少左帶佢
係草地既一邊有兩棵樹, 最近開始係兩棵樹中間種花, 打算種多D酢漿草同埋
風雨蘭, 呢兩種花植株比較矮, 又粗生, 睇起上來同野草冇咩分別, 又同樣係
球根植物, 就算剷左都會再生返出來, 呢塊草地大概一年剷2-3次草, 最適合
種既就係呢D球根植物
左邊係榕樹
右邊係台灣相思樹
下面係我種既花花: 風雨蘭
酢漿草Oxalis glabra
綠色葉式Oxalis Regnellii Green leaf, 已經開緊花
酢漿草Oxalis Deppei Iron Cross, 有D都開始開花喇
仲係花花旁邊種左好多艾草, 遲D會越種越多唔同既植物......
阿莎阿嬌係呢到大, 係呢到比我帶返屋企, 第時佢地既骨灰將會長埋榕樹下,
因為以前經常帶仔仔、阿雪、 妹豬到大草地玩, 先會識到阿莎阿嬌, 所以第
時佢地既骨灰也將會長埋榕樹下, 由於貓貓們......慣左同狗哥哥姐姐一齊玩,
唔想分開佢地...... 至於我自己...都唔想同佢地分開, 呢D野係咪應該同何B女
講呢......
6月25日, 前兩日見有工人係到剷草, 今日再上去見已經剷完
同當初所估計一樣, 所有種係到既植物全部完好無缺
7月26日, 黃色風雨蘭開花喇, 仲有幾棵就來開既
比仔仔一腳踩扁左
8月21日, 開左1朵好靚既黃花
仲有一隻（青蛙）？王子
莎嬌好開心~free run
回覆刪除無論在那裡 他們將來都一定活在你們心中。
[版主回覆05/13/2010 01:24:00]係呀, 宜加去街去耐左都會好掛住佢地
我都好喜歡把風雨蘭+吊鐘種在外邊~
回覆刪除非法處理動物屍體, 唔好隨便同人講呀~
我地仲非法種花^^
[版主回覆05/14/2010 01:28:00]係骨灰咋, 仲可以做肥料......好環保架......
我地唔係非法種花, 係用靚花取替D唔靚既野花至真
我都係將骨灰放在青年營附近,Dicky乖Joyce都係放樹腳,將來美麗都係放埋果度.~
回覆刪除[版主回覆05/14/2010 01:32:00]我都覺得回歸大自然係最好既方法
Ｄ花種係出面，真係好pretty呀！你好有愛心呀！
回覆刪除[版主回覆05/14/2010 01:38:00]有Ｄ花唔適合種係室內, 要野放先靚架
我以前都有咁樣諗, 以前我日日都帶狗上後山, 我都有諗過他日仙遊, 會火葬在後山, 但都最後都無咁做.
回覆刪除[版主回覆05/14/2010 01:41:00]點解無咁做呀？
回歸大自然係最好既方法 , 骨灰仲可以做肥料......好環保架......
好勁呀有咁大地方
回覆刪除[版主回覆05/15/2010 02:47:00]放狗好方便
尼個位置唔錯bor, 如果可以我都想有咁正既地方長眠
回覆刪除[版主回覆05/15/2010 02:51:00]你住新界, 再靚D既地方都有喇
因為最後都係唔捨得, 所以放在家中 !
回覆刪除[版主回覆05/15/2010 02:52:00]明白
環境一流, 但係會唔會比人剷走咖?
回覆刪除[版主回覆05/26/2010 00:58:00]應該唔會既, 附近D野草都係差唔多樣既咋