3號果日俾何B女拖住阿嬌打左尖, 個傻仔心急追上去, 係到撻來撻去好似
撻生魚咁撻左4-5次先過到去...
見佢咁撻法都預左會有傷, 只係冇諗過會咁傷法, 咬損左下唇
當時條路唔見有血, 去到鐵閘口仔仔企係何B女旁邊等開閘, D血滴左落
何B女隻手先見到有血, 再睇下仔仔個口D血一大滴一大滴咁滴落地下度,
初時以為撞傷個鼻或者咬傷舌頭, 抹乾晒D血先發覺原來咬損左下唇, 地
下D血只係一部份咋, 何B女喊晒口係咁問仔仔會唔會死, 仔仔唔會死...係
我俾佢嚇到半死者！
果日除左咬損左下唇仲撞損左隻腳...
呢兩日仔仔個傷口好似人生痱滋咁...
今日好左好多喇, 不過可能會留有疤痕...
*****************************************************************
至於阿莎個傷口本來已經結左焦, 又俾佢自己整成咁, 都唔知幾時先會好...
一踏入2011年就搞成咁, 唔知使唔使幫八小福祈下福呢......
我唔係好明點解佢會好似撻生魚咁﹖真係陰公，整到咁損
回覆刪除[版主回覆01/11/2011 21:32:00]牆邊係條去水渠, 佢跣左一下驚起上來咪撻來撻去囉, 其實條去水渠好淺既咋, 阿莎阿嬌成日落去行架, 都唔知個傻仔驚咩呀
要小心 D 先得啦 , 我睇見都心痛 !
回覆刪除[版主回覆01/11/2011 22:55:00]我會叫仔仔小心D既喇, 狗老都會論盡D架
好陰公啊!以後唔行嗰度得唔得呀
回覆刪除[版主回覆01/11/2011 23:13:00]行呢度快好多架, 行左好多年既喇, 第一次出事
睇見都心痛 !
回覆刪除[版主回覆01/13/2011 02:31:00]我差D俾佢嚇死呀
陰公豬.. 要快d好番呀
回覆刪除[版主回覆01/13/2011 02:34:00]而加仲係好似人生痱滋咁, 我睇過兩日應該會冇事
仔仔真係幾傷喎 . 阿莎做咩咁曳豬呀 ? 希望佢哋快啲完全康復啦!
回覆刪除[版主回覆01/13/2011 02:42:00]仔仔而加仲係好似人生痱滋咁, 我睇過兩日應該會冇事, 阿莎個傷口岩岩係嘴角, 成日舔到係難好D既喇
真係慘慘豬... 快D好番啦
回覆刪除[版主回覆01/13/2011 02:49:00]都係D皮外傷, 應該好快好番既喇
死火咯! 搞成咁?! 大人有責呀??? 好肉赤呀???
回覆刪除[版主回覆01/13/2011 02:53:00]係...兩次都係我既錯, 係我睇唔實佢地先會搞成咁...
我都到果陣都比佢嚇 C 呀 ! 而家好彩無事咋 !
回覆刪除[版主回覆01/13/2011 12:31:00]仲係生緊痱滋, 我睇過兩日應該會冇事既