豹豹.....

呢排每日兩次餵阿豹從冇間斷, 每次都會用好多時間同佢傾下解,
摸下頭仔,掃下背......有次豹豹甚至畀我抱住訓著左, 可惜...係第一
次......亦係最後一次......

望住甜睡既豹豹感覺就好似養多左隻（野仔）...

豹豹每次一食野唔知係咪嘴仔痛就會走去食泥, 仲要係建筑癈料, 次次
都食到成口沙,見佢連手指頭咁大既石仔都食落口再吐番出來......

豹豹由食大半罐罐頭到半罐...到三份一罐........越來越瘦.......

4月底約左義工帶去打第二枝針

唔敢帶入屋, 放係門口....好驚焗襯豹豹...

豹豹情況急轉直下, 由主動跑過來到叫極都唔來, 由由頭摸到落腳到除左頭仔
邊度都唔畀摸, 由食1-2啖到望都唔望下, 瘦到皮包骨......

4月10號, 如常地搵豹豹, 豹豹已經幾日冇食野......周圍都搵唔到豹豹, 問左
幾個人都話成朝都唔見......果刻好驚...好驚豹豹就咁收埋自己唔再出來.......

好在最後豹豹都返左來, 望住奄奄一息既豹豹連趕蚊都顯得有點力不從心..........
.......已經再冇其它選擇.......或者係自己一廂情願既諗法......自私既決定......

下午同義工一齊送左豹豹去SPCA......豹豹由第一次睇醫生3.6公斤下降到
得2.5公斤.........

睇住豹豹離開再帶住豹豹經公園仔再到大草地, 沒有任何既儀式, 只有汗水
混著淚水送別了可愛既豹豹........ 呢個幾月來一打風落雨就好擔心豹豹, 一
行雷閃電就諗起豹豹, 對住屋企D仔仔女女都係咁叫豹豹.....豹豹呀豹豹..........
今日去睇過豹豹, 呢段時間日日都會去睇佢, 為佢種D花花除下野草....希望
豹豹唔會嫌我煩.......

對唔住呀.....豹豹, 未經你同意就送走左你, 邊個叫你淨係食泥唔食野呀, 你
咁瘦唔適合做自由貓喇, 狗狗追你跑唔郁, 貓貓蝦你唔識反抗, 蚊蚊針你都
冇血.......... 又唔畀人摸...真係好想摸下...摸下.......摸到你走為止.......... 豹豹
呀豹豹...大草地風涼水冷空氣又好, 你放心住落去喇....