義工黃太屋企的貓

今日去左 cccp 義工黃太屋企睇佢 d 貓, 佢屋企養左 18 隻貓, 全部都係埶既
好多隻都係剪左耳, 因為太乖, 唔捨得放係街上, 有一隻仲係冇 ‘通行証’ (佢老
公唔知) 成日要走鬼, 都唔知點邦佢, 有 d 貓真係好乖, 好乖…任抱唔嬲….

有 d 貓因為會打架要分開困, 呢 d 困係廚房, 有 d 訓係廚櫃, d 毛毛咪……

呢兩隻仲係 b, 八個月到, 好瘦同埋怕人, 但俾人摸唔 fee 人, 黃太好想有人
領養佢地……

 

呢隻係純種貓, 都係埶番來既, 當時一歲都唔夠, 唔知咩人咁殘忍咁對佢,
等天收…….黃太見我想抱佢, 話佢想抱隻貓都唔俾…….最後我抱左佢
十幾分鐘, 仲剪理指甲…..好想抱番屋企……可惜…..

識左黃太好多年, 只係我養狗佢養貓, (唔知點解覺得喂街貓既義工好抗拒唐狗)
次次見佢都係一大袋貓糧(黃太都唔知有冇 80 磅), 日日如是, 呢份堅持, 自問
真係做唔道! 去年未領養家俊、家男之前, 有同佢話想收養隻貓, 佢淨係叫我
去X貓會, 我找了好幾個義工, 一聽話有三隻唐狗, 當然冇人肯俾喇! 今年佢主
動叫我去佢屋企睇貓….我真係好想好想幫佢, 奈何…….

其實貓貓狗狗併唔係仇家, 佢地真係可以做好朋友架, 照顧三隻貓相等於照顧
一隻狗, 養狗既明友諗諗 d 貓喇, 見佢地一齊玩同攬住一齊訓個樣真係由心底
裡笑出來.  黃太話見我一講起佢地就會由心裡面笑出來, 佢講得一地都冇錯, 
真係訓左都會笑醒!!!