阿雪係呢間做左兩個大手術
等候期間
係診症室等緊報告, 門口有人行過, 阿雪八八卦卦咁
個醫生睇完個報告好疑惑咁, 帶左阿雪去比其他醫生睇, 最後話阿雪冇任何
會傳染既皮膚病, 淨係驗到右耳有好多菌, 又因為比我洗得太干淨連真菌感
染都驗唔到, 叫我係下次覆診前都唔好幫阿雪沖涼, 怀疑有可能係嚴重敏感,
宜加既情況併唔係短時間可以醫好, 阿雪可能成世都要食抗敏藥......
睇完醫生, 帶埋阿雪去呢間狗酒店睇床, 諗住買多張比阿莎
呢張床真係幾好用, 屋企已經有3張唔同既XIZE: XS, M 同埋 XL碼
阿雪係咁望住游緊水既玩具鴨
附近有間茶室, 帶住阿雪唔好意思入去睇
使左咁多錢好似都係冇答案, 難怪越來越多人用順勢療法幫小朋友醫病
************************************************************************
9月17日帶左阿雪去覆診, 今次個醫生係幾年前幫阿雪做 TTA 手術果個, 話
阿雪做完 TTA 手術D肌肉可以生得咁靚好少有, 又話通常D狗狗如果一隻腳
有事, 另外果隻腳2年內都會有事, 阿雪係個異數咁話...... 跟住係咁已睇下
阿雪D皮膚, 就話係酵母菌, 酵母菌隻隻狗身上都有, 去到某一個數量就會紅腫
同埋痕, 唔會傳染, 要用藥性沖涼液, 再食多3個星期藥......
見到張單...好想將阿雪遺留係車上......
希望食完D藥唔使再覆診喇......
成世要食藥咪好慘
回覆刪除[版主回覆09/03/2010 01:10:00]宜加仲未肯定係咪要, 係都幾慘架
阿雪只係敏感就放心好多, 因為唔會傳染到屋企其他小朋友
回覆刪除[版主回覆09/03/2010 01:12:00]1日未知阿雪究竟係咩事, 都仲係好擔心
嘩！ 每樣都咁重皮，真係唔講得笑… 另外，咩係順勢療法？
回覆刪除[版主回覆09/03/2010 01:24:00]獸醫貴過人睇既醫生好多架
順勢療法即係天、自然療法, 唔落藥, 唔知點解釋比你聽添, 有好多書講呢樣野架, 你去搵D來睇下
成世都要食抗敏藥......阿雪
回覆刪除[版主回覆09/03/2010 01:29:00]宜加仲未肯定係咪要, 係都幾慘架
如果係敏感???食 yucca root 啦!!好過長期食抗敏藥,類固醇或免疫抑制藥好多,始終係草本藥.主要成效係令腎上腺自行生產天然類固醇去抵禦.
回覆刪除細佬都開始食緊~不過唔係醫敏感啫!
[版主回覆09/04/2010 02:07:00]仲未知係咪敏感
yucca root 市面係咪有得買架？
細佬唔係好番晒LAY咩？
大家都賣同一款藥....佢真係貴幾倍有多...好過搶.....
回覆刪除[版主回覆09/04/2010 02:12:00]真係咁誇......
本來諗住去返上次果間睇, 不過上次有野問醫生成3日先覆我, 仲要係我1日打幾次電話去追......
阿雪真係好不幸 , 點解要咁對佢呀? ....佢咁乖. 不過希望佢唔使成世食藥啦
回覆刪除[版主回覆09/04/2010 02:15:00]宜加仲未肯定係咪要 食成世藥, 希望唔使啦
上次個間??即係邊間???
回覆刪除細佬早一排又有輕微翻發,不過唔嚴重,今日食完個7日療程喇...始終雪狗基本腸胃問題,好難根治...我又唔想佢一有事就食類固醇...
咁有yucca roots呢種天然草本野,就等佢自我調節囉!可能要食一個長期,但仲好過食咁多西藥吖!調返好就一世無憂嘛~
yucca roots功能唔係只對皮膚,係刺激腎上腺,調整正常體質,好多方面都有功效架~另外平常保健都可選擇pycnogenol,但性質就溫和好多...如真係為皮膚敏感就最用返yucca roots.
香港市面我search過好似得呢隻賣緊 -
http://www.pet28.com/profile.asp?id=47908
我就直接係外國訂,純yucca roots囉~
[版主回覆09/05/2010 02:05:00]咪做耳血腫果間囉
宜加仲未肯定係咪皮膚敏感......不過我都會睇多D資料先
唔該晒細佬爸比咁多資料我, thx
D 獸醫收得重貴過人類專科, 唔怪得近年咁多青年人出國讀呢科啦!
回覆刪除[版主回覆09/05/2010 02:12:00]以前大部份獸醫都係外國人, 而加多左好多香港人
獸醫好好做, 佢話幾錢你都要比, D動物又唔識投訴
噢…
回覆刪除[版主回覆09/06/2010 02:10:00]嗯
食完3個星期藥係咪又要再返去覆診呀??
回覆刪除希望如妳所願唔使再帶阿雪覆診, 唔使再食藥.
[版主回覆09/18/2010 01:06:00]個醫生淨係話食多3個星期藥......到時先再算
阿雪真係好慘呀, 成日食藥, 食到抵抗力都差左
好彩唔駛成世食藥，希望佢食埋啲藥就無事
回覆刪除[版主回覆09/18/2010 01:11:00]希望真係無事喇
食藥食到抵抗力都差左, 而且仲好貴添呀
動物年紀大,係會多D病痛~!
回覆刪除做阿媽係辛苦D,加油呀!~
[版主回覆09/19/2010 00:57:00]人有既病痛動物都會有, 只係貓狗得拾幾年命, 佢地D病痛比人會來得快同埋密......
我會既喇, thx
養小朋友真係即係報恩，係我地向佢地報恩咁解！
回覆刪除希望阿雪早日康復！
[版主回覆09/19/2010 01:59:00]嘩...我有8個小朋友, D恩唔知幾時先報得晒
阿雪會好快好返既喇, thx 小議
快D好番！
回覆刪除祝你有個好sweet好開心既中秋節！
人月兩團圓！
[版主回覆09/21/2010 01:33:00]阿雪: 祝姨姨中秋節快樂！我會好快好返既喇！謝謝！！
回覆刪除讓最圓的明月陪伴你和我
讓明月傳達我的心願與祝福
祝福中秋佳節快樂
月圓人圓事事圓滿
[版主回覆09/21/2010 01:36:00]hi, ck您好, 中秋節快樂！
祝啊雪快d 好翻啦! 中秋節快樂!
回覆刪除[版主回覆09/22/2010 00:08:00]thx, 我都祝你中秋節快樂！ ！
咁你大約你咪要用$1500到???
回覆刪除[版主回覆07/17/2011 03:16:00]係呀, 阿雪d皮膚又有事喇