去接Yoyo放學, 點知原來Yoyo考緊試提早放學已經係屋企, 咁我地就改變
主意去搭的士...
上車前係地下執到一個銀包...
就係呢度搞續牌既喇...
政府機構d制度永遠都咁僵化, 話左d資料冇變化都仲要填表, 唔知要電腦
來做咩...d職員就係度吹水過日晨......
續左牌順便經九龍城碼頭再去Yoyo屋企, 竟然係度撞到細B d 朋友仔等緊搭
船去北角狗公園玩...
靚靚狼狗女大寶...
型仔都柏文仔阿Be...
大寶媽仲問我地拎左電話想約我地下星期行山添, 話閒日行喎...細B媽......
仲有呢隻三唔識七因為執野食要戴口罩既小朋友, 主人話傲雲峰有人毒狗,
住果頭既小朋友要小心喇, 記得出街唔好執野食呀...
阿莎同阿嬌一去到Yoyo屋企就入房巡視一番...
表姐Yoyo係咁招呼佢地: 來呢度坐呀!你地來呢度坐呀!...
阿莎阿嬌飲水滴到成地都係水, 表姐又好乖係度拖地...
表姐: 識唔識自己拎開個水兜呀?睇你地都係唔識既喇...
阿莎阿嬌就表演左一場動感十足既搏擊俾表姐睇...
表姐: 好 支力 呀!好 支力 呀!拖晒成間屋......!
阿莎阿嬌: 辛苦表姐喇...七百幾呎唔 支力 就奇!
阿莎阿嬌: 媽媽, 走未呀? 我地仲要去差館呀!
表姐好客氣咁封左兩封利士俾阿莎同阿嬌, 岩岩好夠我地搭的士去黃大仙
警署, 一個仙都冇得淨...
警察們: 咩阿黃都來左呀!咩事呀?
阿莎阿嬌: 叔叔, 我地執左個銀包!
阿莎阿嬌: 媽媽, 幫我地影d相呀!
阿莎阿嬌係度等簽名...
影完相先見到呢張紙!哈哈哈..........
搞掂我地就行番屋企, 途經大磡村...
再經南蓮, 阿莎來到呢度先肯痾臭臭...
跟住再去宏景花園間超市買野, 係門口撞到幾隻朋友仔, 柴犬烏冬, 唔記得
叫咩名既歌基兩隻...
仲有呢隻散步經常見到既唔摸得又唔知叫咩名既北京...
我地 pm2:30 出門口, 玩到 pm8:00先番到屋企, 一日就咁過左, 不過今日過得
比較特別, 唔知除左阿莎阿嬌仲有冇其他阿黃去過差館呢?!
大磡村唔係拆晒喇咩,我以前係新浦崗做嘢
回覆刪除[版主回覆02/26/2011 02:35:00]拆左既喇, 不過留底留路通去mtr同荷李活一帶...
兩隻衰妹開心到震啦! 出去玩咁耐!
回覆刪除[版主回覆02/28/2011 02:30:00]係呀, 佢地好似大鄉里出城咁周圍望周圍索呀
兩隻返到去一定好快睡死去了!!
回覆刪除[版主回覆02/28/2011 02:35:00]係呀!我就慘d, 仲要帶仔仔佢地出去散步!
yoyo真係大個女喇喎 , 肯去做家務.
回覆刪除阿莎同阿嬌呢日實開心屎啦!... 出咗成日街街.
[版主回覆02/28/2011 02:39:00]下次來可以叫佢洗衫抹地
阿莎阿嬌一入屋就上床訓喇!我就慘d, 仲要帶仔仔佢地出去散步!