大個既水泡, 驚佢惡性腫瘤番發, 即刻帶佢去睇醫生
獸醫話佢係耳血腫, 唔係惡性腫瘤番發, 係佢成日fing耳仔令到皮下微絲血管
爆左, 皮下果D係血水, 最好係全身麻醉做手術割開放走D血水......
不過由於阿雪年紀大唔建議咁做, 只係開左D消炎葯
又叫我反起阿雪隻耳仔, 搵野扎住等佢唔好再fing耳仔, 等佢身體自己慢慢
吸收番D血水, 睇下得唔得......仲話阿雪生過呢隻惡性腫瘤（must cell）仲
可以生存到宜加係一個奇蹟......
今晚趕住帶阿雪去睇醫生 , 上左的士先醒起銀包得幾拾蚊, 好彩比左的士錢
仲有$10剩, 一聽到獸醫話阿雪唔係惡性腫瘤番發, 又話佢可以生存到宜加係
一個奇蹟, 好開心...帶住阿雪係花墟游盪左成半個鐘先返屋企, 幸好今日係
假期, 可以叫人落樓比的士錢, 唔係都唔知點帶阿雪落mtr提錢, 睇來阿雪真
係好幸運......
2010年4月3日, 阿雪耳仔個血泡越來越大, 有狗友話識得中醫識用梅花針可以
令血泡消退, 但個中醫出左門,唔知幾時返, 另有狗友話最好既方法就係抽D
血水出來, 於是今日買左D用品
一插枝針落阿雪耳仔, 佢既刻慘叫, 我一驚立即拔返出來, 到第三次終於抽
左D血水, 阿雪係咁叫, 叫到我手軟腳軟, 差D暈低, 最後放棄左, 好沮喪......
可憐既阿雪, 過幾日仲係咁的話, 可能要做手術......
4月5日, 本來約左今晚8:30做手術, 但今次個獸醫併唔建議做手術, 佢解釋左
兩種做手術既唔同方法, 又問我點樣幫阿雪抽血, 個獸醫聽完之後（望住我
隔離隻"死肥豬"）就問我: "咁佢做咩呀？". " 佢呢埋左！" 我答（同樣望住
我隔離隻"死肥豬"）...... 跟住個獸醫拎左2枝唔同size既針比我睇, 叫我用
較粗既針, 同埋係吉個窿再唧D血水出來, 上次我驚阿雪痛用左幼針, 所以個
針窿好快埋, 唧唔到D血水出來. 我叫個獸醫做一次畀我睇...睇住D血係咁標
出來！ 最後個獸醫好祥細咁教我點處理個傷口......再講解一次如果做手術會
有咩風險, 然後好認真咁望住我講: "我送枝針畀你, 返屋企你要幫佢做". "下"
我O晒嘴唔識反應...... 今次個獸醫真係好好！ 今次張單只要 $327, 如果做
手術的話要 $1500, 仲要驗血 $830 ！
獸醫叫我要用盡一切方法扎住阿雪隻耳仔, 唔好再畀佢fing甩, 呢個係我照
獸醫講既方法再加埋自創包扎法扎既, 有冇用要聽日先知, 扎左兩次已經
用左一卷黏貼繃帶, $28卷, 好貴！不過都要買多幾卷看門口！
4月8日, 獸醫送果枝針好粗, 我實在落唔到手, 昨晚帶左阿雪做手術, 今日接
左出院, 係的士到阿雪已經fing歪左D繃帶, 返到屋企除左繃帶就見到血淋淋
既雪頭......成屋都有陣血腥味......
獸醫話明天開始每日幫阿雪洗傷口, 直至4月28日拆線. 可憐既阿雪成日用
楚楚可憐既眼神望住我, 好似怪緊我帶佢去做手術咁......
