有冇人知係咩傷口（好消息）

2009年12月11日, 花花係一隻好乖好乖既cccp貓, 一叫佢就會係腳邊喵喵叫,
領養家俊家男之前有諗過帶佢返屋企, 不過佢流浪左幾年, 驚d狗狗嚇死佢......
10日前見佢身上有個含濃既傷口, 義工話唔得閒捉, 又話見唔到有傷口......

兩日前見到有5-6個含濃既傷口, 附近甩晒毛, 花花個樣好痛苦, 我等到義工
來喂貓指比佢睇, 我都知佢好忙......

尋晚幫義工捉左佢返去貓社, 我話帶花花去睇醫生, 佢話好貴, 唔想我使錢,
要自己醫......我唔係唔信佢, 但是連咩事都唔知......希望花花快d好番......咁乖
咁可愛既貓貓, 真係唔適合流浪......

以前試過幫流浪狗, 都係悲劇收場, 換來一泡眼淚, 所以帶唔到返屋企既都
唔敢理咁多......花花......我係咪唔應該再插手......



12月13日星期日, 一早去左探花花, 見佢傷口好左好多, 精神好好, 仲成日 fee
其他貓貓, 義工一日喂兩次藥同埋搽葯膏, 傷口冇再含濃, 得一個傷口有血水滲,
其它開始埋口, 至於傷口點來既就唔清楚, 花花性格有d似狗狗, 一聽見 "花花" 就
會應人, 真係好得人鐘意......



12月30日, 花花仲留係貓社, 義工一時話佢周圍痾唔生性, 一時話見佢乖
唔想放番出街...... 今日見佢好乖咁訓你隻生果盆到

又比何B女摸, 不過叫佢名冇以前應得咁大聲......

傷口結晒焦, 仲靚女左好多

希望佢以後唔使再做流浪貓......


2010年1月10日, 今日個義工話花花識得用貓廁喇！如冇意外花花應該可以
留係貓舍住, 花花係街流浪左咁多年, 用左1個月既時間終於都學識用貓廁,
希望花花將來會有一個真真正正既家......


2010年6月17日,  早前去睇過花花, 好乖好靚又冇再恰其他貓貓, 終於係上
星期比人領養左, 屋企得爸爸媽媽, 冇其他小朋友, 可惜去到屯門咁遠, 以後
都見唔到花花喇......好掛住佢......