阿嬌都試過仲自己好番...
過左幾日都冇好番, 張張狗狗床、梳化、地下...連諗唔到既地方都有佢既
血尿... 得幾滴想驗小便都冇得驗...
4月6號, 同護士狗友拎左藥畀佢食, 跟住d尿就兩日帶血一日冇咁...
家寶好抗拒支餵藥棒, 索性好似餵狗狗咁餵...
4 月12號, 撞到家寶前主人貓義工黃太, 又拎左d貓尿道藥畀家寶食...
黃太教我買生薏米煲水畀家寶飲...
順便買埋竹蔗矛根車前草煲畀全家飲......
見家寶冇再屙血尿, 就冇再俾新藥佢食, 家寶肥左好多, 有5公斤咁重...
見上次獸醫開既滴蚤藥仲有兩支就快過期, 順便滴埋...
聽狗友講話佢隻狗狗尿道炎食杜蟲丸好番, 見有兩粒狗狗杜蟲丸係到, 得
20公斤份量都唔知畀邊隻食好, 又計岩份量畀佢食埋...不過食之前打去愛
協問左佢地隻杜蟲丸係咪貓狗都食得, 既然愛協隻得呢隻都得既者......
d狗狗隻隻都好鐘意飲竹蔗矛根車前草水, 仔仔狂飲飲到嘔都仲要飲...
家俊就偷飲生薏米水, 可以畀埋佢地一齊飲...
4月13號, 家寶今日冇再屙血尿, 搞左咁多野唔知係咪好番呢？ 再有事就食
黃太隻藥...再唔得就可能係有結石......
呢排唔係餵藥就係灌水, 小寶寶怕左我...辛辛苦苦建立既信任又是所淨無幾
喇......
小寶寶喱幾日成日眼濕濕, 開左門叫都唔落來, 又唔睬我...坐左兩日監者嘛......
一有時間就要同佢按下摩傾下解, 好等佢坐監都有幸福既感覺.......
今日成日霸住仔仔張床...
搞到仔仔要訓地下......
呢排畀小寶寶搞到食都食得唔安樂, 呢頭一坐低咋佢果頭又屙, 又要好似d
狗狗咁周圍索睇下佢屙係邊！！！ 希望佢真係好番喇......
今晚聽個泳客講話佢隻貓尿道炎睇醫生睇左千幾蚊, 連超聲波都照埋, 仲打
左兩支針, 又要食三種藥.......
*******************************************************************
好番喇！
15號, 家寶今日一早就係阿雪張床屙左好大泡尿...
餵佢飲生薏米水時又係我手度留低條吋半長既傷口, 冇良心既貓貓......
16號, 家寶今日好乖, 冇周圍屙尿, 應該好番既喇！ 黃太隻藥可以留起用來
看門口......
嘩！睇見真係多學問，平日要顧掂自己唔好咁多機件故障都已經唔易，要兼顧另一物種似乎更加艱苦。我仲諗住他朝有一日會諗下養貓添，真係要好好考慮清楚。
回覆刪除[版主回覆04/18/2011 02:51:00]傻喇！貓一定要養, 仲最少要養兩隻添呀！佢地帶畀我地好多歡樂！係好好既生活潤滑劑, 係執屎執尿既過程中仲可以潤滑我地d日漸衰退既機件......
回覆刪除家寶眼濕濕個樣, 真係好似好慘咁 希望佢快d好返, d貓貓狗狗有病重慘過自己有病
[版主回覆04/18/2011 02:38:00]家寶好番喇！mimi好番晒未呀
如果我見到呢啲情況，我諗都係帶佢去睇醫生，好驚延誤咗佢o既病情
回覆刪除[版主回覆04/18/2011 02:36:00]屙唔出先要驚呀, 有得屙唔使咁驚嫁, 我睇過本書話人有膀胱炎都係狂飲水就得既喇！
我遲d得閒先帖獸醫d衰野畀你睇......
家寶，乖乖地，快D好番呀！
回覆刪除[版主回覆04/18/2011 02:29:00]
家寶好番喇！thx！
回覆刪除祝家寶早日康服!
餵佢地食藥真係好似搏鬥, 大作戰咁架 ~ 家寶乖乖啦!
[版主回覆04/18/2011 02:28:00]
家寶好番喇！thx！
狗狗好餵d, 貓貓真係好似打仗咁
哎唷...心痛死囉。
回覆刪除[版主回覆04/18/2011 02:26:00]
家寶好番喇！thx！
小朋友有病, 做媽媽嘅一定辛苦又心痛. 希望家寶早日康復!
回覆刪除[版主回覆04/18/2011 02:25:00]家寶好番喇！thx！
好心痛啊！！希望佢快D好返啦！
回覆刪除我嘅小朋友都好鍾意飲竹蔗水，佢地真係傻架！任得佢地飲真係飲到無晒為止，唔肯停架！！
[版主回覆04/18/2011 02:23:00]家寶好番喇！
貓貓唔係好中意飲, 狗狗係咁飲, 仔仔果日屙左差唔多有一公升既尿尿
真喺重麻煩過養人啊! 因為佢哋唔識講啊!
回覆刪除[版主回覆04/18/2011 02:19:00]講得岩呀！就算睇獸醫都係靠估既咋
家寶，咪學林瘋咁..嘢嘢含住泡淚 ,要快D好番啦!!
