同仔仔一樣架 ! 妳要加油呀 ! 如果有需要 , 妳可以去麥花臣搵 何醫生 , 佢好有醫德架 , 唔會要妳花寃枉錢架 !
回覆刪除[版主回覆07/07/2009 02:15:00]我見你話圓圓既DNA報告係 positive 都唔使食多一個療程, 個心定左好多啦......
醫牛蜱熱Babesiosis的藥物會比較傷肝的, 你要考慮一下仔仔的身體狀況呀..
回覆刪除[版主回覆07/07/2009 02:21:00]好多謝你既意見, 遲d過去拜訪你...
加油啊!!!!!!
回覆刪除[版主回覆07/07/2009 02:24:00]仔仔: 多謝 ck 先生邦我打氣! 我會努力既啦!!
點解咁架, 旅行前重以為佢好番晒, 真係好唔開心, 你要加油!加油! 好多人支持你同仔仔架
回覆刪除[版主回覆07/07/2009 02:33:00]好彩你返來先知, 冇影晌到心情......
仔仔: EE 我請幾日假咋, 遲d返學既啦!!
樹獺，聽倒消息真係好唔安樂
回覆刪除有個問題：食左藥會有乜好處，唔食藥會有乜壞處，藥對仔仔身體有幾大傷害？
上次睇電視講(蝙蝠)牛脾熱，都係要靠殺左隻牛脾，由得佢留係蝙蝠身體度，等隻蝙蝠自已產生免疫能力。
記得我細時有二隻狗，以前淨係識用藥水沖涼，次次去完公園就有好多蚤同牛脾，見每次捉完個傷口都會流好多血，所以就殺左之後由得佢留係狗狗個身上一、二日，等傷口收乾之後先捉走，可能係咁令到我家的狗狗有免疫作用，既然咁都冇問題，我諗你唔好咁擔心，相反要令仔仔以後身體健康，自身產生抵抗力更加好。
冇養狗咁多年，可能我以前嘅經驗跟現在已經不適合，不過都講出黎分享下。
[版主回覆07/07/2009 02:55:00]食左藥DNA報告都唔一定會 Negative, 唔食藥DNA報告係
weak positive, 獸醫話d藥冇咩副作用, 但我見寫住毒葯......
好多謝你既意見, 經驗呢樣野幾時都適合......
妳既仔仔驗血報告比圓圓既好得多呀 ! 所以仔仔一定無事既 !
回覆刪除如果妳真係唔介意 , 真係可以比生肉仔仔食 , 真係抵抗力好 D 架 !
[版主回覆07/07/2009 02:38:00]呢張係第一次個份驗血報告定係最後個份呀?
http://hk.myblog.yahoo.com/carlong2002/article?mid=28789
回覆刪除係岩岩果陣架 !
[版主回覆07/07/2009 02:58:00]咁食完個療程有冇再驗血呀?
而且仔仔呢排驗血報告比較好亦可能係你最近幫佢做嘅餐單有效，唔一定關藥事，猪肝之類真係好補血。
回覆刪除[版主回覆07/07/2009 13:22:00]獸醫淨係開左兩種葯俾仔仔, 一種 Atovaquone 殺焦蟲,
再加 Azithromycin 抗生素, 併沒任何補血葯, 叫我地自己
買 B什, 餐單係我自己諗既, 有冇用我都唔知, 最緊要佢
開胃.
都係 positive 呀 !
回覆刪除[版主回覆07/08/2009 01:33:00]咁睇來仔仔情況都唔係太差, 我見你仲成日帶佢去游水,
遲d我都想帶仔仔去.
記得小黑仔返嚟嘅時候醫生都懷疑佢有牛蜱熱,醫生話若果真係咁唔好彩,要靠佢自己,虊係幫唔到太多,好在報告只係嚴重貧血,唔好太擔心啦,keep住佢嘅健康係最重要.
回覆刪除[版主回覆07/08/2009 01:48:00]宜家慢慢接受緊呢個事實, 睇來keep住佢嘅健康真係好重要, 同埋要儲定錢羅...
仔仔係咪服食Wellvone(Atovaquone Syrup) 俗稱滴滴金，和 Azithromycin 呢兩隻藥用嚟治療牛蜱熱呢？ Atovaquone Syrup 會比較傷肝腎功能的， 而Azithromycin 就比較傷胃，你再衡量一下啦～
回覆刪除[版主回覆07/08/2009 02:02:00]仔仔食緊既就係你講個兩隻藥啦!
我問個獸醫有咩副作用, 佢竟然話冇喎!
淨係我地問佢飯前定飯後食佢先話 Atovaquone 要
飯後食咋~
仔仔同媽媽都要加油，有很多很多哥哥姐姐支持你的！！！
回覆刪除[版主回覆07/08/2009 02:07:00]仔仔: 多謝哥哥為我地打氣, 我同媽媽會努力既啦!!
今晚同一個狗友傾過，原來佢放狗其中一個人隻狗都有牛蜱熱，已經發生左好耐，佢果日見佢隻狗冇乜精神，就問佢個主人，主人話而家天氣轉變，佢D牛蜱熱又發作喇，仲話好小事啫，最緊要係狗狗冇乜胃口果陣睇下佢有冇發燒，因為牛蜱熱容易發燒，有就帶去睇醫生，食退燒藥同抗生素，隻狗狗睇左二次醫生都係幾百蚊，唔需要食乜特效藥喎。
回覆刪除[版主回覆07/09/2009 01:47:00]有個花友都係咁樣同我講話佢朋友有隻牛蜱狗, 唔會死既, 係容易d病, 最緊要有錢就得喎!
身體健康就無事架啦 ! GOLDEN 好鍾意游水架 , 帶仔仔去啦 !
回覆刪除[版主回覆07/09/2009 01:54:00]我地年年都帶仔仔去游水嫁, 不過佢次次都飲好多海水, 搞到又痾又嘔, 宜家佢抵抗能力差左, 有d擔心......
Azithromycin 的副作用及藥物相互作用 http://www.wedgewoodpharmacy.com/monographs/azithromycin.asp Atovaquone http://www.wedgewoodpharmacy.com/monographs/atovaquone.asp 希望呢ｄ資料幫到你啦
回覆刪除[版主回覆07/09/2009 02:19:00]ｄ資料好有用, 唔該晒!
我淨係知會嘔同埋冇胃口 (獸醫邦仔仔打左枝止嘔針), 唔知會傷肝
咁又係煩 D 既 ! !
回覆刪除[版主回覆07/09/2009 02:35:00]所以都唔知游唔游好!! 行山又話佢關節有事 (照左X-Ray)...
行得都唔好行啦
回覆刪除咁死熱
[版主回覆07/10/2009 13:41:00]宜家淨係屋企附近散步