今次做手術 $1500（冇驗血）, 葯費連燈罩$180
4月11日, 4月10日見阿雪成隻耳仔又紅又腫好似係發炎, 約左今日帶阿雪去
覆診, 獸醫睇完話佢真係發炎, 打左枝消炎針, 開左D強效消炎葯. 望住阿雪
隻又紅又腫既耳仔真係好心痛, 其實今次個傷口同佢以前果幾次比起上來真
係好小兒科, 唔同既係今次又紗布又棉花又繃帶一大扎野扎住個傷口, 咁既
天氣想唔發炎都幾難...... 問個獸醫阿雪最壞既情況會係點, 答案係: 有個案
做過3次呢個放血手術...... 今次淨係收葯費 $88
4月22日, 見阿雪耳仔仲有少少發炎, 去獸醫診所幫佢配左兩個星期消炎藥, 原
來上次淨係打左枝消炎針, 另外D藥係止痛而唔係消炎葯, 希望阿雪28日可以
順利拆到線, 其實拆線我都拆過好多次, 如果自己拆可以慳返來回的士錢......
4月28日, 本來約左今日拆線, 諗住順便比獸醫睇下喇, 但原來拆線係助手拆既,
咁不如我自己拆. 見阿雪耳仔仲發緊炎, 都有諗過唔拆住, 不過見D結縮晒入去,
驚第日拉唔番出來, 都係拆左先, 流左好多血...... 平時做手術10日到就拆線, 唔
知點解今次要20日咁耐, 我覺得係D線令到阿雪耳仔發炎...... 阿雪隻耳仔厚過
正常果隻好多好多, 仲有一個星期消炎藥, 希望食完會有好轉喇......
耳背有D一粒粒好似米粒既物體
恭喜雪! 只係小問題, 個獸醫ok唔ok呀? 阿雪包住個頭, 真係好係呀婆
回覆刪除[版主回覆03/30/2010 00:30:00]都唔係小問題架, 唔好既話有可能要開刀架
個獸醫我都唔知叫ok唔ok, 係個女既
成隻小紅帽咁
回覆刪除[版主回覆03/30/2010 00:37:00]今日已經唔肯包住喇
可能叫雪雪果 D 都比較大命
回覆刪除[版主回覆03/30/2010 22:22:00]但願如此
阿雪好叻女喎, 不過佢唔肯俾你包住咁點呀
回覆刪除[版主回覆03/30/2010 22:25:00]諗住車個有橡根既比佢用
亞雪要快啲好番呀
回覆刪除[版主回覆03/30/2010 22:27:00]亞雪: 多謝EE, 我會努力既喇
雪雪幾大呀 ?? 如果只係水瘤, 咁就應該問題唔大呀 !!
回覆刪除我屋企老狗狗都有 !! (都係無做到手術ga !!)
祝佢快啲好返曬 !! > v <
[版主回覆03/30/2010 22:32:00]原來我搞錯左, 係耳血瘤至真, 唔同老狗生既水瘤, 不過獸醫話無生命危險
原來fing耳仔都會咁架
回覆刪除[版主回覆03/30/2010 22:46:00]亞雪耳道窄, 成日都發炎,
一星期冇洗耳仔炸, 就搞成咁喇
回覆刪除原來會咁架~
佢似扮小紅帽o既狼多d~
[版主回覆03/30/2010 22:49:00]又真係幾似波
未睇完真係有D擔心,好彩都唔係大問題.~
回覆刪除[版主回覆03/30/2010 22:51:00]果日爭D比佢嚇死, 好彩獸醫話無生命危險
祝佢快啲好返!!
回覆刪除[版主回覆03/30/2010 22:52:00]謝謝怪怪！
轉貼 走失了的可愛小狗, 在將軍澳區巴士站 ... 等主人回來?
回覆刪除http://hk.myblog.yahoo.com/jw!a9Cn0aWBERsgHmyO1FEd5XMIugHeBw--/article?mid=1561
QQ 媽現在急於幫妹妹尋家!!! 希望佢可以有一個永久的家!!!
很努力地將妹妹的生活同近況 post 上 blog, 有興趣的朋友可以去看看:
QQ, 小克 和 媽咪 ~~ Blog
Please help forward!
http://hk.myblog.yahoo.com/QQ-SiuHak/article?mid=1912&fid=-1&action=next
有意者請跟拾獲者聯絡: syschung@gmail.com
謝謝!
