已經有泳客話我游既自由式又快又靚, 點知跟住又有個泳客話我咁
樣游唔岩, 要咁樣咁樣...... 仲次次都專登睇住我游完又講一輪, 唔單
止阻住晒仲搞到我游到亂晒籠！ 同佢話佢游既係舊式同我游既不同
佢又唔明, 最近個人好耐冇來游, 咁我又可以游番自己中意既自由式！
雖然之前跟左教練六堂, 查實只係學左好基本既野, 要游得好又要慳
錢就要靠自己, 所以幾個月前買左呢本書...
呢本書係近幾年先出既...
用真人示範...
舊書多數都係畫公仔, 泳姿都好唔同...
個人見我咁游又話我郁動得太大...
我知個人同大部份人一樣游既都係水面平行既游法...... 又話我划水要密d
...我就係唔中意好似佢講既咁游...
又成日話我側得滯...
呢幾個月來自己好努力咁練自由式, 每個星期平均游四次, 每次一個鐘左右,
由游四份三個池到好輕鬆咁游晒成個池, 而加一個鐘可以游十個來回, 靠既
都係呢本書, 雖然睇唔到自己游成點, 但都當自己學識左自由式既喇......
其實係啲人懶叻想教人啫，自己鍾意點游就點游，唔駛理佢
回覆刪除[版主回覆03/15/2011 02:12:00]佢宜加再來我都冇理佢, 我知佢係一番好意...但就令我無所適從囉
又唔係要去教人，自己喜歡咩姿勢都冇問題啦，除非姿勢錯會受傷就另計。
回覆刪除[版主回覆03/15/2011 02:17:00]係既, 我覺得書教既方法好游d
同意上面"三星"的意見
回覆刪除話時話我自己都好多年無游水, 係時候pick up反
[版主回覆03/15/2011 02:22:00]快d游番喇, 好好玩嫁
回覆刪除嘩, 原來而家 D 教游泳及泳術書咁多插圖, 又精美!
[版主回覆03/15/2011 02:23:00]有d有埋CD添呀！
想當年,我同阿易就係去圖書館睇書學蝶式.....結果..學咗「唔識」,我地以為淨係自己先會咁做,原來會有人陪嘅...haaahaaa...
回覆刪除[版主回覆03/15/2011 02:28:00]哈哈哈.......有d唔同, 我本書係買既
仲有呀...我蛙式都係睇書學嫁
我都想學識游水~~~
回覆刪除[版主回覆03/15/2011 02:30:00]想學就要行動喇！同狗狗一齊游水好開心嫁
我游自由式好似遇溺咁，所以我要向妳講聲~ ~ 讚 ﹗
回覆刪除[版主回覆03/15/2011 02:32:00]練多d就得既喇, 你都勤d練呀！
講明自由式, 梗係自由發揮啦..哈
回覆刪除其實最重要都係手腳配合呼吸...美國女子伊雲絲...勁唔正宗, 一樣破世界紀錄
[版主回覆03/16/2011 02:36:00]哈哈...我見個個游既自由式都唔同樣, 都唔知咩叫正宗
等我搵伊雲絲d資料睇下點勁唔正宗先
回覆刪除晚上好啊! 你真喺吖! 叫佢收聲啦?
[版主回覆03/16/2011 02:41:00]早晨呀！ 佢再來我當佢透明既
我覺得由頭可以游到去尾，無撞倒人就OK啦，理得佢咩式呀！佢咁講，係咪想比D顏色佢睇呀！
回覆刪除[版主回覆03/16/2011 02:46:00]但是如果人多的話自由式好難唔撞倒人嫁
哈哈...我已經比左D面色佢睇喇
服左你咁好學, 我游水浸唔死就當識游
回覆刪除[版主回覆03/17/2011 03:09:00]可能我真係游得幾好, 同我游同一個時段果幾個泳客都學緊自由式
你咁既態度都可以做獨木舟教練
話明係"自由式", 鐘意點游就點游呢
回覆刪除[版主回覆03/18/2011 02:02:00]但都要睇落似"自由式"先得嫁,
我見有人游到好似背泳咁
我連蛙式都未游得好
回覆刪除[版主回覆03/18/2011 21:10:00]蛙式都有好多種游法嫁, 游到就得既喇
其實妳都唔駛特登去買本書丫, 圖書館都有得借.
回覆刪除[版主回覆03/18/2011 21:14:00]我就係係 圖書館借來睇過覺得好有用先買嫁, 咁就可以隨時都睇到呀嘛
哇... 琴日阿..我同我個同學去游水.. 結果我就學識左游水... 但係識游水個個感覺真係好正!
回覆刪除[版主回覆07/25/2011 23:33:00]你咁勁既, 一次就學識游水喇
冇錯, 游水個個感覺真係好正!