一小袋貓糧,有個打開左既寵物袋, 裡面有隻好驚既貓！好明顯係有人想
放隻貓上山, 隻貓驚到唔敢出來, 睇個袋應該係早一晚放係到既, 隻貓好肥
唔係好怕人, 可憐既貓貓係到過左一個又濕又凍又驚既夜晚....... 個遺棄貓
既賤人, 詛咒佢落十八層地獄都便宜左佢！！！ 幸好貓義工肯收留隻棄
貓係貓社......
隻貓好肥, 摸佢又唔發惡, 收埋自己個頭以為咁樣就好安全......
由於我同個狗友都唔方便帶隻貓返屋企, 後來搵左另一個狗友B媽收留左
一晚, 唔該哂 B媽, 冇你既幫手我地都唔知點算！
12月30日, 去B媽屋企帶隻貓去貓社, 隻貓真係好乖由我抱出抱入, 又識用貓沙盆,
B媽話佢成晚冇出過聲, 點知佢係的士到叫左兩聲......我要比多5蚊！
落左的士先發覺唔記得帶電話, 又冇地址, 背住拾幾磅既肥貓, 拖住何B女,
係觀塘碼頭兜左半個鐘, 何B女係咁問點算呀！ 果一刻好想返屋企, 但一諗
起 $70 的士錢, 好唔甘心, 又唔知帶隻貓去邊, 好彩最後都搵到......
呢隻住係貓社既貓B叫金仔, 4個月左右, 好得意, 又肯比人抱, 另外仲有兩
隻貓B, 如果佢地有人收養既話, 花花就可以係到長住......
一向都唔相信許既願望會實現, 所以從來都唔會許新年願望、生日願望......
不過今日好想許個新年願望: 願再唔會有小朋友被遺棄係街, 願遺棄小朋友
係街既人承受一切被遺棄小朋友精神上、肉體上所受既痛苦......
2010年1月10日, 今日係街撞到貓義工, 佢話今晚約左人睇肥貓, 又話肥貓好乖
好得意, 又識得嗲人, 不過原來肥貓係 "豆雞" 眼. 希望今次見得成, 咁肥貓就
可以有個新家, 有錫佢既爸爸媽媽......
2010年6月17日, 肥貓係貓舍住落之後, 唔肯食野, 貓義工帶左佢睇獸醫, 脫左D牙,
後來變得好惡, 經常恰其他貓貓, 貓義工諗住放出街......好彩幾日前比人收養左,
貓義工送左好多野比肥貓帶走, 不過果家人已經有2隻貓貓, 希望肥貓生生性性
唔好恰佢地喇, 唔係就......
aii..so yum kung ar...
回覆刪除so, are u homing the Grey &black cat now
[版主回覆01/01/2010 02:35:00]我已經有3隻貓5隻狗喇！ 佢住係收養流浪貓既地方
啲人真係好過份!! ..... 一定有報應~
回覆刪除祝 : 新年快樂!!~
[版主回覆01/01/2010 02:39:00]有時真係覺得天冇眼......
我都祝妳新年快樂, Happy New Year！
希望你願望實現！
回覆刪除[版主回覆01/01/2010 02:52:00]謝謝！
唉!好彩隻貓貓遇到你咋.
回覆刪除[版主回覆01/01/2010 02:57:00]幫到佢既唔係我, 係發現佢既狗友、比佢借宿一晚既B媽, 仲有收留佢係貓舍既義工
Happy New Year
回覆刪除[版主回覆01/01/2010 02:58:00]新年快樂！
(Empty)
回覆刪除[版主回覆01/01/2010 03:00:00]好多謝您！ ck
(Empty)
回覆刪除[版主回覆01/01/2010 03:01:00]新年快樂！
Happy 2010 !!!