[版主回覆04/01/2010 01:27:00]希望妹妹好快搵到幸福既家
下，原來fing耳仔都會咁 快Ｄ好番！
回覆刪除[版主回覆04/01/2010 01:30:00]唔淨係狗狗fing耳仔先會咁, 貓貓都有機會架！
Baby真係覺得啲動物有妳悉心的照顧好幸福﹗
回覆刪除還有，原來喺Yahoo搜尋樹獺圖片，就會見到妳部份相片﹗
[版主回覆04/01/2010 01:36:00]其實大部份既主人都好似我架
你個blog冇圖片炸, 有既話都搜尋到架
亞雪活到而家己經好好啦,若果將來佢有事都算係賺左,隨緣啦,唔好太擔心,重有幾隻小朋友要你照顧.
回覆刪除[版主回覆04/01/2010 01:50:00]我都知亞雪己經好叻女, 不過我地為佢做既野實在太多喇......好希望佢可以活到15歲......
唔係一定架，我諗重要睇埋個名特唔特別，頭先我試過打MiMi就出啲女人照片，反而打亞怪就有幾張佢曾下載過嘅圖﹗ 但係尋日一打樹獺我一眼就認出家男﹗呵呵呵。。。好耐冇講佢嘅芳心誰屬，戀情發展lu喎
回覆刪除[版主回覆04/01/2010 18:19:00]MiMi個blog講既係MiMa既野, 出女人照片好正常者
比D時間我.......家俊家男好快就出場既喇
祝阿雪早日康復!!
回覆刪除[版主回覆04/02/2010 15:25:00]謝謝！
放心啦, 呀雪有你....佢點會捨得離開丫, 有排陪住你呀 !
回覆刪除[版主回覆04/02/2010 15:43:00]原來耳血瘤冇得斷尾架, 會番發架
回覆刪除村姑
[版主回覆04/04/2010 00:36:00]阿雪: EE你笑我
照顧貓狗真係要好多心機~
回覆刪除加油呀!!再驚你都要幫佢~!
[版主回覆04/06/2010 00:47:00]我會再試, 唔會放棄架
雪雪好叻叻~好彩無事~加油呀
回覆刪除~~抽血一定好痛,但會好番~
支持你
[版主回覆04/06/2010 00:52:00]獸醫話如果我做到的話, 就可以唔使做手術
我會再試, 唔會放棄架
阿雪好慘慘呀，妳要快啲好番呀
回覆刪除[版主回覆04/06/2010 01:00:00]阿雪冇生命危險, 不過手尾長
阿雪: 多謝EE關心, 我會加油架
加油呀！
回覆刪除[版主回覆04/07/2010 00:51:00]我會再試, 唔會放棄架
哎呀!依家阿雪點呀?但係醫生有無講,點解阿雪會咁呀?
回覆刪除[版主回覆04/07/2010 00:49:00]佢成日fing耳仔令到皮下微絲血管爆左, 血水谷係皮下層形成耳血腫
俾信心自己, 你一定可以攪掂 另外, 死肥豬係.......
回覆刪除[版主回覆04/07/2010 00:46:00]阿雪會慘叫, 佢一叫我就震既喇......
死肥豬係......你無理由唔識既波
拮穿佢冇用架, 之前有個朋友仔, 拮穿之後幾日都會脤番, 同埋佢個醫生同佢講如果唔理都冇問題, 因為身體會吸收左個 D 血, 但係隻耳仔會變厚, 之後我有日見到佢既情況, 即刻叫佢轉睇我睇開既醫生, 佢安排左今日做手術,奀妹之前都有一樣既情況, 我帶佢去睇醫生, 醫生諗都唔諗叫我地做手術, 同埋整斷佢入面既微絲血管, SO FAR 而家冇事呀
回覆刪除[版主回覆04/07/2010 17:49:00]我今晚會再帶阿雪去做手術, 都係我 自己唔好, 成日心大心細
好耐冇見你喇,你好嗎！
好在阿雪有你~
回覆刪除不過唔好綁太緊呀~
[版主回覆04/07/2010 17:53:00]根本都綁唔得耐, 佢一fing就甩喇
係咪抽咗啲血水出嚟, 阿雪就會好返冇事喇?
