貓貓呀貓貓...你乖乖地食藥喇（跟進）

5月24日, 昨日應承左貓義工餵隻有病既貓食藥, 今日第一日餵

混左兩格抗生素既罐頭

行開等貓貓來食

貓貓唔乖...食剩有藥味果d

肯畀我行近少少

可憐既貓貓, 成個下巴都係口水

有個女人經過又開左罐罐頭畀佢, 話貓貓病左好可憐, 又話貓貓鐘意食呢隻
牌子, 聽佢咁講又混左兩格抗生素落去

又係食剩有藥味果d

貓貓呀貓貓...你真係好唔乖......

貓貓d皮膚已經出現潰爛, 貓貓呀貓貓...你唔食藥, 點會好呀......

走時落住毛毛雨, 貓貓完全唔識得要避雨, 再落場大雨貓貓好可能會就咁
消失......

陪左貓貓成個鐘順便影左朵小花

又見到食環處職員換老鼠藥, 咁既包裝對流浪貓狗會安全d！ 期間又有人
話貓貓病左食生雞蛋會好......

其實咋晚去認貓時已經見到貓貓唔肯食藥, 亦同貓義工講左, 佢只係一味
話晒左d藥...好貴嫁！又話冇可能隻隻都帶番去醫...好貴嫁！ 而加貓貓係
都唔肯食藥, 唔知佢有咩打算.  自知 EQ 低, 無法承受睇住流浪貓狗受病魔
折磨至死果種痛, 所以盡量唔去接觸佢地, 今次都搞到情緒好低落......  不過
聽日都會再去餵貓貓食藥...... 貓貓呀貓貓...你乖乖地食藥喇......
*****************************************************************

5月25日, 今日畀左兩次罐頭貓貓食, 冇再餵藥, 咁樣餵藥法唔餵好過喇

貓貓仲係無來神氣

5月26日, 中午餵貓順便清埋其他餵貓人留低既垃圾

貓貓d野多到食唔晒, 仲有其他人餵, 夜晚見佢食乾糧但唔食罐頭

有少少鼻水同捚條舌長期放係出面好似縮唔番咁, 唔知究竟有咩事

今日個貓義工打來負負氣氣咁叫我唔好再餵貓, 除非再餵埋藥, 又話貓貓
精神左係因為呢兩日舔左少少佢畀既藥！貓貓根本冇好到！！ 你估果d係
仙藥呀, 舔兩舔就好, 當我白癡呀！！！  抗生素要食足份量同療程先有用
呢樣野係人都知喇, 話有用即係自欺欺人！ 頂佢唔順, 頂左佢幾句, 最後叫
佢捉貓貓去睇醫生醫藥費我畀, 不過我冇地方畀佢養病, 佢先話佢有地方不
過要照顧病貓好辛苦, 又話醫藥費佢都畀得起, 呢層我知呀...佢有錢過我好多
好多...但咁又點者...... 費事再同佢講落下！

呢兩日每日睇貓貓3-4次, 好似傻婆咁同佢傾下解, 等佢冇咁驚我, 貓貓有時
會好似家俊家男咁同我眨下眼, 唔知佢係咪心諗邊度來左個傻婆咁鬼煩既......