樓上終於肯整喇（整好喇）

樓上PK業主:

http://hk.myblog.yahoo.com/edentatadog/article?mid=6847

6月8日, 幾個月前食環署化驗報告出左, 証實係樓上滲水落來, 點知樓上
PK業主係都唔肯整, 仲講大話話整左, 單野拖到而加鉖於去到法庭排緊期...
由第一次投訴廁所滲水到滲到出廳搞到今時今日咁既樣足足有幾年！！

飯廳天花, 好耐未試過好好咁坐係飯檯食餐飯...

牆身

主廁天花鋼筋爆到出冷巷:

牆身整完又滲過

客廁由一個滴水位變兩個

食環署職員話法庭由排期到判決最快都要半年, 半年！ 我就來癡線喇！！
我要同佢死過...我要搵律師告佢家PK！！！ 食環署職員話佢都未見過咁
既人, 搵律師告佢都冇用, 話叫管理公司再試下同樓上傾下, 今次好彩管理
公司搵到個係樓上住但唔係業主既人落來睇......  樓上已經搵師傅整好左,
跟住到我地, 做晒防塵都冇用, 成屋沙塵滾滾, 抹完又抹.....

師傅話要等牆身乾先可以做野

d小朋友除左狗狗要出街散步之外, 全部冇得出廳玩...
d花花又要搬出廁所, 外牆又未整好唔可以放出花槽...煩...煩...煩......

已經等左四日喇, 唔知仲要等幾耐牆身先乾......

****************************************************************

6月13日, 終於連樓上都整好喇！10號果日好好彩...係師傅就收工前發現整
好既主廁有好明顯既滲水情況,  而樓上要聽完師傅既意見先肯整, 查實一向
都係投訴樓上兩個廁所滲水, 只係佢地唔接受呢個事實, 淨係肯整個客廁...

客廁已經冇再滲水...

飯廳牆身配唔番一樣色既牆紙, 要間色...

燈槽由於係木既關係, 滲水發黑既位置同色粉都遮唔到...

天花有好明顯既駁口...

一睇就知係師傅唔小心界多刀, 未開始整已經同佢講左好多好多次個駁口
要整齊d既喇！ 叫佢換過又唔肯, 仲話第日間屋裝修要搵佢, 咁求其...慳d
喇.....

第一時間裝好部冷氣, 順便執一執d位...

呢個儲物箱會放係客廳畀小朋友們訓...

當個PK業主知道主廁都要整既時侯, 即時由大陸趕番來睇我間屋, 正PK！
投訴左咁多年又唔見佢來睇下, 整好左先來睇...仲要話畀錢我裝修間屋！！
點解咁多人死唔見佢去死！！！！