逼到家俊要起身讓位比佢!
唯有抱家寶過佢自己間屋張床訓
家俊即刻訓番自己張床
點知一轉身見到家寶又試逼埋家男家俊張床訓
又抱家寶過佢自己間屋張床訓!
家寶: 媽媽你做咩抱我過來呀?
樹獺: 張床咁細, 邊有位比你訓者!
家寶: 逼埋一齊訓暖d嘛, 我間屋咁大, 冷冷清清咁......
樹獺: 你張床唔大呀!你自己一隻仔訓岩岩好!
家寶: 我想好似家俊咁攬住家男訓覺覺, 天氣咁凍...我覺得好空虛、 好寂寞、好凍......
樹獺: 家男都唔鍾意你, 不如媽媽買個周秀娜攬枕比你攬住訓覺覺啦!
家寶: 下!兩舊石頭......我唔要!
樹獺: 唔係石頭呀!傻仔, 聽講話係真野來架......
小寶寶唔啋我......
當我同阿雪妹豬散完步番屋企就見到小寶寶訓係家男家俊張上格床, 形單影隻...
又真係幾可憐既!
唔知邊到有貓形攬枕賣呢?
哈.......兩舊石頭
回覆刪除[版主回覆01/06/2010 16:58:00]家寶: 嘻嘻......唔似咩?EE
家寶好可憐呀,好似深水籠屋阿伯咁!!!
回覆刪除[版主回覆01/06/2010 17:01:00]比你一講, 越睇越似添
梗係攬家男好過攬枕啦,我都係咁話﹗
回覆刪除[版主回覆01/06/2010 17:11:00]家男: EE, 佢話攬, 我就要比佢攬既喇!
貓貓好怕凍, 一隻瞓係冇咁暖架
回覆刪除[版主回覆01/06/2010 23:52:00]所以諗住買個周秀娜攬枕比佢攬住訓囉
家寶好孤單呀 ,佢都係想埋堆,等家男、家俊接受佢唧筒~
回覆刪除[版主回覆01/06/2010 23:55:00]家俊冇所謂架, 不過張床實在太細喇, 逼唔落
我啲貓貓都好鐘意訓埋一堆架, 真係暖好多架 !
回覆刪除[版主回覆01/06/2010 23:58:00]貓同狗好唔同, 狗狗就算凍都唔會訓埋一堆
有沒有家男型欖枕呀?靚女。
回覆刪除[版主回覆01/07/2010 14:41:00]唔... ...... 將會有, 我打算搵廠家大量咁生產......
點解最肥大最長毛的家寶就有衫着,其牠就冇架?
回覆刪除[版主回覆01/07/2010 14:48:00]家寶唔肥架, 最瘦係佢, 佢成日舔個身, 搞到甩毛一撻撻, 咪幫佢著衫等佢舔唔到囉!
搞到好似籠屋咁呀
回覆刪除[版主回覆01/08/2010 01:30:00]冇計喇!貓口狗口眾多嘛
我都唔係好明,佢地明明全身皮草,都咁怕凍呢~
回覆刪除[版主回覆01/08/2010 22:30:00]貓既體溫高過人同狗, 需要較高既溫度, 所以佢地咪咁怕凍囉
哇,貓都有著衫,咁佢點樣 "lamp" 毛呢?
回覆刪除[版主回覆01/08/2010 22:33:00]就係唔想佢"lamp" 毛! 佢成日舔個身, 搞到甩毛一撻撻,咪幫佢著衫等佢舔唔到囉!
家寶真係好得意呀, 尤其佢捲埋一舊時
回覆刪除[版主回覆01/11/2010 02:01:00]我覺得所有貓捲埋一舊時都好得意!