呢鋪杰撻撻 + 家寶睇醫生

昨晚訓覺時一拉張被就知大鑊喇, 不知邊個入睡房時唔小心畀家寶閃左
入去仲痾尿落張床, 屋企得兩個人不過兩個都話唔係自己唔小心...
衰寶寶痾正係我訓個位度, 由被濕到落床褥, 搞左個幾鐘仲要舖埋強力吸
水巾再加埋大毛巾先夠膽訓落去......

訓訓下又聞到陣尿味, 以為清理得唔徹底, 諗住訓完先再搞過, 點知一起身
就見到窗台塊墊咁既樣......唉！昏得一陣陣！！！

唔使審, 一定係妹豬婆婆做既好事！ 得佢係睡房訓, am5:00先抱佢去完廁所,
am9:00就搞成咁, 仲要連枕頭都濕埋......

今朝見家寶食左成個星期黃太d貓尿道藥都冇好轉, 知道佢應該係有結石,
帶左佢d小便去化驗, 果然係有結石, 原來驗小便2ml就夠喇...

醫生話要見貓先開藥, 再番屋企帶家寶, 家寶係診所等侯中......

醫生話家寶已經食左成個星期抗生素再食驚佢頂唔順, 淨係開左兩隻藥
同埋處方糧...

張單再加驗小便 $100, 同仔仔張單差唔多, 本來醫生話要照X光同埋超聲波
睇下d結石係係尿道定係膀胱度同埋有幾多粒, 但又唔係即時做手術知來做
咩, 照完都係要食藥同埋處方糧, 冇好轉先照都未遲......

一個星期後再驗小便...唔使見貓, 連驗兩個星期...

回家途中家寶八八卦卦既可愛樣, 一打開門家寶第一時間跳落地跑到無影
無蹤...

今日除左自己最辛苦既應該係部洗衣機, 洗左四機都仲未洗完d野！
順帶一提...今日屋企風平浪靜, 家寶已經大步『檻』過啦！佢爸爸
今晚一句都冇鬧佢, 淨係話唔好再畀佢入書房！ 不過家寶成日好似
跟尾狗咁行係佢腳邊, 又成舊炭咁...閃左入去都神不知鬼不覺喇！！！