如果......有如果......（婆婆拎番個銀包喇）

如果唔係記錯日期, 就唔會24號帶阿莎阿嬌去續牌......

如果唔帶阿莎阿嬌去續牌, 就唔會執到呢個銀包......

如果唔打開個銀包, 就唔會見到裡面咁多野......

如果見唔到裡面咁多野...就可能會交個銀包俾個的士司機處理......

如果交個銀包俾個的士司機處理...就唔會帶俾自己咁多麻煩...咁多聯想......

24號下午4點零鐘去到Yoyo屋企, 一坐低即刻打開銀包睇下有冇電話可以通
知事主等佢唔好咁擔心, 可惜搵唔到！見張長者卡有失卡通知既電話, 打去
講左有件咁既事, 對方俾左另一個電話我, 打左去係電話錄音...話有事留低
電話號碼會盡快回覆...直至而加都冇回覆！ 跟住再打去黃大仙警署問有冇
方法可以聯絡到個婆婆, 答覆係一定要我帶晒所有野去警署先會處理, 仲話
驚我係係到整蠱警察！！！  唉...原來想幫人都咁難！ 自己都試過唔見銀包,
好明白寢食難安果種心情, 一個70幾歲既婆婆有政府退休金都仲要典當隻介
子﹕$1500, 張單係寫住 $1500, 2011年初五！ 同銀包裡面既現金幾乎一樣！！
張當票令我想到好多可能性, 好想第一時間交個銀包俾婆婆......   無計可施只
好帶住阿莎阿嬌去差館......   原來特區政府係搵唔到市民既, 警察要透過銀行
卡中心先可以拎到市民既電話號碼, 唔果銀包裡面銀行卡都冇張的話咁就會
好麻煩, 大家快d去銀行update個人資料喇！！！

呢兩日都係到諗, 如果下次再俾我見到地下有銀包仲執唔執好呢？如果執左
又打唔打開個銀包好呢？ 如果自己又唔見銀包的話執左果個人又會唔會連
埋裡面d錢俾番我呢？  唉！ 如果冇執到個銀包你話幾好呢？！

***************************************************************

3月2日, 今日收到警察部門寄來既信, 原來24號果日已經搵番個婆婆仲既日
辦理埋交收手續添...

希望個婆婆第日唔好再咁大意喇, 唔係次次都咁好彩嫁！