回覆刪除我相信奇蹟, 阿雪一定會冇事, 因為我以前隻鼠鼠朱古力耳邊生瘡因為年紀大冇同佢做手術, 結果有一晚粒瘡自己爆咗, 跟住我幫佢擠晒啲膿出嚟, 之後仲慢慢好返, 所以..... 妳同阿雪都要加油呀!!
[版主回覆04/07/2010 17:57:00]阿雪呢D唔係瘡......我今晚會再帶阿雪去做手術
你好勇敢呀! 希望呀雪冇事, 大步過啦 !
回覆刪除呀雪呀雪， 你要加油呀，我地個個都支持你 ！
[版主回覆04/07/2010 23:51:00]我今次吉唔落手......今晚帶左阿雪去做手術 .......
雪雪有你悉心照顧, 會好快好番架!
回覆刪除[版主回覆04/08/2010 00:54:00]聽日12點去接佢出院
做左手術,佢點呀!
回覆刪除[版主回覆04/09/2010 02:00:00]佢好唔開心
個vet ok好人。用粗針呀雪隻耳仔有冇好d呀?加油呀
回覆刪除[版主回覆04/09/2010 02:02:00]獸醫送果枝針好粗, 我實在落唔到手, 昨晚帶左阿雪做手術,
今日出左院
好多血呀, 好驚呀! 希望雪雪早d好返
回覆刪除[版主回覆04/10/2010 01:13:00]真係好想佢快D好番, 今次真係搞唔掂
Baby呢幾日妳一定又攰又忙，加油﹗
回覆刪除[版主回覆04/10/2010 01:23:00]thx don！ 仲要揍何B女呀
又攰又忙都唔緊要, 最慘係徒勞無功, 先最令人沮喪
好多血，好陰公，希望快Ｄ好返啦！
回覆刪除[版主回覆04/10/2010 01:25:00]謝謝！
見到好多血呀，陰公，阿雪妳要乖乖食藥、洗傷口，快啲好番
回覆刪除[版主回覆04/10/2010 01:30:00]阿雪: EE, 我食藥、洗傷口都好乖, 淨係成日fing頭, fing甩D繃帶
手術費真係一d都唔算貴, 上次糖糖住左3晚, 埋單都要成3千蚊 ! (包留醫3晚, 染血, 藥費, 鹽水針....)
回覆刪除見到呀雪我好心痛呀 ! .........我諗你仲痛過一百倍 ! 你唔好太擔心, 你都要take care自己 !
[版主回覆04/10/2010 01:40:00]呢間箅平, 包一晚住院. 糖糖做咁多野3千蚊叫平既喇
見佢咁樣, 又做唔到D咩, 都真係幾心痛
唔好意思, 咁耐先黎探你, 我近來都好忙喔, 又要照顧妹妹, 妹妹5號先拆左線, 喱3日返工又勁忙, 我自己都唔得閒寫Blog, 你雪雪今日好d未啊, 希望佢早日康復, 寵物病左主人好擔心架, 你要小心身體喔, 你仲要照顧雪雪同其他小朋友
回覆刪除[版主回覆04/12/2010 02:17:00]阿雪傷口發炎有排搞
小朋友多係咁既喇, 呢個好番到果個......多謝關心！
妹妹拆左線冇事就好喇
雪雪 做完手術 過多一個星期就會好番 ~~叫媽媽俾多D寶品你食~
回覆刪除短痛好過長痛呀~~加油呀~~
[版主回覆04/12/2010 02:10:00]阿雪傷口發炎有排搞
早啲做手術啦。 好心痛!!
回覆刪除要快啲好番呀!!
[版主回覆04/12/2010 02:08:00]做左手術啦, 宜加傷口發炎有排搞
呀雪呢兩日點呀, 有冇精神D ?
