野菊花

阿雪皮膚問題擴散到全身, 連蜂膠都按唔住, 睇資料話金錢癬春-秋發作,
冬天先會好番.......

有日見個女人摘左好多野菊花, 多口問佢要來做咩, 原來用來煲水飲, 清熱
解毒連毒瘡都醫得好,仲唔寒涼....... 再 睇資料話可以煲水浸浴.........  自此
我地日日上山採藥

仲買埋益母草

煲左一大煲, 可惜阿雪唔鐘意飲, 仔仔就飲到失禁咁滯

浸浴阿雪就好合作

唔知阿雪有咩感覺, 不過同佢按摩佢會發出好似貓咁既咕嚕聲

10日一個療程, 每次30分鐘, 已經浸左5日, 好似有d改善, 最大既好處就係d
皮痟連毛甩晒係水度,不過阿雪全身同我對手就黃黃綠綠咁........  成個過程
都好麻煩, 希望可以堅持多5日, 跟住可以隔日先浸........

好想冬天快d來....來多d.........最好就春-冬, 夏-冬, 秋-冬咁就好喇.......雖然
好怕凍...............