阿莎阿嬌好期待既眼神
我地pm12:45準時到左馬鞍山村起點, D花友遲左成半個鐘有多, 好彩係等侯
期間識左隻大隻佬陀地...阿凡
阿莎阿嬌果然好有吸引力, 阿凡對佢地好友善, 但唔比我摸仲依牙添, 好彩
早有準備用雞條收買左佢, 仲帶我入屋參觀呀......
pm1:25 D花友一到立刻起程
話咁快就到左昂平, 好多人係到玩滑翔傘, 有個男人岩岩玩完話好好玩, 叫
我地即場玩$500/半小時, 但佢預約反而要$800, 咁都得...勁搞笑......
阿嬌見到D滑翔傘好驚, 叫極都唔敢行...
要扮走佢先追上來...冇鬼用......
阿莎阿嬌差D比呢班小朋友玩殘, 要突圍而出先走得甩...冇陰公
係呢到可以望到西貢
跟住就來到茅坪
成個山都係茅, 人入左去都見唔到
再沿住呢條山腰小路向基維爾營地進發......
阿莎阿嬌好興奮, 一直行係前面
連綿不絕既山脈......
終於到左基維爾營地
行到日落西山先行到飛鵝山道, 經過百花林路...係呢到見到個著西裝波鞋
拎住枝棍好似鬼咁既阿伯...好驚！問D花友見唔見到...好彩個個都話見到...
pm6:45總算行完喇, 係彩雲村大排檔食埋飯先返屋企, 食飯期間有隻老鼠唔知
死走去阿嬌度, 比阿嬌捉住我都唔知, 正奇怪個老細係到讚佢叻仔, 一睇...嘩！
救命呀！！ 老鼠！！！ 一手拉起阿嬌......好彩隻老鼠走甩左......
總括來講呢條路線唔算難行, 但路程好長同埋又上又落, 唔適合初行山人士,
上次行完個人冇咩反應, 今次大脾就覺得好酸軟, 唔帶埋仔仔一齊行係明智
既決定. 本來影左好多相, 但yahoo每篇淨係可以帖20張相......冇解......
秋高氣爽............呢D天氣行山一流啦
回覆刪除[版主回覆11/22/2010 00:49:00]可惜貓貓唔中意出街, 唔係可以帶埋一齊行
為食得佢吖，流晒口水
回覆刪除[版主回覆11/24/2010 00:52:00]睇住佢由冇口水到有兩條長到落地既口水好搞笑架...
阿凡個樣好傻, 佢個條口水.....好似mimi
回覆刪除[版主回覆11/24/2010 00:44:00]阿凡大隻過mimi好多好多, 成隻聖班納咁架
原來1樓隻聖班納阿肥去左彩虹橋, 隻拉布拉多包包又去左彩虹橋
唔適合初行山人士。說得對，這條線我上月行完也腳軟軟。
回覆刪除[版主回覆11/24/2010 00:38:00]原來您都有行開山架, 有機會一齊行呀
嘩, 睇吓佢果行口水......你d雞柳一定係好好味架喇
回覆刪除[版主回覆11/24/2010 00:35:00]唔知呢...我冇試過呀
阿莎阿嬌都有好期待既眼神,haha
回覆刪除[版主回覆11/24/2010 00:26:00]係呀, 佢地眼神一致架
聽到呢個消息好唔開心, 包包去左彩虹橋我聽d狗友都有講過, 但阿肥出事我就唔知啦!!! 嗚....mimi好鐘意阿肥架, 如果佢知道會好唔開心
回覆刪除[版主回覆11/25/2010 02:15:00]阿肥11歲喇, 聖班納來講叫做好長命既喇
唔好話比mimi知......
早知你來馬鞍山行, 就叫埋我啦!
回覆刪除一口氣行到彩虹, 勁呀
[版主回覆11/26/2010 00:27:00]原來係馬友
5個鐘頭波, 你行唔行到架