琴日帶左阿嬌去睇醫生, 等左 9 個字, 睇左 3 分鐘都冇, 埋單 $1030.
樹獺: 佢d牙肉又紅又腫, 刷牙既時候d血係咁標出來.......
Dr.xx: 咁樣流牙血係好唔尋常架 (所以咩來睇你囉)
樹獺: 咁...會係咩事呀? (好憺心)
Dr.xx: 牙肉紅得好緊要喎, 發炎...(我知呀)
樹獺: 但係佢一d牙石都冇喎, 有同佢刷牙架, 不過係咁流血......
Dr.xx: 唔好同佢刷牙啦, 咁樣會好痛架, 拿,我開隻xxxxx俾你, 再開隻xxxxx俾你,
咁樣流牙血係好唔尋常架 (我就係想知點樣唔尋常)
樹獺: 咁會係咩事呀? 都冇牙石! (點會有牙周病)
Dr.xx: 其它有冇咩事呀? 咁樣流牙血係好唔尋常.....
樹獺: 好正常, 凈係流牙血, 會係咩........(好想知點唔尋常)
Dr.xx: 可能細個食左d咩, 呢隻菌 (唔明佢想講咩) 咁樣流牙血係好唔尋常,
我開d抗生素俾佢 (又話好唔尋常, 抗生素唔使睇你啦)
樹獺: 咁如果唔好會點呀? (你講到咁唔尋常)
Dr.xx: 我先開 10 日冇類固醇既抗生素俾佢, 唔得先再開有類固醇既, 都唔得
就要全身麻醉, 同佢洗牙 (都冇牙石) 囉d組織去化驗, 咁樣流牙血係好
唔尋常既, 10 日後番來復診啦!
係出邊等俾錢
樹獺: 幾錢呀?
助手: $1030.00
樹獺: 幾多話?
助手: 係d抗生素貴咋, $380
樹獺: 咁其它咩來架?
助手: 拿呢枝搽牙肉既 gel, 去牙石 $130, 呢枝防牙石既, 加落d水到俾佢飲 $270
樹獺: 咁多貓狗點知邊個飲左呀?(會唔會有事架)
助手: 全屋d貓狗都飲得, 我地d客唔俾刷牙既好多都飲緊 (我d全部都俾刷架),
冇事既, 5ml 開一個綠茶樽 (500ml)
樹獺: 我地一日飲好多.....(呢枝野飲得幾日呀!)
助手: 診金 $250, 同你約埋復診呀, 你約幾時呀?
樹獺: 咁快約, 10 日葯喎? (你一早知 10 日後都唔會好啦)
助手: 呢排好 full, 你都要復診既啦
樹獺: 10 日喎! 我返去睇下先啦!
阿嬌, 你睇下張單, 不如你搵份看更做下.......
阿嬌: .............(呢個女不嬲都好靜, 好乖.......)
$1000 唔緊要呀, 你要話俾我聽咩事先得架! 如果咁樣流牙血係尋常既, 唔使來
睇你啦!
唉......拖住個女竟然就咁由九龍城行左返屋企, 返到屋企先發覺枝 gel 係外用既, 咁仲搽唔搽啊? 天啊!!!
她是吃甚麼的? 流牙血多久了?
回覆刪除will you ever consider barf? raw meat and bones.
回覆刪除poor her... at the time being let her stay with dry dog food is better.
牙肉有潰爛....就唔好擦牙住喇!.....支Jel係咪藍色架?係就好好用,化驗完就知乜事喇!.....放心啦.~
回覆刪除診金 $250, 都貴, 我睇開$180~
回覆刪除take care~
牙石對貓狗都好大困擾
回覆刪除吓!個醫生淨係講好唔尋常咋喎,咁即係點呀?係咪真係食藥就會好呀?講到咁唔尋常,但要咁耐先有得覆診呀。
回覆刪除其實貓貓同狗狗都係,食得軟食物多都會牙齒有問題,以前都聽過貓貓唔好比咁多罐頭佢地食,食硬潔齒乾糧,等佢地可以咬下硬野,所以我就成機懶,唔煮野比佢地食,淨食乾糧囉。
回覆刪除咁十點啦,或者你邊個時間適合D?豆蘭,好呀,多謝先!
回覆刪除雞柳粒咁大粒梗係唔識食啦,我D貓食雞絲,絲開一條條幼幼地佢地先食倒,咀仔細呀
回覆刪除[版主回覆05/12/2009 01:38:00]剪得好細粒既喇! 細細粒三文魚肉又唔識食!
個醫生好唔掂喎!好明顯唔知佢咩事,又想dum証收多之錢啦,九龍噤多獸醫,不如睇過第二個啦!
回覆刪除[版主回覆05/13/2009 00:18:00]佢係個名醫來架!係貓界好出名架!今年睇過她兩次都覺得佢好
求其! 阿嬌食晒d葯都唔好既話,就會睇過第二個既啦!
個間診所係咩名呀?? 等其他人留意下麻
回覆刪除[版主回覆05/15/2009 12:37:00]佢係貓界好出名架! 宜家睇得好求其囉!!
現在貓貓有沒有事呀?
回覆刪除[版主回覆06/07/2009 01:19:00]阿嬌係狗狗來架