換水喉換到一鑊泡

早排見走廊起晒d地磚諗住換水喉都唔係好難者, 咪自己換囉, 點知d駁位
滲水要換過晒, 未換之前仲畀d師傅倒埋石屎, 好在發現得早叫佢起番, 唔
係乾左就麻煩喇！

就係呢d水喉曲累事喇, 整極都滲水！

好在同層個陳生幫手買過d新款水喉曲, 真實陳生一早同我講過要買新款
既喇......唉......

新款

舊款

新款就咁插支水喉入去扭番實就得既喇...

買埋支專用彈弓鉗可以拆番出來改位...

終於整好喇, 走廊仲己經入土為安添...

門口位...

水掣由廚房改左裝係廳個大櫃裡面, 個水掣冇滲水所以冇再買過...

雖然今次換水喉換到一鑊泡, 最辛苦果個又唔係我, 但都捱左幾晚通宵, 又
擔心左幾日幾夜, 仲拎住支九呎長既水喉行十幾層樓梯, 又使多一筆錢, 不
過畀我揀多次都係會自己整, 其實真係唔係好難, 只要夠力又有岩用既材料,
最緊要有把工業用既油壓鑽......


呢幾日望住d水一開出來就係白色真係好開心, 水流又大左好多, 以前d水一
開出來係黃色既, 搞到連部洗衣機d邊位都黃晒......