回覆刪除[版主回覆04/18/2011 02:15:00]家寶: 怪怪哥哥, 我邊有林瘋咁樣衰呀！ 我好番啦, 冇再好似林瘋咁..嘢嘢含住泡淚喇！
黃太嗰隻究竟係嘜嘢藥
回覆刪除[版主回覆04/20/2011 03:19:00]叫BAYTRIL 100mg, 係獸醫開既醫尿道炎藥, 不過就算係獸醫開既藥好多時都係人用既
估唔到不用看醫生就好了，如果比我都唔知點好，就為有看医生！
回覆刪除[版主回覆04/22/2011 02:42:00]家寶都食左一個星期消炎藥嫁！
原來貓貓好易有膀胱炎呀, 你多d煲生薏米煲水畀佢地飲呀
以前我幾隻貓都試過 ! 真係比佢地嚇死 ! 為左佢地健康 , 所以我先係再比乾糧佢地食
回覆刪除[版主回覆04/23/2011 02:29:00]我家俊家男都冇事, 本書話公貓尿道窄好容易有尿道結石, 再加上家寶飲得水少咪出事囉, 好彩我知咩事唔係就比佢嚇死 !
順勢療法中 : 馬錢子 , 斑蝥有大剧毒 , 不可亂用啊
回覆刪除( 我常看你的卜 , 因打字太慢 , 故沒有留言 )
[版主回覆04/25/2011 02:35:00]收到！唔該晒你呀！
您好呀！我完全唔識 打字嫁, 用隻鼠寫字既咋
順勢療法的療劑係經過稀釋和振盪處理的。
回覆刪除稀釋至不含化學毒性，但保持其能量、訊息的。
所以係安全的。
[版主回覆05/02/2011 03:47:00]原來咁麻煩嫁,我都係煲生薏米水畀佢地飲算喇, thx
好番就好啦！ 順勢療法的療劑唔係由我地處理，係已經處理好。好似馬錢子，唔係買棵馬錢子。係一粒粒好細嘅丸仔 ( 好似保劑丸咁大)，稱為糖仔，好方便。
回覆刪除[版主回覆05/04/2011 02:15:00]哈哈...原來係咁, 我以為好似煲涼茶咁呀
明白晒, 唔該晒你呀
原來貓可以飲意米水, 是不是意米加水煲就得?? 等我試下煲...
回覆刪除[版主回覆06/28/2011 02:24:00]係呀, 意米加水煲就得, 不過當水飲好喇, 有事都係要睇醫生嫁
好詳盡呀... 好有用...希望我魯吉冇尿道炎啦~~~
回覆刪除[版主回覆07/24/2011 03:02:00]貓公有尿道炎好平常咋, 多d留意下佢喇
尿道炎同膀胱炎有咩分別呀?
回覆刪除我隻貓仔膀胱炎左好耐都未好返~
[版主回覆05/10/2013 23:52:23]膀胱炎嚴重D...會好痛, 一定要食藥
好似話尿道炎唔醫好D菌會引至膀胱炎
你隻貓仔膀胱炎係咪醫生話嫁？好番未？
自發性膀胱炎好似冇藥食嫁
我家寶轉食濕糧之後就冇再番發喇
係呀~係醫生話嫁~
回覆刪除我問過醫生~尿道炎同膀胱炎有咩分別~我驚佢係尿道炎~
醫生就答膀胱炎多數同尿數炎一齊嫁~
我已經轉左全濕糧嫁喇~ 因為佢唔肯食處方糧呀!
都係時好時壞~仲未好返呀!
[版主回覆05/23/2013 02:38:06]我問過係醫院（人）做既護士, 佢話初起通常係一般尿道炎
我又問過診所（獸醫助手）佢話處方糧只係比正常咸
咁樣貓（狗）先會飲多d水.........
家寶都食過處方糧一個月, 後來停左
太咸會影晌肝、腎
可以煲生薏米水或車前草水灌貓貓飲
幾日前家寶又屙唔倒, 每次幾滴....
咁就要既時灌水, 每次30-50ml
灌左一日就有改善, 要連灌幾日......
如果你貓貓長期都飲唔夠水就要定期灌水.......
希望你貓貓快d好番, 尿道炎同膀胱炎都好辛苦嫁
我唔敢俾依d野佢飲呀~始終都係人飲既野~
回覆刪除所以俾全濕糧佢食算~不過唔係處方糧黎~係普通Natural balance既濕糧.
但係醫生同埋好多人都話一定要食處方糧!
貓仔就係唔食處方糧啊!
[版主回覆05/24/2013 03:18:17]我家貓貓狗狗經常飲嫁, 依d野係中草藥, 寵物都有中醫睇好耐既喇
佢地仲食好多種人食既保健產品
我家寶睇醫生都話要食處方糧, 而加冇食又冇事者
妹豬六年前驗小便醫生都話要食處方糧,
後來另一個醫生就話吾使食（同一份報告）,
阿莎阿嬌間中都會尿道炎（膀胱炎）,
我會比佢地食紅梅淨尿素（人食﹞
食處方糧就一定要幫襯醫生嘛...
好多人都話食生肉好過食處方糧喇!
如果逼貓仔食處方糧可能會比倒壓力佢
咁都可能引發尿道炎（膀胱炎）,