阿雪---------- 2001年11月 - 2012年7月8日
7月8日, 今朝係睡夢中被叫醒, 一聽見話阿雪係廳屙已經第一時間衝出房,
果刻淨係諗到阿雪係咪食錯野, 佢咁多年來從未試過咁做.......... 一切都太
遲.....我...遲左.........阿雪已經走左......... 抱住阿雪不停咁問佢點解走得咁
急........點解媽媽咁錫你為你做咁多野你都唔等埋..........點解會咁忍心..........
點解呀.......點解呀........阿雪你趕住去邊呀.......感覺到懷中阿雪既體溫一點
一點咁流走.....軀體逐暫逐暫咁變得僵硬..........我唔係發夢, 阿雪真係走左.......
永遠...永遠咁離開左我地...........................................
做唔切新衫畀阿雪, 補左件舊衫.........以後再冇機會幫阿雪做衫...........
曾經講過阿雪d毛毛咁靚可以用來做標本, 唔知係咪咁阿雪選擇係剷青時離開..........
漂亮又清香既金荷似係為阿雪而開........
多謝蘭花仙子陪伴我美麗既狗女兒雪雪踏上彩虹橋.........
接受唔到阿雪突然離去, 懷疑自己對阿雪搞太多野阿雪唔鐘意........... 直至
遇到護士狗友......佢解釋阿雪既情況應該係心臟病發......阿雪因為錫我所以
唔想我見到佢痛苦既樣, 唔想再畀麻煩我........ 佢走得咁快係報恩........阿雪
咁乖女再喊會辜負左阿雪一番心意................
阿雪囡囡, 媽媽知你乖...但有得揀既話媽媽唔介意抱住你...捉住你隻手仔...睇
住你離開..........冇左阿雪囡囡屋企變得冷冷清清.........阿雪呀...係
咪你叫小金媽來安慰媽媽嫁............點解你走得咁急呀.....係咪
媽媽心情唔好畀左負氣說話你聽呀.......你去左邊呀................
R.I.P 阿雪！
回覆刪除樹瀨，好好保重！
[版主回覆07/16/2012 02:07:59]謝謝！
阿雪，一路好走，妳都唔好太難過
回覆刪除[版主回覆07/16/2012 02:10:55]謝謝！
阿雪會安息的................
回覆刪除[版主回覆07/16/2012 02:11:05]謝謝！
尋晚知道呢個消息真係好突然, 前日先見到佢, 估唔到係最後一面真係好唔開心, 睇完你個Blog真係眼濕濕, 呢d經歷真係好難受, 但你對佢真係超級好, 係一個好主人, 佢已經非常有福氣! 不要太難過, 你尚有其他仔仔女女要照顧。
回覆刪除ps. 我老公尋晚有感而發, 話要多d有mimi & joy joy去西貢玩, 對佢地要更加好!!!
[版主回覆07/16/2012 02:33:33]睇番轉頭....如果我一早識得幫阿雪戴口罩先放血阿雪就唔使做多兩次手術, 佢就唔會咁快走, 阿雪做手術前咩事都冇.........最後果個星期佢經常擰轉面背住我訓........過左10歲大狗會老得好快, 個個都話唐狗有15-16歲, 原來唔係......
你老公講得岩, 佢地真係會話走就走.......
點算! 我唔知頭唔知路仲問你阿雪點.......抱歉啊樹獺! 也不知如何安慰, 但請寬心, 相信你為雪做的一切只會令她好, 不會傷害到她的, 阿雪那會不知你對她的心, 一點負氣話絕對沒有影響的, 不要自責啊! 只願雪雪你一路好走了!
回覆刪除[版主回覆07/16/2012 02:55:26]KY唔使抱歉啊！ 冥冥中自有安排...唔好話係你, 直到呢刻我都冇諗過阿雪會咁快走, 佢走前一個星期我先幫佢換左間大屋......... 7號晚我無端端發神經上來寫阿雪寫到天光, 隔幾個鐘佢就走左.......或者真係阿雪安排好既......
好唔捨得啊!
回覆刪除[版主回覆07/16/2012 02:56:49]我都係...仲未放得低
樹獺,唔好咁傷心喇, 阿雪去咗一個好快樂嘅地方, 以後可以四圍跑, 四圍玩, 無病無痛; 阿雪知你好愛佢架, 雖然我未見過阿雪, 但我都好唔捨得阿雪, 再見喇, 阿雪!
