隧道唔肯繼續行
由得我自己係度行
叫左好耐先死死氣唔情唔願咁行出來
行到荷里活廣場
阿莎終於肯屙尿喇
好彩最後都肯屙尿
一屙完兩隻野跑到影都冇
又是喱左入隧道, 落雨者嘛使唔使驚成咁呀
搞左成個鐘都係得阿莎肯屙臭
回程阿嬌八卦走去睇呢隻野, 畀呢隻野 "哇" 左一聲嚇到彈開...冇死用
頭先驚阿嬌急, 又帶佢同阿雪出去, 阿雪好快就搞掂
阿嬌全程都係度東張西望...足足行左45分鐘, 真係有想死既衝動, 好想問下
佢: 究竟係你要去廁所定係我呀!
驚阿嬌佢地急先一日帶兩次出街, 不過好多時出到街佢地又好似唔急咁,
但一日帶一次出街, 佢地又好似好急咁...都唔知點做先岩.......
***************************************************************
最近精神好緊張, 晚晚都冇覺好訓, 早排換水喉夢見成間屋畀d師傅鋪晒石屎,
昨晚夢見成張床畀d貓貓屙到周圍都係尿, 今晚畀阿嬌搞到冇晒心機, 再咁樣
落去好快就可以搬去青山住......
唔好咁緊張啦. 一日帶佢地出去兩次係人道D, 忍得多對佢地身體唔好架. 你咪當做運動囉. 我以前養左狗後精神好左, 身材都fit 左呀.
回覆刪除[版主回覆05/19/2011 02:38:00]我點止身材 fit左呀......連手腳瓜都出晒來呀
見到亞沙亞嬌兩隻嘢, 就諗起我隻傻狗. 一模一樣咁驚落雨. 冇死用.
回覆刪除[版主回覆05/19/2011 02:42:00]咪係囉, 都唔知驚咩, 佢地直頭想掉低我係街自己番屋企呀
可能要問下自己,甚麽生活方式、處事態度才可活得自在﹗亞獺的生活條件,很多人都夢寐以求呢﹗
回覆刪除[版主回覆05/19/2011 02:50:00]你講得岩, 我都知呢兩方面都有d問題......最近檢討緊
亞沙亞嬌件"披"好得喎,D顏色夠鮮艷呀 !放鬆D啦!
回覆刪除[版主回覆05/19/2011 02:54:00]鮮艷得滯成日畀人笑呀
我會既喇, thx
如果唔帶佢哋出街,妳屋企有地方俾佢哋大大小小嗎﹖
回覆刪除[版主回覆05/19/2011 02:57:00]仔仔識得去企缸大小便嫁, 不過阿莎同阿嬌就要草地或沙地先肯去囉
真喺你急過佢啊! 你鍾意立即送上啊!
回覆刪除[版主回覆05/19/2011 02:59:00]粉紅色真係好靚呀!thx
狗狗係咪一定要外出解決大事呢?如果唔外出唔肯在家解決架?
回覆刪除[版主回覆05/19/2011 03:04:00]唔係嫁!好似仔仔識得去企缸大小便, 妹豬識得去佢個私家廁所, 阿雪間中都會去企缸小便, 不過阿莎同阿嬌就要草地或沙地先肯去囉...因為佢地細個係山上大嫁
落左街唔肯去廁所, 俾左機會佢地而佢地唔肯就算, 唔好咁緊張, 黐左線就死啦!!!所以我好努力教左MIMI早上係屋企去小便, 而JOY JOY就8成成功啦!!每日我只可帶佢地去一次街街
回覆刪除[版主回覆05/19/2011 03:10:00]你都好有心機
努力d教好JOY JOY, 最好教到大小便都肯係屋企去, 老實講呀橫風橫雨或者病左仲要去街真係好慘呀
真係好有雨褸著咁貼心
回覆刪除[版主回覆05/19/2011 03:12:00]著左雨褸番屋企可以做少d清潔
第二張相好搞笑, 你行左去老遠, 佢地兩個都唔跟, 係咪想做流浪狗啊, 真係笑死鬼 , 你發D夢又真係幾惡佈喎, 你日常生活太緊張了, 放鬆D喇
回覆刪除[版主回覆05/19/2011 03:18:00]叫左好耐佢地兩個都唔行出來, 連路人都幫口叫埋一份...瘀死喇!
我會既喇, thx
咁多隻都要出街方便,的確好頭痕……
回覆刪除[版主回覆05/19/2011 03:22:00]好在貓貓唔使出街, 唔係仲頭痕
佢地只係想陪妳耐 D JE ^^ 有時金寶都會咁行好耐都無 WEE WEE 架 !
回覆刪除[版主回覆05/22/2011 02:49:00]係鬼呀!佢地驚濕身又驚地下污糟呀
raining cats & dogs
回覆刪除[版主回覆05/22/2011 02:54:00]果日未至於落貓屎狗屎, 不過都唔算細
喱左入隧道...
回覆刪除[版主回覆05/22/2011 02:56:00]係呀, 次次落雨佢地都會咁樣對我
真係好鍾意亞莎亞嬌呢兩個女, 同我隻傻狗一樣樣, 冇膽, 驚青, 冇死用. 唉...可憐我班狗去哂彩虹橋 . 唯有借你兩個女望梅止渴.
回覆刪除我隻傻狗真係頭都唔轉掉低我自己返屋企. 諗起佢都比佢笑想死.
你自己都要保重身體, 不要咁緊張.
[版主回覆05/22/2011 03:09:00]d人成日話亞莎亞嬌係唐狗好惡, 查實極度細膽...冇死用! 難得有人鐘意...有空多d來睇佢地呀
呢幾日休息多左精神好d喇, thx
我見到果隻野都會 "哇" 一聲彈開... 真係要小心,仲要放鬆心情呀!!
回覆刪除[版主回覆05/22/2011 03:16:00]我仲諗住你會一拳打死果隻野添
呢幾日休息多左精神好d喇, thx
佢個尿尿個樣睇得好無奈, 不過相信妳更無奈.
回覆刪除放鬆啲啦! 條橡筋拉咁"行"會斷架.
[版主回覆05/22/2011 03:18:00]佢驚濕身又嫌草地污糟呀
呢幾日休息多左精神好d喇, thx
(Empty)
回覆刪除[版主回覆05/24/2011 01:01:00](Empty)
阿嬌唔去~係咪想成機等媽媽帶多次佢出街~~
回覆刪除[版主回覆05/24/2011 01:04:00]好天冇所謂, 落雨出街真係好麻煩
咁又真係好煩...@@"
回覆刪除[版主回覆05/24/2011 01:06:00]好天冇所謂, 落雨出街真係好麻煩
恭喜啊! 你又入選今期佳blog啊!
回覆刪除http://hk.blog.yahoo.com/feature/blog_pick.php?page=2
[版主回覆05/24/2011 01:11:00]我見到你都有份呀
不過好似都係果d blog, 冇咩變