何B女2010年復活節假期

何B女放復活節假前後加埋來住左成個星期, 日頭同阿莎阿嬌去行山,
最鐘意就係拖阿嬌

平時除左拉小提琴, 同我爭電腦用同埋睇電視之外, 間中都會睇下書

阿嬌好醒目, 識得走去坐係何B女前面, 何B女好自然地踩踩踩.......

阿嬌真係好識享受

貓貓就慘D喇, 家男第一個中招

抱住睇電視係都唔肯放

唔覺意俾家男走甩左都仲唔放過佢

男妹妹: 表姐你放過我喇！

最慘係家俊

何B女扮放走佢, 然後再抱實佢

可憐既家俊

最聰明係家寶, 一見何B女就避開, 好少中招, 何B女有時會扁嘴抱唔到家寶

何B女30、31、1號來住左3日, 走果陣講好左7、8、9呢3日夜晚要返自己屋企
訓, 點知叫極都唔肯返......

樹獺  : 做咩唔返自己屋企訓呀？
何B女: 點解要返呀？

樹獺  :  媽媽好 支力 呀, 要照顧咁多小朋友！
何B女: 來回車錢好貴架！咁你俾車錢我呀！

樹獺  :  果個你屋企來既嘛, 點解我要俾車錢你呀？
何B女: 因為你要我返去囉！

樹獺  :  點解我要揍你呀？
何B女: 因為我冇人照顧囉！

樹獺  :  咁你唔掛住四眼妹媽喇？
何B女: 少少喇...如果四眼妹媽都可以搬來呢到住就好喇！
樹獺  :  ................

接阿雪出院果日, 何B女見阿雪成頭都係血就問我: 媽媽, 你係咪又要帶
阿雪去睇醫生呀？ 咁我地咪冇錢吃飯囉？   何B女先7歲, 已經成日將錢
掛係口邊, 我都唔知咁樣正唔正常, 好彩唔係我生既......