唐裝衫同人字拖, 佢一日行兩次呢個山頭, 所以我地經常都會撞到佢
早幾年見佢日日係到剪攀爬係樹上既微金菊, 我又有樣學樣, 揹住妹豬係到
剪, 搞到妹豬成身比蚊針到又紅又腫...... 呢D枯乾左既微金菊全部都係呢個
阿婆剪既, 呢幾年佢已經冇再剪喇, 佢話成個山頭既微金菊都剪斷晒喇.
呢條石級路最近先整起, 以前係行山人仕整出來既泥沙梯級, 而呢個阿婆
除左剪微金菊之外, 就日日係到幫D梯級油灰水, 造福行山人仕......
呢排經常去圖書館湊何B女, 經常都會見到D阿婆阿伯長駐圖書館既兒童區
打瞌睡, 覺得佢地好樣衰..... 其實人老左都可以過D有意義既生活方式, 如果
唔係, 同等死真係冇咩分別. 希望呢個阿婆可以長命百歲, 身體健康, 亦希望
有日見佢著既係密頭鞋而唔係人字拖, 佢對腳因為要用力抓實地面而過度用
力, 搞到D關節變晒形.
又會阿婆鍾意著人字拖o既
回覆刪除[版主回覆07/12/2010 00:55:00]人字拖好多人鍾意著架, 不過著去行山真係唔係咁適合囉
婆婆好似住係我哋個屋苑,但好耐無見過佢,仲以為佢................搬咗;)
回覆刪除Hi~~I'm 豆豆媽~~
[版主回覆07/14/2010 01:11:00]婆婆好似係住我哋對面D公屋架, 我地前幾日先見到佢
原來每個人都可以活得有意思嫁, 唔駛咩驚天動地大動作, 好似呢個婆婆咁都好有意義呀! 佩服呀!
回覆刪除[版主回覆07/18/2010 23:59:00]係呀, 好似你咁經常拎D花花出來義賣, 都一樣咁有意義, 我都好佩服你架