咁會唔會係疥癬虫, 答案係: 唔係疥癬虫!!! 好大機會係食物敏感. 因為
家寶食左10日敏感藥同埋抗生素都仲係 '勾' 到血淋淋咁, 獸醫開左15日
類固醇俾佢. 下圖是其中一 '撻'
成塊面 '勾' 到冇嘜毛, 睇見都心痛
既然唔係癬, 可以自由行, 點知一落地就俾何B女抱起又攬又錫, 可憐既家寶
送走左何B女 (佢話想住到開學先走, 我話想死俾佢睇) 之後出左旺角幫
家寶取藥, 15日類固醇 $40, 要來看門口, 唔一定俾佢食. 順便邦妹猪訂左
包處方糧, 15磅 $480. 返屋企再邦家寶洗耳仔, 家寶來左差不多兩個月,
我邦佢洗左冇10次都有8次, 左耳好d, 右耳都仲係咁樣, 睇來要好次阿雪
初來個陣咁日日洗, 洗足一個月先得啦!
真係好唔明白既然執左返屋企, 點解唔對佢好d, 話就話有十幾隻貓者, 冇
可能辛苦得過我. 明明係敏感, 又當疥癬虫咁醫......成日話幫家寶俾一半錢,
明知我唔會收既啦.....唉!
沒有留言:
張貼留言