回覆刪除[版主回覆04/12/2010 02:06:00]阿雪傷口發炎有排搞
唉!睇到小雪咁,真係好肉痛呀.
回覆刪除[版主回覆04/13/2010 00:11:00]比佢搞到我冇晒心機
耳仔有事真係好麻煩,耳仔唔舒服佢地就會fing頭,但係一fing頭就會流血,上次妹豬比小黑打裂左隻耳仔,過左三日後,佢一fing頭又再滴血.後來只有將佢紥到似豬頭.
回覆刪除祝亞雪早日康復
[版主回覆04/13/2010 00:25:00]亞雪隻耳仔又細又硬, 好難紥, 佢今次發炎就係比我紥到好似豬頭搞成既
亞雪: 多謝EE！
阿雪~食左藥打左針好D未呀??
回覆刪除[版主回覆04/13/2010 23:34:00]好左DD, 效果唔明顯
你係......
真係陰公囉，希望阿雪唔好再咁多事，要快快好番
回覆刪除[版主回覆04/13/2010 23:44:00]阿雪真係多災多難......好可憐
嘩, 血淋淋亞雪, 好可憐呀, 不過打針食藥後應該好快好番的, 努力呀 !
回覆刪除[版主回覆04/14/2010 00:13:00]好左D喇, 效果唔係咁明顯
阿雪要乖啦, 唔好再fing啦唔係痛死死架喇 希望佢快d好番啦
回覆刪除[版主回覆04/14/2010 00:02:00]阿雪: EE,我都唔想fing架, 不過又痕又痛, 忍得好辛苦呀
快Ｄ好番呀！
回覆刪除[版主回覆04/14/2010 00:15:00]謝謝！
雪雪你要快D好返呀~~做隻健康寶寶
回覆刪除[版主回覆04/14/2010 00:32:00]雪雪: 我會努力既喇！謝謝！
雪雪, 努力呀,要 快啲好番呀!
回覆刪除[版主回覆04/14/2010 00:33:00]雪雪: 我會努力既喇！謝謝！
雪雪出左院啦? 情況如何呀?!
回覆刪除[版主回覆04/14/2010 00:37:00]出左院喇, 宜加傷口發緊炎
MI媽都知我係邊個....
回覆刪除阿雪好快無事o既...食足d藥就會無事喇~
[版主回覆04/14/2010 03:10:00]你係細佬爸爸
你都咁夜訓呀
亞雪情況點呀??
回覆刪除[版主回覆04/16/2010 00:46:00]冇咩改善
仲好腫??定未消炎??d藥食到幾時呀??
回覆刪除或者妳見d藥差唔多食完,就打落去問問vet,同佢傾下喇~
[版主回覆04/17/2010 01:42:00]d藥丸食完喇, 加果隻藥水食埋聽日
我聽日先打落去問下
嘩....都幾緊要喎...難為佢咯
回覆刪除[版主回覆04/25/2010 01:28:00]好左好多喇
莫講話做主人心痛, 就連我哋blog友見都一樣心痛, 仲戥阿雪辛苦呀!! ... 希望佢隻耳仔真係好快冇晒事就好咯!!
回覆刪除[版主回覆04/25/2010 01:32:00]好左好多喇 , 28號拆線
謝謝！
亞雪一定好痛啦！
回覆刪除[版主回覆04/26/2010 01:51:00]應該係喇
雪 ~加油呀~
回覆刪除[版主回覆04/29/2010 19:18:00]亞雪: 我會既喇, 多謝姐姐
睇嚟好似好番好多喇喎, 阿雪... 繼續努力呀!!
回覆刪除[版主回覆04/29/2010 22:44:00]亞雪: 我好左好多喇, 多謝姐姐
希望阿雪快啲好番，唔好再番發
回覆刪除[版主回覆04/29/2010 22:53:00]希望係咁喇！謝謝！
佢好咪啊??:]
回覆刪除[版主回覆07/23/2010 00:20:00]叫做好番既喇, thx