回覆刪除D人認真冇陰公,咁既野都做行出,好彩比你地睇到,又有義工幫到手咋.~
[版主回覆01/02/2010 00:29:00]宜加總算叫做有得食有得訓咁喇
點解有咁多呢啲咁o既衰人，希望肥貓會有人收養啦
回覆刪除[版主回覆01/02/2010 00:25:00]呢啲咁o既衰人真係毫冇人性可言
又有D咁衰格嘅人, 真係為D小朋友心痛. 好彩暫時有棲身之地
回覆刪除[版主回覆01/02/2010 00:33:00]咁樣遺棄佢, 仲衰過一針送走佢, 呢啲咁o既衰人真係毫冇人性可言
被遺棄的感覺真的不好受，希望貓貓得到適當的照顧﹗
回覆刪除[版主回覆01/02/2010 00:39:00]成貓要好長時間先會適應新環境同埋陌生人......
祝您新年快樂!
回覆刪除[版主回覆01/02/2010 00:39:00]謝謝！Happy New Year
新一年希望個個人都有良心！貓貓都算不幸之中仲有小小幸運，唔係咁凍天氣，留係山上唔知會唔會凍死！
回覆刪除[版主回覆01/02/2010 00:45:00]隻貓貓連離開個袋都唔敢......根本冇可能會生存到！掉佢出街個衰人真係毫冇人性可言
D人到最後一日都要做壞事.. 咁無良
回覆刪除[版主回覆01/02/2010 00:47:00]掉佢出街個衰人真係毫冇人性可言
好彩比你見到佢咋
回覆刪除新年快樂, 好心有好報
[版主回覆01/04/2010 01:59:00]最緊要d人唔好再掉d小朋友出街, 唔係次次都咁好彩有地方收留......
真係好過份.................正衰人 !
回覆刪除[版主回覆01/04/2010 17:23:00]直頭冇人性！！！
隻貓真係好乖好乖！！
豆雞睇咪仲得意，希望呢家人肯帶佢返屋企啦
回覆刪除[版主回覆01/12/2010 00:39:00]佢d表情有d似狗, 好嗲, 希望呢家人 睇中佢喇
真係陰公, d 主人點解會做得出 希望"豆雞" 眼的肥貓, 快d 搵到新屋企 ps.肥貓頭頂的毛色有d 似公主
回覆刪除[版主回覆01/12/2010 00:43:00]肥貓塊臉的毛毛係金金地色既, 個樣好可愛！
希望快d有人睇中佢喇
唉 冇陰公呀...
回覆刪除好彩遇到你 亦好彩有地收留他~~
[版主回覆01/12/2010 00:45:00]希望肥貓繼續好彩落去......
阿獺，係個真正好人， 功得無量。
回覆刪除[版主回覆01/12/2010 01:02:00]阿怪你誤會喇, 樹獺唔係"人"來架
妳係人係鬼，我一睇得出。
回覆刪除[版主回覆01/13/2010 01:00:00]我既唔係人又係唔鬼, 係住係石屎森林既樹獺
Good Luck for 肥貓~
回覆刪除[版主回覆01/13/2010 00:57:00]肥貓: 多謝EE！
好在肥貓乖豬,易有人愛~
回覆刪除-----------------------------------------
花女待領養 !
Click: 花女貓B待領養1[3個月大]
花女是山邊流浪貓, 如沒人領養, 養至合適時間, 便送CCCP絕育剪耳放回山邊流浪 ! 8月茶 [暫養者]
E mail: augustra389@yahoo.com.hk
[版主回覆01/13/2010 00:56:00]希望係咁喇！
花女都好可愛者！
點解要棄貓！好可惡！ 肥貓遇到你是幸運~
回覆刪除[版主回覆01/15/2010 00:13:00]幫到佢既唔係我 , 係發現佢既狗友、比佢借宿一晚既B媽, 仲有收留佢係貓舍既義工
希望佢乖同啲貓相處到啦，唔係打回頭就慘喇
回覆刪除[版主回覆06/17/2010 23:47:00]希望佢懂事, 自己知自己事（貓又老牙又冇）唔係就慘喇