回覆刪除[版主回覆07/16/2012 03:00:27]阿雪就好似天使咁可愛...我都仲未放得低
點解會咁, 好唔捨得阿雪呀, 祝福你阿雪一路好走. 樹獺唔好唔開心呀. 我地齊齊為阿雪祝福.
回覆刪除[版主回覆07/16/2012 03:06:59]7號晚我無端端發神經上來寫阿雪寫到天光, 隔幾個鐘佢就走左....... 或者阿雪驚我再帶佢去做手術......可能阿雪真係 支力 喇......
阿雪明白你為佢做咁多嘢, 咁努力及辛苦照顧佢, 佢都唔想你太難過, 阿雪會係天家守護你, 請你加油呀
回覆刪除[版主回覆07/16/2012 03:21:10]阿雪真係好乖巧...懂事到令人心痛......
阿雪 RIP! 她有你愛錫巳無憾!
回覆刪除請你堅強掁作! 不要太傷心! 阿雪知道媽媽傷心會唔安心走架!
[版主回覆07/16/2012 03:28:09]阿雪就好似天使咁可愛...乖巧...懂事到令人心痛......
我遲d會放佢走......
雪雪好乖好生性！你要振作呀！雪雪想媽媽開心，咁佢都走得放心。。。。
回覆刪除[版主回覆07/16/2012 03:29:26]阿雪就好似天使咁可愛...乖巧懂事到令人心痛......我遲d會放佢走......
樹獺，阿雪選擇在你睡夢中雜去，就是不想你目送她走，這是因為阿雪愛你，知你為她做好多好多，阿雪在彩虹橋自由奔跑，又有朋友仔，她祇是先我們一步，日後再於彩虹橋見面
回覆刪除阿雪，一路好走
[版主回覆07/16/2012 03:34:09]可能真係咁...阿雪走時好似笑緊咁......
樹獺---我明亞雪走得咁急---妳好難接受---但亞雪走得咁急---係𡃶妳呀---佢唔想妳見佢捱病捱痛的樣子---妳要明白她用心良苦---唔想妳傷上加傷呀---妳要學會放開手--比亞雪好好走向彩虹橋---妳太傷心---亞雪又點會放心呢!!!!!
回覆刪除[版主回覆07/16/2012 03:37:05]可能真係咁...阿雪走時好似笑緊咁......
阿雪就好似天使咁可愛...乖巧懂事到令人心痛......我遲d會放佢走......
對唔住呀樹瀨, 我來遲了, 希望你以家嘅心情會平服小小啦......
回覆刪除我好明白你的心痛....但係呀雪總算喺自已屋企走, 呀雪一定走得好安心.
放心啦, 樹瀨...
[版主回覆08/05/2012 20:10:27]唔遲...謝謝
亞雪走左後, 佢表妹yo yo開始放暑假, 有佢陪好好多......
從來冇諗過亞雪會走得咁快, 個個都話唐狗有15-16歲, 原來唔係......
幾個月前份驗血報告咁靚, 諗住最少都應該仲有2-3年......所以先會咁唔甘
心......
今日才得知雪雪離開了 淚水不自禁地流出
回覆刪除小天使雪雪 明白你們一路的心情 所以在平和中離去
你們要保重 雪雪肉體離開 但會活在你們心中
[版主回覆09/06/2012 17:39:32]雪雪帶住笑容離開, 我知咁對佢係最好既, 但個心依然好痛
哎吔...而家至知呢個壞消息....希望你唔好咁傷心啦....
回覆刪除[閒人回覆10/30/2012 00:08:44]ok, take care!
[版主回覆10/22/2012 01:45:34]我會去借...唔該晒閒人
[閒人回覆09/25/2012 13:12:34]係, 係呢, 我最近睇咗一本書講個人識同啲動物傾偈, 佢講到啲動物睇生死嘅嘢睇得好平常, 仲話如果佢哋鐘意嘅話, 會轉世其他動物番嚟; 不過佢嗰個係農場; 如你有興趣可以去圖書館借, 高寶書版, [好想聽牠說, 春天農場的奇蹟] If only they could talk: The miracles of spring farm. Bonnie Jones Reynolds & Dawn E. Hayman。閒人唔知點解一個通宵就睇哂...
[版主回覆09/13/2012 00:56:17]雪雪帶住笑容離開......可能佢覺得己經係時候要走.....
唉,你唔好咁傷心啦,雪雪好快走左,不過,你唔好咁傷心啊....
回覆刪除因為雪雪都唔想見到你咁傷心架:(
[版主回覆09/23/2012 13:13:14]好耐冇見呀......琪琪
我知既喇, yo yo都係好似你咁同我講...