貓貓都要沖涼

今日邦仔仔沖涼, 順便邦d貓貓沖埋, 呢兩個水桶係家俊、家男由細沖到
大既, 個盆係用來沖濕個身, 家男沖先, 係咁叫救命, 不過放左落水桶就冇
再叫

跟住到家俊, 一樣係咁叫救命, 佢係裡面慘叫, 家男係出面安慰佢, 家男叫
既時候, 家俊理都冇理過佢, 男仔係冷酷無情d

係咁想搵機會走路, 不過都算乖

跟住到家寶, 今次我用暖既粗 sea salt水, sea salt有消毒殺菌的作用, 因為我
平時用來邦d狗狗抹身同埋手手腳腳, 不知不覺間連主婦手都好左, 所以
今次試下邦家寶浸身, 就算唔得起碼冇壞先.

家寶冇家俊同家男咁易沖, 唔知係咩浸毒藥浸到怕左, 今次浸完仲企到, 既
係冇中毒

其實邦貓貓沖涼併唔係咁難, 最難係吹乾d毛, 第一次邦男妹妹吹俾佢咬
穿左指甲, 痛到入心, 第二次男妹妹出手打風筒, 打到佢自己隻手流晒血,
搞到我心都痛埋.  邦家俊吹毛要好小心, 一下唔為意就俾佢跳上膊頭, 搞
到損晒.  家寶同家俊較為相似, 唔會好似男妹妹咁出手打風筒, 淨係想走佬.

好多人都話貓貓唔使沖涼, 但是佢地成日訓地下, 都係間中沖下涼會好d,
毛毛又會滑d,濕水樣又得意喎......