呢個網友為左我地專登開左個blog, 用私人留言分享左佢既心得, 初時以為
係垃圾留言......睇完個留言真係好感動......謝謝您!網路上既朋友 !!!
上次幫阿雪剷完毛發現佢背上生左粒皮下腫瘤
幫阿雪轉身時, 唔小心整斷左佢隻甲, 好彩呢隻好似人既灰甲咁, 所以冇咩血
用較剪剪左
阿雪呢排情細好低落, 因為唔比佢落地, 又冇咩時間開解佢, 佢可能覺得我
唔錫佢......
開始自殘, 戴左頭罩都仲咬到雙手損晒
今晚沖完涼阿雪D毛毛白左好多, 又冇成地硫磺粉, 希望呢個方法有效, 會
日日沖, 10日再作打算
呢D係細B媽送比阿雪外用同內服既非藥物, 多謝晒細B媽!
幫阿雪沖完涼, 見自己塊面成日敏感, 又痕又生左好多紅色粒粒, 順便幫自己
洗埋臉, 如果有效的話就唔使買幾佰蚊1枝又冇效既所謂防敏感洗面奶......
希望你呢個平、靚、正、嘅新方法可以幫到阿雪啦!
回覆刪除[版主回覆08/18/2010 01:43:00]話唔定真係得架
好耐冇過黎探你地喇..............阿雪要加油呀, 阿雪有你照顧真係好好彩!
回覆刪除[版主回覆08/18/2010 01:45:00]好開心再見到你, 你都要加油呀
努力呀!!
回覆刪除[版主回覆08/18/2010 01:46:00]我會既喇
回覆刪除阿雪你媽咪好鍚你地架,唔好唔開心呀!~傻妹~
[版主回覆08/18/2010 01:49:00]阿雪: 姐姐, 我知既喇, 我好快會好番既喇
阿雪真係好唔開心,抽多啲時間同佢傾計,氹吓佢啦~
回覆刪除[版主回覆08/18/2010 01:52:00]我會既喇
呢排要湊何B女, 少左時間係屋企, 9月會多D時間陪佢
PH 唔一樣 , 而且 對狗狗黎講係毒黎架 , 不過雪雪無事先最重要
回覆刪除[版主回覆08/18/2010 01:59:00]應該唔怕既, 呢隻非皂性配方, 同埋雪雪戴左頭罩舔到既范圍好細, 試下應該冇問題
阿雪冇得落地走來走去梗會唔開心啦,我諗妳都係抽多少少時間安慰吓佢.
回覆刪除係呢, 其他幾隻小朋友好番晒未??
[版主回覆08/18/2010 02:01:00] 9月會多D時間陪佢既喇
佢地冇事喇, thx
我親身經歷 - 我同隻貓貓沖涼 , 一次用狗 SHAMPOO 中毒 , 另一次用人既 SHAMPOO 中毒 ....... 所以我先咁講 , SORRY 我唔係話妳呢隻 SHAMPOO 有問題 !
回覆刪除[版主回覆08/20/2010 03:01:00]做咩講 SORRY 呀!大家都係交流下意見, 分享下唔同既經驗, 再係失敗中學習......為既都係D小朋友好! 我都睇過寵物雜誌有講過話滴露對狗黎講係毒黎架 , 我諗 SHAMPOO 含果隻有毒成份應該唔會好高......其實我之前都用過既喇......
舊年家寶中毒, 個醫生都有同我講話狗用既野唔一定岩貓用......係喇, 令貓貓中毒果2隻SHAMPOO係咩牌子來架?
呀雪加油呀~雖然我幫唔到d咩 但精神上支持你地~
回覆刪除[版主回覆08/20/2010 03:05:00]精神上支持已經足夠喇!thx
呀雪: 我會既喇!thx姐姐!