家俊同家男一向冇食; 家寶淨係晚餐先食; 妹豬因為食緊處方糧, 所以只會晚餐加d肉; 其他小朋友早餐會有少少乾糧, 晚餐就食生肉. 係呢段期間阿莎同阿嬌間中會肚瀉, 仲有就係全部小朋友都消化唔到生骨: 好似牛仔骨咁會嘔番出來, 食完魚個口真係好臭...... 不過d臭臭份量係少左同埋牙肉乾淨左, 原本都諗住俾佢地繼續食...點知前幾日出左事. 首先阿嬌係9月5日出現嚴重肚瀉, 半個鐘頭內瀉左5次, 一路痾 一路慘叫...當晚阿嬌轉食熟鷄飯, 有好轉. 9月6日到阿莎肚瀉...跟住到仔仔、阿雪、妹豬, 既晚全部轉熟食, 9日7日阿莎同阿嬌冇再出現肚瀉, 而仔仔、阿雪、妹豬就嚴重左...不停地進出厠所, 有時開唔切門就周圍痾, 床啊、墊啊、地下啊......家寶衰到痾落仔仔張啱啱先洗完既床到......9月8日清晨2點妹豬痾左落我地張床到, d野要4機先洗得完, 到5點仔仔又痾左尿落自己張床到...又要幫佢洗床, 淨係今日已經洗左3次啦......宜家仔仔、阿雪、妹豬要斷食24小時, 唔得就要斷食48小時......至於第日俾佢地食番生肉既機會應該唔大啦, 雖然唔知點解會咁樣......見到佢地咁痾法真係好心痛...妹豬就來13歲啦, 以前未試過肚瀉; 阿雪呢3年幾以來從來都唔係屋企痾屎架, 唔帶佢出街就唔痾, 最高紀錄係5日, 連獸醫都唔信......但是今次佢竟然忍唔到係廳到痾......可想而知佢有幾辛苦......最高峰時有6個小朋友肚瀉......
嘩...太陽出來了！兩晚冇瞓啦...好攰啊......
生肉呢家野,我重來唔敢試, 就係怕有咁嘅效果,試過一次食生骨,佢地都疴爛屎,以後唔好攪我.
回覆刪除[版主回覆09/08/2009 16:29:00]我見人地d小朋友食得好好架, 咩試下囉......
我諗如果細細個開始食會好d,而中途食可能會唔慣呀.
回覆刪除[版主回覆09/08/2009 16:35:00]我見人地d小朋友都係中途開始食...係我d小朋友唔慣
加加油!! 保重
回覆刪除[版主回覆09/08/2009 16:36:00]謝謝！
天氣熱可能 d 生肉變壞左, 貓狗唔舒服辛苦, 但我覺得你最慘! 希望好快冇事啦!
回覆刪除[版主回覆09/08/2009 16:41:00]謝謝！ 佢地俾我搞成咁都好慘......
哎呀～～～～～
回覆刪除辛苦你喇～～～
佢地唔受得食物突變．．．．
[版主回覆09/08/2009 16:44:00]謝謝！ 都食左一排既啦...唔知邊到出錯...
你編Blog出現個"痾"字好多妹多次, 我從來都無諗過比生肉佢地食架, 見到你個情況真係驚, 會唔會天氣熱, 解凍的時候同時滋生左細菌啊
回覆刪除[版主回覆09/08/2009 16:52:00]都食左一排既啦...唔知邊到出錯... 咁多 小朋友一出事真係好大鑊......
希望佢地快d好返
回覆刪除[版主回覆09/08/2009 17:00:00]你好！我都好想 佢地快d好返！ 謝謝！
小弟建議不要變動得太大！！畢竟是家中寵物，與街上習慣另一生活的貓仔狗仔是不同的，尤其對細菌的抵抗力。小心一點及保重啦！
回覆刪除[版主回覆09/08/2009 17:02:00]明白啦！ 謝謝！
oh!! my god~~~
回覆刪除[版主回覆09/09/2009 01:54:00](Empty)
二零零九年九月九日剛巧是我的第九十九篇網誌，請你來好友留言呢！！
回覆刪除[版主回覆09/09/2009 01:55:00]即到！
我家也試過多隻狗一起痾嘔...我就做到嘔...
回覆刪除take care !!!
[版主回覆09/09/2009 01:57:00]謝謝！ 真係人都顛...
會唔會 D 肉有問題 ? TOUCH WOOD - 我家所有貓貓狗狗都未試過
回覆刪除每日既狗碗有無消毒 ? 不過唔緊要啦 ! 狗狗健康先係首要 !
[版主回覆09/10/2009 00:49:00]都食左一排既啦...唔知邊到出錯... 唯有放棄啦...
maybe d 肉有少許變壞??? 小心take care 啊~~
回覆刪除[版主回覆09/10/2009 00:54:00]都食左成個月既啦...唔知邊到出錯... 謝謝！
始終都係食狗糧同熟肉好d. 最緊要安全, 因為我寧願自已痾好過佢地有事
回覆刪除[版主回覆09/10/2009 00:57:00]你都話得一個啫...我八個啊...慘慘！
食生肉要定期杜蟲，所以我唔敢比佢地食就係怕蟲，不過聽講英短食生牛肉會靚D，但係始終都係覺得唔安全。
回覆刪除[版主回覆09/10/2009 00:58:00]家寶好中意食 生肉架！
之前奀妹試過肚屙要留院呀, 所以我好怕佢地肚屙
回覆刪除[版主回覆09/14/2009 00:22:00]痾到要留院就真係好緊要囉！
我宜家都好驚...