係書房開冷氣都畀佢入埋去, 一直都相安無事, 點知今日出事喇！！
家寶唔敢面對鏡頭...
阿雪: "媽媽, 佢仲成日痾尿落我張床！"
阿雪: "有次我冇睇清楚訓左落去, 搞到成身臭猛猛, 仲要岩岩先沖完涼！"
家俊: "家寶你今次真係太過份喇, 個腳部按摩器係爸爸嫁！你知唔知呀！！ "
家俊: "個腳部按摩器仲係我同男妹妹兒時既回憶......果陣我地仲細, 訓落去
仲有位淨......"
家男: "媽媽, 今次一定要重罰家寶, 佢已經冇得救喇！"
家寶呀家寶...今次真係大大鑊呀！ 你痾落邊度唔好, 做咩要痾落果度呀......
收養左家寶兩年喇, 兩年來佢無停地周圍痾尿, 小朋友間房畀佢搞到一陣
尿味, 阿雪張床係重災區之一, 有時一日幾次, 洗洗抹抹已經做到麻木晒,
亦掉左唔小冇得洗既野......
唉！ 今次既冇得洗又冇得抹...聽日屋企呢個十號風球睇怕都走唔甩......
整塊 pampers 比佢啦
回覆刪除[版主回覆06/23/2011 02:37:00]咁都得呀？！
咁個腳部按摩器又係幾似個猫尿盤 ga wor ! 可能因為咁似所以人有三急時就忍唔住囉~
回覆刪除[版主回覆06/23/2011 02:39:00]哈哈哈......又真係幾似波
樹獺我都係唔要家宝, 佢唔乖留返比你. 最多同你要埋亞嬌.
回覆刪除[版主回覆06/23/2011 02:44:00]亞嬌係家寶既訓導主任, 你要埋亞嬌一樣要接收埋家寶嫁
亞獺：
回覆刪除妳已經完全同啲小寶寶有共同語言，呢幅，對白同佢要講的夾哂﹗
真係戥家寶擔心，養咁耐都唔知『訂』，希望佢大步『檻』過啦﹗
[版主回覆06/23/2011 02:54:00]我覺得自己三份一係狗, 三份一係貓, 得三份一係人
家寶已經大步『檻』過啦！ 佢爸爸今晚一句都冇鬧佢, 淨係話唔好再畀佢入書房！
佢會唔會有d野唔開心所以周圍痾尿呢?
回覆刪除[版主回覆06/23/2011 02:58:00]佢好開心呀, 重左一公斤有多喇！不過佢以前係流浪貓, 可能慣左行到邊痾到邊
整濕左裡面D電線, 唔知仲用唔用得添噃
回覆刪除[版主回覆06/23/2011 03:00:00]用得都唔用得喇, 好臭呀！！！
家寶係唔係有d 唔開心, 所以會做出呢d 惡行
回覆刪除[版主回覆06/23/2011 03:02:00]
佢好開心呀, 重左一公斤有多喇！不過佢以前係流浪貓, 可能慣左行到邊痾到邊
兩年o黎，家寶同家俊、家男都唔係太夾，呢個可能係佢唔開心o既原因
回覆刪除[版主回覆06/23/2011 03:07:00]
佢好開心呀, 重左一公斤有多喇！而且家俊對佢好好嫁, 佢好多時都會同佢地玩追逐游戲嫁, 不過佢以前係流浪貓, 可能慣左行到邊痾到邊
縛佢一排睇吓有冇改善喇!
回覆刪除謝謝分享!
[版主回覆06/23/2011 03:10:00]佢又要坐監喇
晚安！Candy
我家天師仔夠係流浪貓，但佢都無啲咁o既問題，或者試吓搵傳心師同佢傾吓計
回覆刪除[版主回覆06/25/2011 02:50:00]天師仔咁乖點同呢, 家寶係世界上最衰果隻貓
我以前都有隻貓貓仔仔都係咁㗎 唔知係咪好似狗狗咁有 marking 嘅行為囉 我只有限制佢嘅活動範圍囉
回覆刪除[版主回覆06/25/2011 02:55:00]正常來講貓係冇地盆意識嫁, 可能係情緒問題
我都要設家寶禁區先得
係咪未做太監仔呀？仔仔未絶育會週圍疴嗰喎....
回覆刪除[版主回覆06/25/2011 03:00:00]一早做左喇
我都有養貓, 貓貓周圍小便真係好煩, 試下同佢傾下計, 按摩下佢既額頭, 或者試下用Feliway(拍賣網有), 又或者屋企放多一個砂盆比佢...
回覆刪除[版主回覆06/28/2011 01:53:00]屋企已經有兩個貓廁喇, 可能佢天性係咁. 佢好孤癖嫁, 家俊同佢清潔d毛毛都會畀佢打
等我上拍賣網睇下先, 唔該晒
家寶真係唔聽話喇! 但點解佢成日都要四圍屙呢? 會唔會有咩原因??
回覆刪除[版主回覆06/29/2011 02:31:00]今次應該 係唔舒服, 平時就真係唔知點解
我家人個隻貓都無去得咁多- - 家寶真係好多阿- -
回覆刪除[版主回覆07/02/2011 02:34:00]係囉, 佢明明喝好少水, 但又有咁多尿尿去喎
妳好有耐性呀...好野!!!! like~~~
回覆刪除[版主回覆07/21/2011 02:24:00]我淨係對貓貓狗狗有耐性咋