妹豬你玩野呀

1月13日帶左妹豬去睇獸醫, 順便打埋防疫針, 醫生話過左10歲又少出街既話
可以唔使打, 不過打防疫針$250, 唔打就要收診金$250, 妹豬又成日出街, 打埋
今年先算, 醫生仲開左隻葡萄糖胺比妹豬食

呢樽就係價值$580既葡萄糖胺喇, 90粒, 早晚一粒, 食6個星期！

醫生話妹豬身體好健康, 關節又冇"咯咯"聲, 又話史納莎好多奇難雜症, 13歲
好叻既啦咁話！妹豬行比醫生睇果陣, 健步如飛, 一d事都冇......

樹獺: 妹豬豬你玩野呀！你知唔知媽媽呢排好窮呀！
妹豬: 咁我隻腳係風濕痛呀嘛！你買咁多無謂野梗係窮喇......

樹獺: 咁你係診所又行得咁快！
妹豬: 我......